السلام عليكم ورحمة الله وبركاته
حياك الله اخوي the leder وان شاء الله مانقصر معاك
هل دراسة اللغة الإنجليزية خصوصا للي بكملون دراستهم بأستراليا أو نيوزيلاندا مثلا وجاهم قبول مشروطصعبة وشاقة وتحتاج إلى كرف من ناحية حفظ الكلمات والتطبيق الشاق والالزامي للقرمر _لأنو القرمر هذي وخصوصا المراحل الأبتدائية ممكن أن تكون عثرة في طريق المتعلم ويتعقد منها _ والكيمنوكيشن وغيرها ,,, أم الوضع عادي وممتع وبالإمكان التدرب والمحاولة في أي مكان وأي وقت ؟؟؟ خليني اقولك شي
اللغه يا اخوي ماهي ماده تدرسها وتنجح عشان تدخل الجامعه
صدقني لو تعلمت اللغه كماده ماراح تتقنها تماما
الحل الوحيد الي يخليك تتعلم اللغه هو اندماجك فالمجتمع وحبك للغه
كيف؟؟
انا اقولك كيف
شوف اخوي
عندك حلول كثيره تخليك تندمج مع المجتمع وتنسى شويتين لغتك العربيه وتصير مهتم اكثر انك تتعلم الانجليزي
اول هالحلول انك تكون مع locals يعني اهل البلد
كيف تحصلهم هذولا
اشترك فالنوادي حقت الجامعه
راح تحصل جميع انواع القروبات
وفيه اشياء ماتتخيلها
يعني غير الكوره والسباحه والاشياء الرياضيه
فيه قروبات حق طلعات وفيه قروبات حق ألعاب الكمبيوتر والكلام هذا
وكل الي عليك تسويه انك تدخل فالقروب هذا
راح تحصل معاك شباب كلهم فعمرك وبما انك معاهم فالقروب فإنت راح تاخذ منهم اللغه
وفوق هذا راح تسوي الشي الي يبسطك سواء كوره او سباحه او طلعات او اي نشاطات ثانيه
وفيه حل ثاني مساعد الي هو الـ home stay
طبعا هذا اول ماتجي ياسيدي تسكن مع عائله
العوائل في استراليا يختلفون بس فيه بعضهم ممتازين وياخذونك معاهم اي مكان يروحوه
وهذا مفيد لك لأنك بتندمج مع العائله وتتعلم اللغه شكل اسرع
النقطه الي بوصلها لك اخوي هي
لو تبغى تتعلم لغه لاتتعلمها كماده تدرسها وتنجح فيها
تعلمها كمهاره تكتسبها بالاندماج فالمجتمع
ايه والله صادق اخوي TheLeder
عطونا اخبار الدراسة هناك... من متى الى متى؟ هههههههه مع انه بدري على اسألتك
بس راح اجاوبك عليها عشان تتطمني
الدراسه يختلف وقتها من معهد لمعهد
بعض المعاهد عندهم دوام واحد من 9 الى 3 الظهر
وبعض المعاهد مقسمه الدوام الى قسمين
فالصباح من 9 الى 1 وفالظهر من 1 الى 6
طبعا التقسيم هذا ممكن يكون لكثرة الطلاب
يعني الطالب بس يحضر فترة وحده من هالفترات يالصبح او الظهر
وطبعا المعهد هو الي يحدد وعلى حسب المستوى وشغلانه طويله مالكم فيها
فيه واجبات والا لا؟وكيف الطريقه؟
هل الواجبات ورقة تكتبها على الكمبيوتر ؟ او تجيك مطبوعة وتكتب عليها؟ الموضوع اسهل مما تتخيلين
الواجبات تكون اسئله تكملها فالكتاب
او مثلا كتابة تقرير او قطعه في حدود الصفحه الى صفحتين
والامر راجع للطالب بيكتبها بالكمبيوتر ولا بيده
