طالبه مساعدتكم يا اخوان

الجامعات الثمانيه تشترط الايلتس للماستر تقريبا لازم تجيبين درجه 6 او 6 ونص

ومده الماستر يختلف من سنه الی سنه ونصف بدون دراسه اللغه

وافضل مدينه للعيش بصراحه كلها مثل بعض تقريبا لكن الافضل من ناحيه الطبيعه و الجو الدراسي مدينه ملبورن ولايه فكتوريا

واي معلومات ثانيه ابشري

السلام عليكمالأخت الفاضلة ... جميع الجامعات تشترط الآيلتس والدرجة تكون من 6.5 وانت طالع حسب التخصص وفي حالت تخصصك أعتقد انها لن تقل عن 7. وبعض من هذه الجامعات تقبل دخولك لها شريطة الانتهاء من أحد المعاهد التابعة لها أو المعتمدة في اغلب استراليا كمعهد التيفومدة الماستر كما ذكر الاخ بدر من سنة الى سنة ونصف.المدن تختلف عن بعضها البعض ... فمثلاً سيدني الأغلى هناك.. تليها ملبورن وبرزبن...

مشكورين جزاكم الله خير والماستر يبدا بأي شهر عادة واذا كنت ابي قبول معهد الجامعه كم راح ياخذ وقت القبول وانا معي 4ونص بالايلتس

انادخلت موقع جامعة سدني لكن مالقيت تخصصي لقيت creative writing انا تخصصي ادب وتقريبا بكل الجامعات الثمانيه مو موجود وقريت ان السيمستر الاول يبدا بمارس هذا الماستر حابه اسأل متى مفروض ابدا معهد وهل جامعة سدني تعطيني قبول مشروط بالايلتس والدراسه في معهدها وجزاكم الله خير

أغلب الجامعات الي لديها نظام السمسترات يبدأ سمستر الاول فيها والي هو الخريف :على نهاية فبراير وبداية مارس
وأما السمستر الثاني والي هو سمستر الربيع : يبدأ على نهاية جولاي وبداية اغسطس.
.................................................. .................................................. ...........................................
بالنسبة للمعهد أي وقت تقدري تبدأي لأن معاهد اللغة على مدار العام مستمرة... يعني على حسب القبول ممكن تجيهم في وسط السنة أو أولها أو آخرها مو شرط وقت معين لها.. ومن يوم ما تخلصي اللغة تتنتظري متى راح يبدأ أقرب سمستر بالجامعة وتبدأي الدراسة
جامعة سيدني لها شرطين لدخول الجامعة... إما درجة الأيلتس وزي ما قلت لك الدرجة تختلف من تخصص لثاني.. فتخصصك لأنه لغة انجليزية فأتوقع انهم راح يطلبون درجة عالية... والطريقة الثانية معهد اللغة التابع للجامعة والي فيه برضو اختبار ومطلوب درجة معينة فيه عشان تدخلي الجامعه
طبعاً الكلام ذا قبل سنتين .. وما ادري هل تغير نظام المعهد أو لا... لأن سمعت انهم بدأوا يركزون أكثر على تجهيز الطالب حسب تخصصه فمثلاً طالب الهندسة يطلبون منه بحوث عن تخصصه والحاسب برضو عن تخصصه حتى يجهزونه للجامعة... ولكن ما ادري هل ألغوا الاختبار الخاص بالمعهد أو لا
.................................................. .................................................. ............................................
بالنسبة للتخصص الي تتكلمي عنه... ما عندي خبر واجد عنه لكن في جامعة في سيدني اسمها مكواري ... الجامعة ذي مو من الثمانية الجامعة ولكن فيها تخصص اللغة الانجليزية هو الافضل في القارة وله تصنيفه القوي جدا عالمياً
وأتوقع انك راح تلقي التخصص الي تتكلمي عنه في الجامعة ذي... ولكن نهائياً لا تقربي معهدها لردائته واستغلال السعوديين فيه... اذا تبغي الجامعة ذي ادرسي لغة في اي معهد قوي زي الانسيرش التابع لل UTS وحاولي تجيبي الأيلتس

مشكور اخوي ماقصرت بس جامعة مكواري مش من الثمانيه يعني ماراح تقبلها جامعتي وجزاك الله خيرا