تحويل البعثة من امريكا لاستراليا مساعدة

يمكن ذلك ولكن يجب عليك احظار قبول جديد في استراليا مع اللغه للمده المتبقية لك ((يجب ملاحظة ان الجامعه ليست موقوفه ومسموح الدراسه بها في الوقت الحالي ))

ثم رفع معاملة تغيير مقر بعثة عن طريق البوابة خلال تعبئة الطلب تذكر مبررات الطلب

اذا وافق الملحق الثقافي وقتنع بالمبررات تتحول المعامله للتعليم العالي الكترونيا وهناك تتم لجنه امكانية الموافقه معتمده على راي الملحقية الثقافية

بعد ذلك يصدر قرار النقل يرسل للملحقيه ويتم ابلاغك بالبريد الالكتروني ويتم اصدار تذكره طيران لاستراليا .... وبالتوفيق

المعامله تقريبا تاخذ اسبوعين الى 3 اسابيع باكثير من وقت رفعك الطلب .... ((((هذا ان كنت تبع التعليم العالي اما لو تبع وزاره اخرى تختلف المده والطريقة ))))

مشكوور على الرد ..
الله يجعله في ميزان حسناتك ..
بس سؤال اذا كانت المبررات اولا لوجود جامعه في استراليا تقدم التخصص الي راغب فيه
وثانيا لقصر مدة دراسة الماستر في استراليا
هل هي اسباب مقنعه ..

وين تصدر تذكرة سفر لاستراليا !!! طيب والضمان المالي والقبول النهائي من استراليا والفيزا والفحص الطبي .....كل هذي مالها ذكر,,,,

اتوقع انك ترجع للرياض بتذكرة على حسابك وتنهي اجراءاتك وبعدين تطلع لاستراليا...........طيب معقولة امريكا كلها مافيه التخصص اللي تبيه............لكنه سبب مقنع اذا كان هالتخصص مو موجود بأمريكا

من وجهة نظري عندك حلين:

الأول- انك تطلب تأجيل بعثه وتنشب في حلق مشرفك الدراسي حتى يوافق ( لاحظ هنا يكون تأجيل رسمي عن طريق بوابة الطالب ) مو يقولك شفهي خلاص روح وتجي مقلع
اذا صدرت الموافقة الحين ماراح يعطونك تذاكر .... الله لايهينك احجز على حسابك وتعال للسعودية......راسل الجامعه اللي تبيها وجيب القبول المبدئي وأرفعه عن طريق البوابة
وأطلب تغيير دولة الإبتعاث وحط الأسباب اللي عندك....وبعدها ارسل ايميل لمشرفك واشرح له وضعك وان هذي رغبتك...وإنك راح تبدع بهالتخصص هذا وتستمتع بدراسته ومن الرخيص
بعدين اذا وافقوا امشي عاد بإجراءات الضمان المالي والفيزا والفحص..........الخ,,,,,,,اذا ماوافقوا روح ادخل على وكالة شؤون الإبتعاث وأرفق معاه سبب رفض التحويل بعد طباعته من
بوابة الطالب واكتب لهم خطاب تشرح فيه وضعك وانك ترغب هالتخصص ومن هالكلام الرخيص طبعآ اذا وافقوا زين على زين وارجع طبق الخطوه الي قلتها لك بالسطر السابق واذا ماوافقوا
روح احجز وارجع لمقر بعثتك قبل مايلغونها وتفلس من الإثنين معآ.....ويذبحك الحر هنا..(درجة حرارة 50 % )

ثانيآ- انك تكمل اللغه بمقر بعثتك الحالي بس لاتعتمد على المعهد وخلاص نو ثم نو ....لازم تختبر ايلتس او توفل وتجيب الدرجه المطلوبه حسب ماتطلب الجامعه الإستراليه اللي ترغبها وترسل لهم النتيجه
وتحصل على عرض قبول نهائي وبعدها تتقدم من عندك عن طريق بوابة الطالب بتغيير دولة الإبتعاث وتشوف ايش يصير معاك والباقي نفس الخطوات السابقه التي ذكرتها...لكن لو تحصل على التوفل او الإيلتس
بدري يعني قبل موعد الدراسه الفعليه بالجامعه الحاليه بفتره كافية....بحيث انك ترجع اجازة للسعوديه وتنهي وضع التحويل من هنا يكون افضل بكثير.
والإقتراح الثاني افضل من وجهة نظري............

