استفسار بخصوص دبلوم الاشعه .. (( ارجو المساعده و النصيحه ))

وعليكم السلام ورحمة الله وبركاته

- نعم يوجد جامعات في أستراليا لديها تجسير لدبلوم الأشعة.

- بالنسبة للمعادلة فهي على 3 حالات:
1- تسقط عنك السنة التحضيرية وتدرس بكالوريس 3 سنوات (وهذا أكبر الإحتمالات).
2- تسقط عنك السنة التحضيرية وترم من البكالوريس ويبقى لك سنتين ونصف (أوسط الإحتمالات).
3- تسقط عنك السنة التحضيرية وترمين من الجامعة ويبقى لك سنتين (أضعف الإحتمالات).

- بالنسبة للألتحاق للأسف إذا بتدرس اللغة ماراح يضمونك إلين ماتخش الجامعة وهذا التعميم لسى جديد وتم تطبيقه وأما إذا لغتك كويسة وبتخش الجامعة دغري فماعليك خوف وعلى كل الأحوال أستفد من فترة وجودك في السعودية وأحصل على الأيلتس.

اولاً جزاك الله خير اخ صالح ...

وثانياً اشكرك ازحت عني هم كبير كان شاغلني ..
وبخصوص اللغه انا احب اني ادرس اللغه هناك لغتي الانجليزيه جيده ولكن ما اعتقد انها تاهلني ان اخش الجامعه على طوول ..
وهل قصدك اذا درست هناك اللغه ما راح التحق بالبعثه الى اذا دخلت الجامعه يعني بتكون سنة اللغه كلها على حساابي ؟؟؟

ثانياً هل تنصحني بجامعه معينه او ولايه معينه لـ اكمل دراستي للاشعه ..

وشكرا لك والله يوفقك يُ رب

بالنسبة للإلحاق الأخبار متضاربة حتى الأن فاأنا ماأبي أعشمك وأقول لك تعال والأمور سهالة وتلتحق على طول وبالتالي تنصدم بطول إجراءات الإلحاق فلذلك حط إحتياطاتك لسنة قدام فلذلك الموضوع شختك بختك ممكن تلتحق أول ماتجي وممكن يشترطوا عليك تخلص اللغة وماحد عارف.

وبالنسبة للجامعة قدم على كل الجامعات اللي فيها تخصص الأشعة وشوف من اللي يعطيك معادلة أكثر وبعدها توكل على الله على الجامعة.

الله يجزاك خير وشاكر لك ... تعبتك معي ..

انا ببداء من الاجراءت من الان بكثف استفسارتي الين ما اتخرج ان شاء الله

وبخاطب كم جامعه وان شاء الله تتيسر اموري ...

الله يوفقك يُ رب اخ صالح ... كل الششكر لك

شوف يالغالي ... اذا تقدر بتجيب في الآيلس 6,5 فعندك جامعة كيرتن دراستهم مره سهاله و عندك جامعة الشارقه بالإمارات لكن هالجامعتين الكلام يطول عنهم .. فوزارة الصحه رفضت ابتعاثي عليها .. الأولى لأن مستوى المتخرجين منها متدني و لكن بعض الشباب قدر يروح عليها و كانت موقفه من التعليم العالي لكن سمحو بالإبتعاث لها .. و الثانيه جيده و قويه لكن تم ايقاف الإبتعاث عليها من التعليم العالي

و اذا بتجيب 7 فعندك جامعة كوينزلاند اوف تكنولوجي .. في برزبن .. ولاية كوينزلاند ... اللي انا فيها حاليا و غدا الدوام ...


بالنسبه للمعادله حسبو لي سنه لغه و سنتين تخصص .. مع العلم اني خريج الكليه الصحيه .. ما ادري كم عادلو ..

جامعة كيرتن الدراسه فيها 2و نص شامل سنة اللغه ..

الشارقه تعادل الشهاده بعد دراسة اللغه لكن ما راح يبخسوك ...


بالتوفيق .. و اي خدمه نحنا حاضرين

الله يعطيك الف عاافيه يُ الغالي .. وبيض الله وجهكك ..

طيب جامعة كرتن هل هي موقوفه من التعليم العالي ولا لا ..

ثاني شي تخصصات الاشعه اللي بالجامعة اللي انت فيها وش !!

وهل تقدر تجيبلي منها قبول

انتظر ردك والله يجزاك خير