ووش هي كتب الانجلش اللي يدرسونكم اياها؟
عطونا اسمائها؟وصورا اغلفتها اذا امكن؟ هل هي موجودة عندنا اولا؟ كل معهد عنده كتب وفلسفه مختلفه فالتدريس
بس فالنهايه كلهم يعلمون نفس المهارات
القراءه والكتابه والاستماع والتحدث
الكلاس كم فيه طالب؟
هل للكل جزء من الانجلش استاذ معين؟ مثلا للقرامر استاذ؟للإملاء استاذ؟ او هو واحد؟ وكيف طريقة الاختبارات عن طريق الكمبيوتر والا ورقة وقلم؟ الكلاسات تختلف كمان من معهد لمعهد
يعني انا فمعهدي فيه تقريبا 10 الى 15 طالب فالكلاس
ويجينا مدرسين
واحد يجي يومين الاثنين والثلاثاء
والثاني يجي ايام الاربعاء والخميس والجمعه
وطبعا تختلف من معهد لمعهد
الاختبارات عاديه ورقه وقلم
ماعدى اختبارات التوفل فيه بالكمبيوتر
الانجليزي مستويات
والمستوى عادة يكون من 5 الى 10 اسابيع وكل نهاية مستوى يسوون اختبار
واذا نجحت فالاختبار للأربع مهارات الي ذكرتها قبل راح تجتاز المستوى وتروح للمستوى الي بعده
وش اكثر شئ تكرهونه في دراسة الانجلش هناك؟
او الدراسة بشكل عام؟ بالنسبة لي انا اكره دوام الصباح
وما احب الا اقوم على الساعه 12 فالظهر واروح الدوام من 1 ونص
بس نكتفي بأسئلة المعهد اذا جاوبتوني
بأسئلكم اسئلة كثيررررررة بخصوص الجامعة.. حياك الله اختي
واللي ميح ما يعرف شيء بالانجليزي خير شر
وش يسوي اذا راح هناك ؟
فيه احد راح وهو ما يعرف شيء بالانجليزي ؟
يا ليت يكتب لنا عن تجربتة هناك
وكمان ايش ينصحنا فيه ؟
انا لي اصحاب جو هنا استراليا وهم مييييييييييييييييييييييييييييح وبادين من الصفر
والان ماشاء الله عليهم يمشون امورهم
ما اقولك انهم كويسين بس فيه تحسن كبيييييييييييييير
ونصيحتي لك مثل نصيحتي لصاحب الموضوع
حاول تندمج ولاتتعلم اللغه كماده تدرسها عشان تنجح
بالتوفيق للكل
واي استفسار احنا حاضرين
October 29th, 2007, 04:33 PM
السلام عليكم ورحمة الله وبركاته
كيف الحال أن شاء الله طيبين
في الحقيفة في سؤال في بالي صار له شهر يحوم ويدور وماحصلته إجابة مقنعة
فقلت في نفسي ليش ما أسدح السؤال عند أصل السؤال اللذين يملكون الأجابة الراوية والشافية ,,,
اللي هم يدرسون برا وخصوصا اللي يدرسون اللغة حاليا
السؤال هو :
هل دراسة اللغة الإنجليزية خصوصا للي بكملون دراستهم بأستراليا أو نيوزيلاندا مثلا وجاهم قبول مشروط صعبة وشاقة وتحتاج إلى كرف من ناحية حفظ الكلمات والتطبيق الشاق والالزامي للقرمر _لأنو القرمر هذي وخصوصا المراحل الأبتدائية ممكن أن تكون عثرة في طريق المتعلم ويتعقد منها _ والكيمنوكيشن وغيرها ,,, أم الوضع عادي وممتع وبالإمكان التدرب والمحاولة في أي مكان وأي وقت ؟؟؟
أرجو أن أجد تفاعلا مع الموضوع
وشكرا للجميع :99: