LinkBack URL
About LinkBacks
ولنا حلقة اخرى
مسوي فيها برزن بريك :106:
ماني رادة رد محترم لين أشوف آخر حلقة :121:
بس صرااحة الوداع يكسر الخاطر تهئ تهئ
.. / قـصــتـي القـصــيرهـ ..، كما وعدتكم \ ..
.. / قـصــتـي القـصــيرهـ ..، كما وعدتكم \ ..
تنبيه: هذا الموضوع قديم. تم طرحه قبل 5994 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- 7 "
مسوي فيها برزن بريك :106:
ماني رادة رد محترم لين أشوف آخر حلقة :121:
بس صرااحة الوداع يكسر الخاطر تهئ تهئ
- على كذا يبيلك تنتظري اخلص البكالوريوس7 "
- >> خنقتها العبرهـ7 "
دمووووووووووع
الحمدلله ع السلامة اخوي
وبانتظار باقي الحلقاتـ
بس غريبة مافيش معاك سعوديين
- يالله .... سردك للقصة كأني أشوفك وانت بين اهلك تودعهم وتمشي بالمطار وقاعد تشيل هالشنطتين اللي هدوا حيلك هههههههههههههههههههه ( عندك اسلوب رهيب في سرد القصص )7 "
الله يكون بعونك وحمدلله على سلامتك . - نووورا . استخدمي شمبوو لادمووع بعد اليووم7 "
الغااالي ههههههههههه يااكاافشني وانتاا بعيد عني
الرهييبه والله طلبتك يالغلاا
تشكرون ع مروركم جميع - اثرك مانت بسيط7 "
اجل كل واحد صيح
بس باقي عامل الاستراحة ليش ماودعك - عامل الاسترااحة زعلاان ....... يقول انا كتير زعلاان لان صديق انا حمد في سفر برى7 "
وانا مافي سفر ..... وكلو غسيل انا في غسل
تشكر ع مرورك يا ملكع - 7 "
ذكرتني بأهلي ياشيخ .. هداك الله
فداكم روحي ياهلي
منتظرين قصتك القصيرهـ .. الي مو باين انها قصيره ابدا
سلام يابطل
- 7 "بالصراحه رحلة موفقه..........
أصعب لحظه هي لحظة الفرااااااااق
ننتظر الجزء الثاني
November 29th, 2007, 01:28 PM
كمــاا وعدنـــــااااكم بكتااابتــة موضووع لـ بداية السفر من الرياض حتى استراالياا ها قد اتينا لكم م م
في البـــــدايه كاانت رحلتي السااعه الـ12 مسااء ً وكنت وقتهاا العصر مخبووص كـ عادتي
ناقصتني اشياء ماكملتهاا .. فـ ذهبت واشتريتهاا العصرر .. وبعد المغرب رحتـ اودع الشنب
والسكسووكه لوول <--
بعدهاا رحت للبيت ...... حصلت واحد مسيّر ( يـؤ وش هالفضيحة وين اروح عنه ..!
دخلت سيااارتي جوووا في البيت وهو كان جالس مع اخوي بالحوش .. قلت يالله بس نشطفه
المهم وادخل البيت والعائلة كلها متجمعه ... واشكاالهم متضاايقين حيل بس يبيّنون لي الابتسامة
الساعة الان تقريباا 8 يعني بعد ساعة ونص لازم اطلع من البيت للمطار ع اساس ما اتأخر ع الرحلة
وكل دقيقة تمر اشوف دمعة خفيفه تنزل من احد اعضاء المنزل <- تعبير 0 من 100 ادري هههههه
جلسنا نسووولف ... قلت لهم ترى راايح ادرس وراح اجيكم بين كل فترة وفترة
ما ابي اشووف ( دمووع ) الا امي لبى قلبهاا .. قالت انا من ناحيتي بكيت امس وخلصت
بعد كلمتهاا هذي ( وحتى الحين يوم اكتب لكم العبارة ) خنقتني العبرة
لأني اكثر واحد مرتبط مع الوالده واكثر واحد يسافر معاها
( قبل السفر بيوم اتصل علي اخوي الي اكبر مني دايركت ) كنت كعادتي طالع اتقضى
قال لي وينك .. قلت شوياات واكون في البيت .. بعدين ما ادري الا يقفل بوجهي
ويوم جيت للبيت حصلته محمرره عيوونه ويطلع برى البيت ويجلس برى في الحوش شوي
ثم رجع لشقته .. لاننا كنا نشتغل مع بعض لنا 4 سنوات ودايم مرتبطين مع بعض )
يووم جت الساعة ثمان ونص .. قلت بااخذ شوور سريع .. الا سمعت انا ابوي جاا
وخصلت بسرعة ونزلت ماحصلت ابوي ... قلت وينه .. قال اخوي الكبير مايحب يودع
وبعدها قبل لا اطلع بربع ساعة سلم علي اخوي الكبير ومعه اهله وقال انا بروح .. ماني ناقص
اشووف حفلة البكااء هههههه ..، الا بقية العائلة يقولون .. ليش نبكي بالعكس فرحاانين ومنذا الكلام
بس انتظروا وتعرفوا وش صار
بعدها الا جا ولد عمي لانه بيروح معنا واخواني شالوا شناطي بالسيارة وقمت انا بسلم عليهم علشان
اطلع ...........، ويوم سلمت عليهم كلهم .. ورحت لم الباب بطلع الا بدت الحفلة ..،
