استفسار تكفون ياجماعه ادخلو ( تحويل الفيزا من داخل استراليا )

لا تشيل هم وأنا أخوك، الفيزا السياحية يمكن للسعوديين تحويلها من داخل استراليا، استراليا لديهم قائمة بالدول موزعة على مستويات، السعودية ضمن المستوى " أ " وهذا يعني أحقيتهم بتحويلها لفيزا طالب من داخل البلد دون الخروج من استراليا. الله يسهل لك رحلتك ويحقق لك مطلبك. واذا وصلت بالسلامه افتح موضوع واحنا ان شاء الله نقدر نساعدك على طريقة تحويلها لطالب.
بس حاب اعطيك فكرة على اساس تعرف وش المطلوب منك للتحويل.
اولا الفيزا السياحية تسمح لك بالدراسة لمدة ٣ اشهر فقط لاغير، ولايمكنك البقاء بفيزا السياحية اكثر من ٣ شهور في البلد، اذا وصلت بالسلامة حاول تدفع اكبر مبلغ ممكن للمعهد الدراسي، وبكذا يعطونك شي اسمه COE اللي هو القبول النهائي اذا كان معاك قبول نهائي لاكثر من ثلاثة شهور يحق لك التقديم على تأشيرة طالب، لكن التأشيرة بتكون على قد مدة الدراسة او تزيد قليلا، ويحق لك تمديدها، بس لازم يكون طلب التمديد قبل انتهاء التأشيرة السابقة، لانه بقاءك في استراليا بعد انتهاء التأشيرة يعتبر مخالف وراح يطلبون منك مغادرة البلد. لكن لو قدمت طلب التمديد قبل انتهاء التأشيرة ماعندك مشكله حتى لو انتهت بعد ما قدمت لانه في هذه الحالة انت طالب تمديد وفي انتظار القرار على طلبك فتعتبر اقامتك نظامية لحد ما تصدر التأشيرة الجديدة.
يمكن شرحي طويل اذا فيه شي مو واضح اسأل ونوضحه لك اكثر.
تحياتي

تسلم اخوي مشكور وماقصرت يعطيك الف عافيه ولله انك طمنتني حييييييييييل يالغالي