ملاحظة:- عليك الحصول على قبول مبدئي مشروط باللغه بأسرع وقت ممكن اي تستطيع ان تقدم على الجامعه الاستراليه التي ترغبها من مقر بعثتك الحالي...

ادعو لك بالتوفيق وأن تنال مرادك وتدرس ماترغب به,,,,

مع احترامي للاخ فادي

ممكن من بلد بعثتك وماتحتاج ترجع للسعودية انا محول من نيوزلندا الي استراليا ومعايا اكثر من 6 طلاب حولوا مااخذت السالفه اسبوعين وعطوهم تذاكر وستخرجوا الفيزا من نيوزلندا .

بالنسبة للمبررات
اذا كانت مدة الدراسه اقل هذا لصالحك
التخصص لو تم قبولك فيه وكان صعب الحصول عليه بامريكا هذا يعتبر مبرر جيد

في الاخير انت من خسران ارفع المعامله وشوف
اعرف واحد رفع معامله ورفضت ورفع بعدها معامله ثانيه ووافقت الوزاره
من شروط رفع الطلب ان تكون مستمر بالدراسه في بلد البعثه ، ممكن ونتا مأجل بس الافضل ونتا في امريكا

الكلام هذا متاكد منه وحصل قدام عيني مع اكثر من 6 طلاب بنيوزلندا والان كلهم في استراليا يكملون دراستهم


بالتوفيق

مو لازم يكون القبول نهائي للجامعه بدون لغه ممكن تكمل اللغه في استراليا لو يبقى لك وقت بمرحلة اللغه

لاحظ ان الطلب تبع تغير مقر البعثة لايمكن ان يفتح معك في البوابه اذا عندك اي معامله مفتوحه مثل تعويض تذاكر او مايشبه

بالتوفيق

الله يجزاكم خير جميعا ..
على العمموم كثير خوفوني من سالفه التحويل وانها تاخذ وقت وبتطلع ريحتك ..
فانا اشوف اني اكمل فترة اللغه في امريكا واجيب الايلتس والا توفل وان شاء الله اني اجيبها قبل ماتخلص فترة دراستي للغه
وبعدين افضى لسالفه التحويل ...

ماستغني عن نصايحكم ..

اخوي مع احترامي الشديد لك ......

فيه فرق شاسع بينك وبينه....

اولآ- انت في نيوزلندا يعني ساعه ولا ساعه ونصف وانت باستراليا.....................لكن هو بأمريكا
ثانيآ-نيوزلندا كل جامعاتها تقريبآ تطلب ايلتس وهذا شكل نسبة تعثر كبيره في نيوزلندا.....وعلشان كذا في تساهل كبير واستثناءات في الموضوع هذا

تعال للنظام الفعلي وأسأل عنه الملحق الثقافي:
التحويل يكون بعد انهاء اللغه والحصول على قبول غير مشروط من الجامعه التي يراد التحويل لها

اما مسألة شغلات بسيطه مثل التحويل من استراليا الى نيوزلندا والعكس هذي سهالااااااات ويكون فيها استثناءات وتجاوزات اداريه او ان الملحق يستخدم صلاحياته
وأكثر فتره صار فيها هالكلام.....يوم كانت نيوزلندا تتبع للملحقيه في استراليا.....

اخوي مايمنع انك تقدم على الجامعه اللي تبيها من الآن...........وتحصل على قبول مشروط بالتوفل او الإيلتس
هذا راح يختصر لك علشان اول ماتستلم شهادة التوفل او الإيلتس ..........راح النتيجه تروح للجامعه على طوووول
لأن قبل الإختبار يقولون اكتب اسم الجامعه الي تبي يروووح لها نسخه مباشره وتقدر تختار الى اربع جامعات وتسجلهم
وياليتك قلت لنا اسم الجامعه كان افدناك اكثر.............لأن بعض الجامعااااات تاخذ شهرين ويجيك القبول وبعضهم 3 شهوووووور

وبالتوفيق,,,,

أخي العزيز مع الرغم من الجوار الاداري والاقليمي بين استراليا ونيوزلندا الا ان النظام واحد وهناك من حول من كندا الى استراليا ايضاً.
عموما وجهة نظرك ونحترمها
تحياتي