في استراليا هل الانتقال من المعهد للجامعة دايركت ام مطلوب درجة معينة

وين الناس .. يقولون مليان سعوديين في استراليا

UP UP UP

مرحباً يا اخي الكريم

الجامعات في استراليا تطلب درجات معينه في الايلتس او التوفل وتختلف من تخصص لآخر

بالنسبه لمعاهد الجامعات غالباً جميعها معترف بها .. ولكن جودة المعهد تختلف من جامعة لأخرى

وهناك معهد حكومي معترف به من غالب جامعات استراليا ان لم تكن جميعها وهو معهد التيف

بالنسبه لمعاهد الجامعات تستطيع بعد اكمال متطلبات اللغه الالتحاق في البرنامج الذي قبلت فيه لدراسة الماجستير

لكن لكل جامعة او قسم شروط لكي يتم اكمال قبولك في البرنامج

فبعض الجامعات تطلب انهاء اخر كورس في برنامج اللغه الانجليزيه بتقدير C+ اوفر اول وفي الرايتنق

والبعض سي .. هالشي تقدر تستفسر فيه من معهد الجامعات او ادارة الطلاب الاجانب في الجامعة

والجامعات المعتمده غالباً معاهد اللغه فيها معتمده من الملحقيه

ونتمنى لك التوفيق

و اي ايضاحات حاضرين للطيبين

بالتوفيق لك

اشكرك جزيل الشكر ..

سؤال بسيط آخر هل غالب الطلاب السعوديين يجتاز متطلبات الآيلتس او التوفل ..

كمتوسط مثلا هل هو اخفاق من قبل طلابنا ام اجتياز لهذه المتطلبات اللغوية ..؟

وشكرا

قليل العدد بصراحه

يمكن اغلب اللي يتجاوزونه مبتعثين ارامكو وبعدهم مبتعثي البترول

لكن ادخل الاختبار وجرب حظك على الاقل اذا شايف نفسك كويس بالانجلش تقلل عدد اسابيع الدراسه او اطلب منهم بليسمنت تيست اول ماتوصل وبناء على نتيجتك يحددون من اي لفل تبدا

بالتوفيق لك

عذرا اخوي تقصد ان العدد قليل للطلاب الذين يجتازوا الاختبار بدون الدخول للمعهد وهم طلاب ارامكو والبترول

ام تقصد ان العدد قليل في اجتياز الآيلتس والتوفل للطلاب الذين يآخذوا الاختبار

بعد دراسة الفترة المناسبة لمستواهم بالمعهد ..؟

اللي اقصده يالغالي ان البعض يحاول الحصول على النتيجه المطلوبه من هالاختبارات عشان يتجاوز مرحلة اللغه ويبدا الدراسه الجامعيه مباشره
طبعاً طلاب ارامكو حسب اللي اعرفه انهم ما يبتعثون الا وهم جابوا الدرجه المطلوبه في الايلتس او التوفل اما البترول بناء على اعدادهم الجيد في الجامعه اثناء فترة دراسة اللغه الانجليزيه

يعني اللي اقصده ان العديد قليل للطلاب اللي يجتازون الاختبار بدون الدخول للمعهد

وعموماً هذا ليس مقياس تام .. ممكن تكون منهم وتتجاوزه ان شاء الله

بالنسبه لي دخلت حاولت اتجاوزه وما قدرت لكن قللت من فترة دراسة اللغه لاني اشوف ان اساسيات اللغه عندي كويسه وماحبيت ابدا من الصفر

عشان كذا قلت لك اذا تشوف مستواك كويس ادخل الاختبار وما تدري لعل وعسى و اقل الايمان تقل الماده لانها بصراحة مضيعة وقت انك تبدا من الصفر وتقول اتعلم من جديد و اطور اللغه .. لان اللغه بتتطور غصباً عنك في المعهد والشارع والجامعه بحكم انك بدوله اجنبيه .. والمعاهد في المراحل الاخيره تركيزها على الجانب الاكاديمي من اللغه اللي يفيدك في الجامعه .. لان معرفتك للتحدث والاستماع ماهي كل شي .. وبرأيي هذا المرحله المهمه في دراسة اللغه ( طبعاً كلامي اذا تشوف ان الاساسيات في اللغه عندك كويسه خصوصاً في القواعد ) اما القراءه و الاستماع هذي مهارات بتكتسبها مع الوقت لو كنت ضعيف فيه ماراح تضرك كثير

في طلاب معي الان دخلوا اكثر من مره اختبار الايلتس وهم يدرسون اللغه لكن ما قدروا يتجاوزنه .. لان المشكله ماهي في لغتهم لكن في التكتيك المستخدم للتعامل مع الاختبار .. لان الوقت قبل البدايه يهيء لك انه طويل لكن مجرد ما تبدأ تشوفه قدامك يمشي بسرعه غير طبيعيه

اذا كانت لغتك كويسه وعرفت كيف تتحكم في الوقت وتسوي تكتيك يفيدك بتجيب درجه ممتازه جداً ان شاء الله

بالتوفيق لك

وحاضرين لتوضيح اي نقطه

اخوي انت شايفني كيف انا شوي مرتبك وبسأل كثير في الموضوع دا

بس صراحة لأني متخوف من موضوع اللغة كثير صراحة ..

سؤالي واوعدك آخر سؤال اسأله لأني حاس اني تعبتك ..

كم نسبة الطلاب اللي يخلصوا من معهد اللغة ويتخرجوا منو

ويفشلو في تجاوز المتطلب اللغوي سواء آيلتس او توفل ..؟

نسبة من واقع مشاهتدك مو شرط تكون دقيقة وشكرا

فقط ليطمئن قلبي واكون عارف بالوضع اللي بشوفه حتى لا اتفاجأ ..

يا اخي الكريم

اذا اتممت برنامج اللغه في معهد تابع للجامعه التي ترغب بالدراسه لها او معهد معترف فيه من نفس الجامعه لا تحتاج لايلتس ولا توفل

الايلتس و التوفل اذا حبيت تدخل الجامعه مباشره بدون برنامج لغه

لكن نسبة الطلاب اللي يدخلون برنامج اللغه ويتجاوزونه ما اقدر اقولك كبير لكن فوق المتوسط .. الفرق في المده .. البعض تكون لغته تعبانه وياخذ وقت والبعض لغته كويسه ويعدي وفق المده والبعض يحصل على ترقيه ويتجاوز قبل المده المحدده

الخيارات متاحه ولا تتردد ولا تفكر بالفشل .. بإذن الله الأمور طيبه والخيارات كثيره

هل انت خايف من اللغه الانجليزيه بشكل عام او من المعاهد؟؟

اشكر تجاوبك ورحابة صدرك ..

بالنسبة الارتباك والقلق من موضوع اللغة فقط وليس من المعاهد ..