استفسار كم استفسار ( إذا تبونّي أجيكم ) ولا ترى بارجع لدبلن .. جاااااد جداً ( أريدكم ) ..

أنا مرافق .. لزوجتي وأختي .. في إيرلندا .. الوضع طيب .. ولله الحمد ..

معي ماجستير لغة عربية .. أريد التقديم على الدكتوراة ..

الله يوفقك يارب .. ان شاء الله تلقى التخصص اللي يناسبك يارب

س1 : إجراءات الفيزا ( سهلة لنا كلنا ولا لأ + كم تاخذ من وقت ) إذا أمكن الشرح ياريت .

اجرائات الفيزا لا تشيل هم ابدا لانها سهله اون لاين تقدر تسويها بنفسك وتلقى الخطوات مثبته عندك في المنتدى فوووق

فيزا سياحية : تاخذ من يوم الى يومين اون لاين ....... تدفعها عن طريق الفيزا وتترسل على بريدك الالكتروني مدتها سنتين .. وتقدر تحولها اذا جيت دخلت استراليا فيزت طالب COE

فيزا دراسية : تاخذ من اسبوع الى شهر اذا كانت اوراقك كلها كامله تطلع بسرعة ..

س2 : الشعب طيب ولا ملعون والدين ؟ وهل فيهم نزعة إجرامية .. وهل فيهم هياط ومَشْكَلَة .

ههههههههه شكلك متعقد من ايرلندا ههههههههههه لا ملعون ولا اي حاجة مره في حالهم طيبين الاستراليين مسالمين

ومافيهم هياط ولا اي شي هههههههههههههه حلوة هياط هذي

س3 : وضع الحجاب (( نقاب )) .. ( في الشارع + المعاهد والجامعات ) ؟

الحجاب منتشر بكثره في استراليا .. الدين الاسلامي معروف وعادي عند الاستراليين نفسهم .. في الجامعات فيه بعضهم يخصصوا مصلى

س4 : العمران والفلة .. ومدارس الأطفال ؟

العمران كل شي موجود وسط البلد الستي المراكز التجارية والاسواق الشعبية والمولات والمنتزهات و ملاهي الاطفال ووووو وفيه مدارس للاطفال على حسب المدينة اللي انت ناوي تروحها


س5 : كم المكافأة للمبتعث .. وكم للمرافق , وكم تساوي بالريال .. وهل هي كافية (تكلموا عن مبتعثة ومرافق ولا تنظروا لوضعي) , ياريت تفصيل .

مكافئات المبتعث 3 الف دولار استراليا وكسور ...... على حسب سعر الصرف مره فوق ومره تحت الدورلا الاسترالي مش ثابت ... اكيد انها تكفي وزياده ان شاء الله
اذا مبتعثة مع مرافق الراتب يكون 4600 دولار استراليا ...

س6 : كم أجار الشقق .. وتفصيلها .. وهل فيها أمان ؟

اذا ناوي تسكن في وسط الستي الشقق بتكون غاليه اسعارها لان كل شي متوفر في الستي .... تبدء الاسعار من 1600 دولار شهريا الى 2500 دولار وانت طالع فووووق
طبعا فيه منها مؤثثة والكثير منها غير مؤثث ... على حسب هيا تكون بالاسبوع ايجارها حوالي 350 دولار في الاسبوع الى 550 دولار على حسب موقع الشقة والخدمات اللي فيها

واذا صار فيها سيكورتي بتكون اغلى شويا ....

وفيه نظام البيوت الاستراليه ... هذي تكون اسعارها جيده نوعا ماااا ... من 250 دولار في الاسبوع الى 350 دولار ... فيها 3 غرف و صالة ومطبخ كبير + حديقة امامية و حديقة خلفية
وقراج سياره خاص ...
س7 : كيف القبولات ( دكتوراة .. لي ) + ( الماجستير = رياضيات ) ؟ إذا ممكن تفصيل .

بالنسبة للقبولات يبغالك تسئل مكتب متخصص يجبلك قبول للدكتوراه ... ان شاء الله انها ما تاخذ وقت طويل .. وهذي المكاتب تجيب قبولات مشروطة مجانية

أخيراً .. هل تنصحونني أجي .. وأنا مرتاااااح في إيرلندا ؟

اذا انت مرتاح في ايرلندا ................... ليش تفكر انك تغير الدولة ؟؟؟؟؟
بس اذا تفكر انك تدور على شي مميز ... تعال استراليا الله يحييك ان شاء الله راح تنبسط اكثر من ايرلندا .....

بارك الله فيكم ..