تكفون هل هناك جامعة في استراليا تعادل ساعات.

أيه أخوي فيه جامعات ومستعد أدلك على بعض منها ولكن شهادة الدبلوم من وين ,النسبة كويسة, وعندك لغة إنجليزية أو توفل أو شهادات لغة وهل فيه خبرات عمل أو دورات , انتظر إجابتك والله الموفق.

حبيبي صالح الله يفتح عليك.
الدبلوم من كلية ينبع الصناعية2.13 من 4 خبرات عمل 4 سنوات انقلش 4 في الايلس.

انتظر ردك

أخوي بالنسبة لمعدلك من 4 أو من 5 وممكن توضح ماهي ال 4 سنوات انجلش وهل خلصت لغة في الدولة اللي كنت فيها أو خشيت الجامعة على طول , لي عودة والله الموفق.

المعدل2.13 من اربع

خبرة عمل في الميكانيكا 4 سنوات

إختبار الانقلش في مجال الأيلتس اخذت فيه 4

نعم انا انهيت دراسة اللغة في الجامعة وانا الان في بداية المشوار اللي انتهيت منه من قبل في الكلية بمعنى ان الجامعة اللي انا فيها أكلوني هواء , راح اعيد 4 سنوات من جديد لكن الله ييسرها على يدك باذن الله وتلقالي جامعة تعادل الساعات في استراليا.

هذي قائمة الجامعات:
- Curtin University of Technology
- Deakin University
- Edith Cowan University
- James Cook University
- Queensland University of Technology
- RMIT University
- Swinburne University of Technology وهي الإكثر مرونة من وجهة نظري في المعادلة.
- University of Southern Queensland
- University of Ballarat
- University of Technology Sydney
- University of Western Sydney

وكل الجامعات اللي ذكرتها لك مستواها متوسط وعندها القابلية للمعادلة وأي إستفسار او مساعدة حنا حاضرين ولاتنسانا من دعائك والله الموفق.

والله كفوا استاذ صالح وبصراحة مااستغني عن نصائحك بتوكل على الله واصلي استخاره وبقدم على الاكثر مرونة وراح اتواصل معك اذا ماكان عندك مانع.

الله يحييك أخوي بأي وقت ونصيحني لك قدم عليها كلها وشف وش الأحسن يمكن جامعة تعطيك معادلة لثمان مواد وبعضهم أكثر فما أدري لذلك لاتخلي باب ماتطقه ولاتنسانا من دعاك والله يوفقنا وإياك.

أخوي صالح الله يجزاك كل خير

بصراحة التقديم على كل الجامعات مكلف للغاية لكن ابشرك الحمدلله سمعت نصيحتك واخترت جامعتين ثم قدمت الاوراق على جامعة سوينبرن وديكن وان شاءالله القاء منها خير واسال الله التوفيق والسداد.