مساعدة ابغى مساعده في ماستر تخصص لغويات

وعليكم السلام ورحمة الله وبركاته ..

اول شي شوفي الدول المسموح لك بالدراسة فيها .. لأن استراليا موقفه وتحصلين القائمة في موقع وزارة التعليم العالي - الجامعات الموصى بها

وممكن جامعتك عندهم قائمة خاصة ..

وبعد ماتحددين الدولة .. شوفي التخصص اللي ترغبينه .. اللغويات تخصص عام .. وفيه مسارين تطبيقي ونظري .. وش اللي تفضلين؟

وبعد ماتحددين أي مسار .. تبدأ مرحلة البحث عن الجامعات .. ومن ثم المفاضلة .. وبعد الانتهاء من المفاضلة يتم التقديم وغالباً يكون اونلاين ..

أي استفسار .. لاترددين

شكلرا يااخوي بس ايش الفرق بين لغويات تطبيقيه ونظريه انا ودي اطلع استراليا بس لاحظت انا الوزاره حق التعليم العالي في برنامج الجامعات الموصى بها مافي كثير جامعات استراليه اكثرها امريكيه يعني افضل للدراسه باامريكا وكمان لما يكون القبول مشروط يعني لازم معهد قبل ماادخل الجامعه احس ك\ا افضل في الجامعات الاستراليه لازم الايلتس ودرجه عاليه بعد قبل ماتطلع القبول
ومشكوره على الرد وارجوا انك تفيديني لاانك مبتعث باامريكا

حياك الله

النظري يركز على الأشياء النظرية في اللغة مثل: syntax, semantics, phonology, phonetics, etc...

والتطبيقي في الجوانب التطبيقية مثلاً .. second language acquisition وماشابهها .. تحصلين تفصيل عنها في ويكيبيديا ..

قلت لك استراليا موقفه ، واذا انتي مبتعثه من التربية والتعليم ممكن عندهم قائمة جامعات خاصة فيها .. تأكدي منهم

واذا كنتي تبع التعليم العالي .. مالك الا القائمة الموصى بها .. يعني مالك الا امريكا فقط .. وأمريكا القبول فيها متعب شوي ..

انا رايح استراليا ان شاء الله على حسابي .. بالنسبة للبيانات اللي تحت اسمي فهي قديمه .. ولا حصلنا فرصه نغيرها ..

اخوي كيف الغويات التطبيقيه حلوه وسهله وكيف تم قبولك دخلت معهد قبل ماتدرس ولا لا واختبرت الايلتس بالاردن قبل ماتطلع البعثه ولا بااستراليا
وشكرا........

الله يوفقك وشكرا على اهتمامك انا ودي ادرس لغويات نظريه على نظام كورس
هل الجامعه الى انت فيه تتيح هادا النظام وكيف القبول فيها
شكرا.........

جامعة مكواري من افضل الجامعات اللي فيها قسم اللغويات قوي جدا اللغويات التطبيقيه سهله جدا مثل التيسول و second language acquisition
النظريه جدا ممتعه وتحتاج لتعمق في اللغه وانا أفضلها لكن يعود الامر للجامعه وايش التخصص المطلوب مثلا انا الجامعه طلبت تيسول وترفض تخصص اللغويات النظري
استخيري و الله يسهل امرك

ملاحظة مهمة بخصوص جامعة ماكويري

الجامعة فعلا جدا متميزة في المجال المذكور , لكنها مظلومة بكونها خارج القروب أوف إيت

وحاليا الجامعات السعودية لا تبتعث معيديها سوى للقروب أوف إيت , ولا يرحبون بمن يرغب بالعمل لديهم إن خريج غير القروب

بالتوفيق

السلام عليكم انا الحمدلله داومت بالكليه وسالت طلع مافي احتياج الا ماسترفي الادب والترجمه هادا الاحتياج بس مافى لغويات وماادري ايش الافضل