هل ممكن إني أتعلم لغه ولا الهرجه صعبه ,, ياليت تساعدوني (((:

معليه بس عشان ما أثقل عليكم ,, بما إن هالقسم لإستراليا فياليت تجاوبوني على الأسلئله عن استراليا فقط ((((: ..

إن شاءالله ما تعطوني جلنط .. ((:

حبايبي في عدة بلدان ناوي اتعلم فيها بإذن الله بس أبغى أعرف كم الأسعار فيها وأيهم أحسن وأفضل ,,
(( إمريكا - بريطانيا - استراليا - إيرلندا - نيوزيلندا - الدنمارك ))

الأفضل أمريكا من جميع النواحي .. وثم استراليا في الناحية التعليمية والجو التعليمي فقط .

أبغى أعرف الله لا يهينكم كم أسعار الفيزا لكل بلد ,, وأسعار المعاهد ,, وأسعار السكن عند عائله ,, وأسعار المواصلات ,, وبخصوص السكن عند عائله هل الكرشه ومستلزماتها ^__^ على حسابهم او إني ادفع حق اكلي وشربي ))): ..!!؟؟

بالنسبة لسعر الفيزا الاسترالية 560 دولار استرالي .. واسعار المعاهد تختلف من معهد الى اخر ولكن ما تتجاوز في السنة 100000 ريال .. السكن عند عائلة يختلف من عائلة الى اخرى وحسب الاتفاق لكن المعياري ان يكون المتوسط 800 دولار في الشهر بالاضافة الى وجبة الفطور والعشاء .. وممكن تبحث في موقع homestay وبتحصل الاسعار والخدمات وحتى صور للعائلة قبل تسكن عندهم .

ومدري هل لو قرنقشاتي ما تكفي هل يمديني أشتغل هناك أي شغلانه ,, !!
حتى لو كاشير .. !!

لا ممنوع .. لكن ممكن تشتغل بالدس ..

معليه الأسئله مطوله والله يعين اللي بيعطيني وجه

بالنسبه لشخص مثلي ما عندك احد في الإنجليزي أبداً كم يبغالي سنه ,, سنه ونص ,, سنتين !!

اذا حريص جدا سنة تكفي مع الممارسة الخارجية .. اذا غير اجتماعي يبغالك سنتين الى 3 سنوات ..
وبصراحه بيني وبينكم انا شخص خجول وماني اجتماعي هل راح أقدر أمشي حالي ولا صعب إني أستحمل العيشه هناك ...!!!؟؟
راح تمشي لكن بتطول الى تعدي لغة .. ولا تخجل من شيء حاول وتعلم ودرب نفسك بنفسك والمعهد بيقدم لك مفاتيح لغة والباقي عليك .. واسأل شيبان ارامكو كيف تعلموا لغة وهم ما يعرفون يكتبون عربي ..

تحياتي ،،

اذا تبغي نصيحتي

الدراسه في معاهد في السعوديه مع الاشتراك في مواقع تعليم الغه افضل

لانه اذا لم تكن اجتماعي وانت ماترغب الدراسه فكانك ما سويت شي
بالنسبه لاستراليا انا ما اشجع لها الا اذا مضطر

ما راح تلاقي احد يعطيك وجه الا الاجانب

مشكور اخوي ما قصرت ,, وبصراحه بعد المواضيع اللي وضعتها اتضح إنه أرخص دوله تقربياً استراليا وحتى إنها أرخص من نيوزلندا وإيرلندا ,, فأبغى أعرف يالغالي أخيراً عن اللكنه الإستراليه هل فيها اخلاتف عن باقي اللكنات في العالم او انها زي الإمريكيه او البريطانيه ..؟؟!!

هلا اخوي ,, معليه بس المعاهد في السعوديه اللي بالسعر المعقول أغلبها مشي حالك وفوق كذا لتعلم اللغه أهم شي تكون في بيئه ما تحتاج إنك تتكلم فيها بالعربي ..

وبالنسبه بإني عدم إجتماعي ,, مدري يالغلا يمكن انت شكلك تصورتها بشكل كبير لدرحة إني ما حجلس مع أحد


ليه ما تشجعني .. ))): ..!!! ^__^ ..
وش عيوبها ..؟؟

وما فهمت هرجة إنه ماحد راح يعطيني وجه غير الأجانب ,, !!!
ليه يعني ,, على راسهم بطحه مثلاً ..!!!
و اكيد إنه ماحد راح يعطيك وجه من اهل البلد إلا لو كانت عندك صحبه مع احد فيهم ,, اما كذا من الباب للطاقه اعتقد في جميع الدول الأجنبيه وحتى عندنا في الدول العربيه ..

اللكنة الاسترالية فيها اختلاف عن الامريكية .. وقريبة من البريطانية .. واذا انت راعي افلام بتميزها على طول ..