وأول مابدت وانا اطلع مع الباب واقفله واروح للعيال بالحوش متجمعين نبي نطلع للمطار
الا اسمع الصرااخ وانا برى .. قلت مشيناا .. وفيه واحد من زملااي بالعمل ينتظرنا بالمطار
لبىى قلبووه بوو راكااان <- ترى دايم يخش بنكي يشارك
ورحنااااااا للمطار .. واتصلوا علي عيال عمي الباقين قالوا وينك نبي نجييك ومدري ايش
قلت حيااكم انا طالع للمطار ..، عقبها جتني رساايل يعتذرون ..، مايحبوا لحظاات الودااع
طلعنا للمطار وشلت العفش وجلسنا نسوولف الى قبل الرحلة بشوياات
خلاص وقفت عند الجوازات بطلع للطياره وسلمت على اخواني وولد عمي وصديقي بوراكان
ويوم مشيت مشا معي بوراكان او وقفوا الباقين .. الا ولد عمي ( صديقي منذ الطفوله )
اشووفه يمسح عيووونه ........، و ما اصعب لحظاات الودااع ليس عليك بل على من تفاارقهم
لأني انا ما تأثرت اني بطلع ادرس في الخارج ... بس الي تأثرت فيه ردة فعل من حولي
ويوم تعديت الجوازاات يناظروون فيني ويقولو فماان الله بيدينهم يأشروون ..،
قلتـ لهمـ حسستوووني اننا بفلم امريكي ...، الا اشوفهم ابتسموا نوعا ً ما
ويووم رحت للبوابة الا هم يقولوووووووووووون وينك .. ما وينك
اول ماركبت الطيارة الا هي تتحرك طلعت معطلهم ..،
وقوووووووووو لالى هونغ كونغ وصلت لها الساعه 1 ظهرا
ومعي شنطتين شنطة لاب توب + شنطة فيها كم غيار بس ثقيلاات شوووي
وانزل في مطار الهونغ كونغ ومعي الحجز لـ الفندق
انجليزيتي ... م ي ح
اعرف اقول هاي بالطريقة الانجليزية بس اذا رد علي بفتح فمي وافهي
واسئل وين الفووندق ويجلسوا يبربرووا علي وانا ماني مستوعبهم
منيه مناك ... تعبت وانا امشي في مطاارهم الي كبر ( الرياض بكبرها )
لحد مااتكسرت رجوولي .. الا اشوف غرفة للمدخنين
قلت كووووووووووويس على الاقل نريح وندخن شوي ... واجلس فيها عشر دقايق من التعب
لاني جلست امشي وقت طوويل
بالاخير حصلت مكتب الكاثي باسيفيك وكلمتهم وضبطوا وضعي وقالولي متى اجي للمطار ومن هالكلام
وبعدها ... طلعت للجوازات وطلعت بدون فيزه لان السعوديين لهم 14 يوم بدون مايفيزوا
رحت للاوتيل وعطيتهم الحجز وجلست بالغرفه اشوف الساعة الا هي 2 ونص
يعني صار لي ساعة ونص وانا اشيل هالشنطتين الغثيثاااااااااااات
المهم واخذ نووومه واصحىىى على 9 لان لازم اكون موجود الساعة 10 في المطار بس ناخذ الحيطة
وتعالوا شوفو المعانات الثااااااانية ....... جلست امشي باسيااب بلحااالي فيها
وتعبت مشي وكرفت لحد مااااااااااسألت وطلعت في باص يوديني للبوابة الي عليها رحلتي
تخيلوا بباااص ... ياااكبرك من مطااااااااار
ونطلع ع الطيااااااااااره
ويالله
ونووصل بعدهاا بست ساعات تقريبا ً
قلت انا الحمدلله وصلت ........... ماني مستوعب اني وصلت من التعب الي فيني
وانا اورح اسئله وين شنطتي؟ قالوا في بوابة 2 ... ماعندي لغة كويسه
قلت طيب واروح بوابة ثنين ماحصلت شناط حصلت بوابة ركووب طاائرة
جلست اخمن واخمن وقلت بس بينزلونها من هنا امكن نظامهم كذا
قلت اروح اتسووق والفلف بالسوق شووي
ويالله جلست ساعه ونص وقلت ماصارت ذي شكلي بطلع من المطار واجيب الشنطة بكره
مالي مزااج اطول بالمطار اكثر من كذا
رحت حصلتهم صافين سرى
كان في جمبي وحده ومعاها عجووز ... طبعا ماشفت ولا عربي في الطياره من طلعت من الرياض
شفتها صافه سرى ... رحت لها .. حسيت اني مغشووووووووووووش ( لان الطيار قال لي .. من الرياض الى هونغ كونغ ترانزيت 12 ساعة عقبه برزبن ) سألتها قلت هذي برزبن قالت لا
الطياره الي صافين لها رايحه لبرزبن ........... وانا امسك رااسي انا وين ( للحين ما ادري )
ونركب الطياره وساعه ونص الا واصلين برزبن ........... ويالله
واتصال بيني وبين مستر ماك .. على فكره طول الرحلة وحنا على اتصال مع بعض
ومكتب الفلاير وين ومدري ايش وزحمه وقروشه ... بالاخير ركبوني ع الباص
وطلعت للهوم ستي ..
ولنا حلقة اخرى