دراسة اللغه والطب في استراليا.محتاج مساعدهـ.

للرفع.اتمنى ماتبخلون علي بالمعلوماات.

شبااب اناا محتااج معلوماات .لا اقل ولا اكثبر.!!!!وين التعااون وحب الخير؟؟؟

أخوي أستراليا فيها مرونة في القبول وتعتبر بالنسبة لي جنة في كثير من التخصصات اللي مانجدها في أمريكا أو كندا بإستثناء طب الأسنان (وتعتبر الأصعب في القبول) والطب والصيدلة (مع العلم أن الصيدلة تعتبر أسهلهم في القبول) ومع العلم أخوي القسم هنا متشبع بالحيل من أسئلة الطب ممكن ترجع لها وإذا تبي إجابة مختصرة لاتضعوا أستراليا إطلاقا في قائمة خياراتكم أو إجعلوها الأخيرة إن شئتم للطب أو طب الأسنان فإذا كانت كندا وأمريكا أو الدول الأخرى صعبة مرة فاأستراليا أصعب مرتين لأنه الطب هنا أشبه بسباق إجتياز الحواجز لأنه عدد الجامعات اللي تدرس الطب في البلد كلها ماتتعدى 8 إلى 10 جامعات فقط من أصل 39 جامعة وتخيل أن كل جامعة تقريبا موفرة 100 مقعد تزيد أو تنقص يتنافسون عليه الصالح والطالح من كل بلاد الدنيا ومنافسة على أشدها بداية من السنة التحضيرية ومقعده ترى مو مضمون حتى السنة الثالثة أو الرابعة وحتى لو مشى في السنة الثانية أو الثالثة راح يعملون له إختبار جيمسات (شبيه بإختبارات القياس والقدرات) ومقابلة شخصية وإذا نجح الله يوفقه يكمل إلين مايتخرج وإذا فشل في المقابلة والإختبار يحولونه على تخصص صحي آخر ومايستاهل أنه ولد عمك يحط حلمه على كف الميزان ممكن ينجح وممكن لا وآخرتها يدرس تخصص صحي لذلك الدراسة هنا تحتاج إنسان مغامر من الدرجة الأولى ودرجة المخاطر والفشل لدراسة الطب هنا عالية مقارنة باأمريكا وكندا لذلك أخوي نصيحتي له دور بلاد أخرى يضمن مقعده في الطب أو طب الأسنان من السنة الأولى أو يحول تخصصه إلى غير الطب وراح يجد كل مايبهجه ويسره والله يوفقنا وإياكم.

كني تحطمت اخوي صالح

اذا طبقو علينا الاجرائات النظاميه متى ننضم للبعثه

أخوي تعرف الحقيقة من البداية وتتجنب الخطأ من أوله أفضل من إنك تكتشفها متأخر بعد مايطيح الفاس في الراس ووقتك وعمرك ومالك وجهدك راح هدر ولاتفكر إن دراسة الطب هنا بالذات راح تكون مفروشة بالزهور بل كلها تعب وقلق وسهر وتحدي والطموح والمثابر واللي عنده هدف بالنهاية هو اللي بياصل لهالشئ وإذا قرى ولد عمك كلامي وإقتنع إنه راح يتحدى العوائق اللي قدامه أشد على يده وأقول الله يوفقه أو يشوف له تخصص بديل ويلقى قبول بسهولة ويدرس هنا بكل أريحية أو يدور الطب في بلد آخر لعله يجد مرونة أكثر من أستراليا والله الموفق.

الله يوفقك يا صالح ويجزاك خيــر تسلم يالغالي والله يكثر من امثالك