طب الاسنان في استراليا

ومن قالك فيه طلاب طب سعوديين باستراليا .. مافي ولا طالب سعودي يدرس باستراليا وكل الي جو طب ، غيروا لتخصصات صحيه او تخصصات ثانيه بعد ما عاشوا الواقع وعرفوا انها مستحيل

اذا الاستراليين نفسهم صعبه عليهم و يتنافسون عليها ..

لا تتعبين نفسك .. شوفي لك دوله ثانيه ..

يوووووووووووووو
ليه هالتحطيمممم : (

طيب اي دوله تنصحني فيها طب اسنان ؟؟؟

مابي احطمك والله ونا اخوك لكن اقولك الواقع ولا ابي اجامل واكذب عليك لان هذا مستقبلك

وخذيها نصيحه مني ، بالنسبه للطب اذا بتدرسينه افضل لك بالسعوديه بين اهلك ، لكن اي تخصص ثاني بالعكس انا اايدك تطلعين برا و تدرسين

لان التخصص مو سهل ابدا و صعب جدا جدا جدا و لكن بالسعوديه مقارنه بالخارج افضل بكثيررررر و تدرسين وانتي مرتاحه

و عموما افضل الدول هي هولندا و ايرلندا و بريطانيا

و جامعه خروننجن ممتازه بتخصص طب اسنان ولكن اعتقد والله اعلم انك بالاضافه للانجليزي لازم تدرسين اللغه الهولنديه

هذا موقع الجامعه Home RUG < Rijksuniversiteit Groningen

وعلی فكره ترا اسمها جورنجن موب خورنجن بس بالوزاره كاتبينها خورنجن


والله ييسر لك

اخوي بندر متاكد ان القبول في الطب مستحيل

حتى جامعة بوند لان عندي امل احصل فيها على قبول

اولا اسمي بدر ..

ثانيا بوند هذي مدري وينها ، لكن اذا باستراليا ف ايه مستحيل ..

و الدليل اتصل علی الملحقيه السعوديه باستراليا و استفسر منهم .. راح يقولون لك ريح راسك و غير تخصصك ..

أختي أستراليا فيها مرونة في القبول وتعتبر بالنسبة لي جنة في كثير من التخصصات اللي مانجدها في أمريكا أو كندا بإستثناء طب الأسنان (وتعتبر الأصعب في القبول) والطب والصيدلة (مع العلم أن الصيدلة تعتبر أسهلهم في القبول) والقسم هنا متشبع بالحيل من أسئلة الطب ممكن ترجعي لها وإذا تبين إجابة مختصرة لاتضعي أستراليا إطلاقا في قائمة خياراتك أو إجعليها الأخيرة إن شئتي للطب أو طب الأسنان فإذا كانت كندا وأمريكا أو الدول الأخرى صعبة مرة فاأستراليا أصعب مرتين لأنه الطب هنا أشبه بسباق إجتياز الحواجز لأنه عدد الجامعات اللي تدرس الطب في البلد كلها ماتتعدى 8 إلى 10 جامعات فقط من أصل 39 جامعة وتخيل أن كل جامعة تقريبا موفرة 100 مقعد تزيد أو تنقص يتنافسون عليه الصالح والطالح من كل بلاد الدنيا ومنافسة على أشدها بداية من السنة التحضيرية ومقعدك ترى مو مضمون حتى السنة الثالثة أو الرابعة وحتى لو مشيتي في السنة الثانية أو الثالثة راح يعملون لك إختبار جيمسات ومقابلة شخصية وإذا نجحت الله يوفقك تكمل إلين ماتتخرج وإذا فشلت يحولونك على تخصص صحي آخر وماتستاهل أنك تحطي حلمك على كف الميزان ممكن تنجحي وممكن لا وآخرتها تدرسي تخصص صحي لذلك الدراسة هنا تحتاج إنسان مغامر من الدرجة الأولى ودرجة المخاطر والفشل لدراسة الطب هنا عالية مقارنة باأمريكا وكندا لذلك أختي نصيحتي لك دوري بلاد أخرى تضمن مقعدك في الطب أو طب الأسنان أو حولي تخصصك إلى غير الطب وراح تجدي كل مايبهجك ويسرك عندنا وعلى فكرة الكلام اللي قلته لكي ناتج عن إطلاع على الجامعات ومنشورات محلية ومحايدة عن تصنيفات وقوة التخصصات بالجامعات الأسترالية لأكثر من 3 سنوات وأظنني تعرفت بالشكل الكافي على إشكاليات القبول في الجامعات الأسترالية.

أهلا أختي
عندي صديق يدرس في جامعة بوند
صار له الآن ثلاث سنوات ولا قدر يدخل لا طب.. ولا طب أسنان

دراسة الطب في استراليا شبه مستحيل
أكثر من خمسة أصدقاء من اصدقائي لم يستطيعوا دراسة الطب وبعضهم رجع الى السعودية بعد قضاء سنتين وثلاث سنوات.. بدون فايدة

اذا ناوية على الطب .. بشري او اسنان

روحي اوروبا

بولندا .. المانيا.. بريطانيا... الخ

شباب احد يدرس طب اسنان في جامعه خروننجن يفيدن الله يجزاكم خير

لو سمحت انا طالب مصرى فى طب اسنان جامعة الازهر . تقول ان دراسة طب الاسنان فى استراليا شبه مستحيلة فماذا عن الحصول على الماستر من احدى جامعتها عن طريق منحة دراسية بتقدير عالى, والعمل بعد ذلك فى احدى مستشفياتها ؟ وما المطلوب ؟ وهل الورق المطلوب اقصد الاكاديمى يكون نسخ ام الاصلى ؟ وبماذا تنصحنى ؟........ارجو الرد وشكرا