الأعضاء الإشتراك و التسجيل

الملتقيات
ADs

ابغى رايكم جزاكم الله الف خير....

ابغى رايكم جزاكم الله الف خير....


NOTICE

تنبيه: هذا الموضوع قديم. تم طرحه قبل 5965 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية روح كلها جروح
    روح كلها جروح

    مبتعث مستجد Freshman Member

    روح كلها جروح أستراليا

    روح كلها جروح , ذكر. مبتعث مستجد Freshman Member. من أستراليا , مبتعث فى أستراليا , تخصصى طب اسنان , بجامعة ناقل ان شاء الله من UWA
    • ناقل ان شاء الله من UWA
    • طب اسنان
    • ذكر
    • Perth, WA
    • أستراليا
    • Oct 2007
    المزيدl

    November 28th, 2007, 06:36 PM

    السلا عليكم


    هلا لطلاب استراليا كلهم


    اليوم رحت الى مكتب idb وقلت لهم عن جامعة the university of western australin الموجوده في مدينة perth . قال لي بجيب لك القبول في المعهد التابع للجامعه خلال ثلاث اسابيع واذا تبي القبول في الجامعه في تخصص الهندسه ما راح يطلع في اقل من شهر ونص وما راح يمديك على الترم قلت انا اجيب قبول الجامعه من هناك ثم اخاطب الملحقيه عشان اقدر انضم قالي تقدر كذا .فا ما ادري وش رايكم في الجامعه؟ وفكره اني انا الي اجيب القبول من هناك ؟وهل جو المدينه معتدل ؟وكيف المعيشه هناك مع علم ان موضف المكتب يقول زي الرياض تقريبا؟



    وجزاكم الله خير
  2. السلام عليكم ورحمة الله وبركاته

    اخوي ممكن بس تفهمني ايش وضعك .. عشان اقدر اساعدك

    يعني هل انت من مبتعثي الدفعه الثانيه لبرنامج الملك عبدالله .. والوزاره اعطتك الضمان عشان تجيب قبول

    ام انك تبي تطلع على حسابك وبعدين تنضم للبعثه .. ام حاله اخرى

    وابشر ان شاء الله بالي يجاوب اسألتك

    7 "
  3. اخوي انا بروح على حسابي انشاء الله وثم بقدم عشان انضم


    معدلي 93 % ثانويه عامه 86 قدزرات تتوقع انضم للبعثه ولا لا مع علم اني بجلس 7 الى 8 اشهر . يعني قبل شهر رمضان برجع .


    وبعدين وش هي افضل الجامعات في الهندسه الكهربائيه هذا السؤال مره ضروري لاني انشاء الله بروح للمكتب بركره الصباح عشان يراسل لي الجامعه مع ان جامعة the university of western australin قويه

    فما ادري وش رايكم وخصصوصا انت Mr.Melbourne
    7 "
  4. السلام عليكم ورحمة الله وبركاته

    طيب اخوي وحده وحده .. بس ركز معي شوي


    قال لي بجيب لك القبول في المعهد التابع للجامعه خلال ثلاث اسابيع واذا تبي القبول في الجامعه في تخصص الهندسه ما راح يطلع في اقل من شهر ونص وما راح يمديك على الترم قلت انا اجيب قبول الجامعه من هناك ثم اخاطب الملحقيه عشان اقدر انضم قالي تقدر كذا
    اولا الشخص الي قالك هالكلام جاهل .. لأن اللغه على مدار العام ومالها ترم محدد تدخل فيه

    يعني لو جيت في اي وقت فالسنه راح تلقى لك مدخل على اللغه .. اما الجامعه فهي الي لها اترام وماتقدر تدخل الا في بدايتها

    بس الافضل انه يجيب لك لغه + جامعه .. وانتظر شويتين ماتفرق معك شهر ونص .. ليش افضل انا اقولك

    لأنه لو جاب لك لغه .. راح يكون القبول لمدة سنه فقط لأنه لغه .. وبكذا لمن تقدم على الفيزا
    برضه الفيزا يعطونك المده سنه فقط .. بس لو جبت قبول المعهد + الجامعه .. وهذي تقريبا 5 سنوات .. الفيزا راح تطلع لك 5 سنوات وماراح تهتم بتجديدها بعدين


    فا ما ادري وش رايكم في الجامعه؟
    الجامعه طيبه .. ومصنفه من افضل 8 جامعات على مستوى استراليا .. ومجال الهندسه فيها حلو

    توكل على الله


    وفكره اني انا الي اجيب القبول من هناك
    تقدر تجيب قبول من هناك لو كان عندك قبول لغه فقط .. لكن مثل ماذكرت لك فوق اصبر اسبوعين كمان

    عشان ماتشيل هم الفيزا بعد كذا ان شاء الله

    ؟وهل جو المدينه معتدل
    الجو ياعزيزي بارد فالشتاء .. واعني بارد بارد جدا .. اما فالصيف فشمسهم حارهـ

    باقي السنه الله العالم .. بس الجو ماراح يفرق معك لأنك عزوبي وشباب وبتعيش لو يحطونك فالبحر ولا فالبر


    ؟وكيف المعيشه هناك مع علم ان موضف المكتب يقول زي الرياض تقريبا؟
    هههههههههههههههههههههههههههههه الموظف هذا يبغاله تشويت .. انا اتوقع انه ياصومالي او هندي

    قال زي الرياض .. ياعزيزي اذا تقصد من ناحية التكلفه .. فإحسب حسابك تصرف زي ماتصرف فالسعوديه لكن بالدولار الاسترالي

    كيف .. يعني مثلا بالسعوديه تشتري توكس بريالين صح .. هنا في استراليا تشتريه بدولارين
    فالسعوديه تشتري الدجاجه بعشرهـ ريال .. هنا في استراليا تشتريها بعشرهـ دولار

    يعني لو مصروفك فالاسبوع 100 ريال سعودي .. يصير يحتاجلك هنا 100 دولار استرالي

    بس انتبه تجي هنا وتبدأ تحول من استرالي لسعودي وقت ماتشتري .. يعني مو كل ماشفت شي بتشتريه

    تقول يالله سعره 100 دولار يعني تقريبا 320 ريال سعودي .. والله غاااااالي

    لا ياعزيزي هذي الاسعار هنا وعلى حسب رواتبهم ومستواهم المعيشي .. وانا اقولك استراليا بلد غاليه

    معدلي 93 % ثانويه عامه 86 قدزرات تتوقع انضم للبعثه ولا لا مع علم اني بجلس 7 الى 8 اشهر . يعني قبل شهر رمضان برجع .
    انضمامك للبعثه حسب النظام يقول انك بعد ماتخلص لغه لازم تنهي 30 ساعه دراسيه فالجامعه
    وقتها يحق لك الإنضمام للبعثه .. و30 ساعه يعني تقريبا سنه الى سنتين دراسية فالجامعه

    لذلك انا ماراح اتحمل ذنبك واقولك تقدر تنضم للبعثه .. بس اقدر اقولك ان فيه ناس انضمت قبل ماتكمل هالمده

    وكله يرجع لعاملين .. الواسطه واذا عندك واسطه ماراح تكمل 3 اشهر الا وانت مضموم عالبعثه

    واذا ماعندك واسطه فالله يعينك تنتظر يمكن ان الي توصله معاملتك يكون انسان كريم ويحس بالناس

    وراح يمشي اوراقك وتعدي ان شاء الله هالـ 7 اشهر وبعدين تنضم للبعثه


    عموما .. توكل على الله ياعزيزي .. واتمنالك التوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.