الأعضاء الإشتراك و التسجيل

الملتقيات
ADs

خمسة أشهر لترجمة شهادة الثانوية العامة ؟؟!

خمسة أشهر لترجمة شهادة الثانوية العامة ؟؟!


NOTICE

تنبيه: هذا الموضوع قديم. تم طرحه قبل 6500 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية theAsweed
    theAsweed

    مبتعث مجتهد Senior Member

    theAsweed غير معرف

    theAsweed , تخصصى طالب , بجامعة جامعة الملك سعود
    • جامعة الملك سعود
    • طالب
    • غير معرف
    • غير معرف , الوسطى \ الرياض
    • غير معرف
    • Jun 2006
    المزيدl

    June 12th, 2006, 09:18 AM

    أول شي السلام عليكم ورحمة الله وبركاته

    استفسارات قبل ما أحكي لكم القصة ..

    - فيه واحد من الشباب نسبته 94 والقياس 80 ممكن يقبل بعثة طبية ...؟
    - مريت مكتب الآي دي بي الرياض وقال هناك سنة تحضيرية وعلى ضوء معدلك يكون قبولك ..صحيح ؟
    - القبول في جامعات أسترالية لا يحتاج إلى ضمان مالي مثل الدول الآخرى أي أنني أستطيع التقديم من الآن ؟؟
    -


    الموضوع :
    تحلمت أنني انقبلت من الوزارة وصحيت اليوم الصاني فرحان وقلت اببدأ أسوي أجراءاتي من الآن وفعلاً رحت وطلعت جواز و بعدها بايام قلت أترجم الشهادة ورحت لوزارة التربية والتعليم بالرياض أرسلوني لإدارة التربية والتعليم بالملز ( مقابل وزارة العدل ) ..
    انطلقت مباشرة قبل الظهر أرسلوني على مبنى الإرشاد خلفهم ..
    وبدأت المعاناة من الآن ..
    يوم دخلت جلست ساعة وأنا أطرّ الموظفين يعلموني مكان الترجمة وأخيراً وتحد تفضل وقال .. هناك !!
    الحمد لله تسهلت مدام لقينا .. يوم جيت أدق الباب الا واحد طالع يقول(( الله ينتقم منك ))!!
    خشيت سلمت فيه موظف واحد قلت له أبترجم الشهادة !!

    قال : أوراقك كاملة ؟؟
    قلت : والله مدري شوف !!
    قال : قال لا تمام خلاص موعدك في شهر شوال إن شاء الله ..؟؟؟!!
    قلت : ليه ؟؟ أقصد حرام البعثات القبول في شهر 8 ؟؟ شهرين ؟؟ خمسة ِأشهر !!!!!!! يعني النموذج جاهز ؟؟
    قال : تبيني أترجم لك ؟؟ رح أشتك في الوزارة وخلهم يجيبون موظفين يساعدوني زي ماشالوا خمسة من عندي ؟؟
    قلت : بس وش ذنبي وذنب الطلاب هذول تأخرهم ..؟
    ( هو شخص ملتحي الله يهديه ) وأعطاني أوراق استخارة ..!!

    قال : ذنبكم أني أشتغل وحدي ؟؟
    طلعت من عنده وقلت الله ينتقم منك !!


    المهم الآن .. فيه واحد قال لي تقدر تترجم شهادتك عند مكتب ترجمة معتمد وكذلك السيرة مقابل 60 ريال فقط والمهم يحط لك ختم عليها ..؟ هل هذا الكلام صحيح ؟؟

    تحياتي
  2. ههههههههههههههه ياخوي انت وين والناااس وين الله يرحم والديك بس بس بشويش علينا ..

    انا ماقلتلي انك طلعت الجواز بالاول فأ عرفت انك ماتعرف ان فيه مكاتب ترجمه ..

    الله يرحم والديك اي وزاره هاذي الي ترجم انا ماعمري ترجمة شهاده والا اي اوراق عند وزارات ..

    ياخي والله عجيب لما اسمع هالكلام ان فيه ناس بالوزارات كذا تعاملهم ..
    حسبي الله على الظلمه .. ولا خمس شهور ترجمة شهاده واهي بـ60 رسال عند اي مكتب معتمد ..

    اخوي بالله روقنا الله يستر عليك بدلك على مكتب ..

    : اسمه السالم للترجمه : طبع(ن) بالرياض .. شارع الضباب .. خلف مدينة الملك فهد الطبيه .. لما توصل هناك بتعرفه .. واذا ماعرفته قولي وبوصفلك اكثر ..

    بالتوفيق للجميع ..


    !!! غريبه خمس شهور .!!!!!!!!<-------------الله يهديهم بس .

    !
    7 "
  3. وعلى فكره معتمد وانا جبت قبوول جامعه في استراليا على ترجمت هذا المكتب ..

    يترحم : الشهاده .. السيره والسلوك .. الجواز .. الضمان البنكي (المالي) ..معتمد 100%

    وبعدين اخوي اي دوله .. استراليا .. امريكا .. والا اي من دول آسيا .. من يقولك ما يحتاج ضمان .. مو صحيح .. لازم ضمان بنكي .. عشان تجيب القبول ..
    يكون اقل شي بحدود .. (100,000) ريال ..

    وارجع واقول .. بالتوفيق للجميع ..


    !
    7 "
  4. السلام وعليكم اخوينصيحه اخويه روح لمكتب العمري اللي بشارع الستين الملز هم يتجمون الشهادات ب 50 ريال ومعتمده وانا متجرم شهادتي وكل شيء من عندهم وخلصلي ايها من بكرهيعني لا تعب نفسك ولا شيء الوزاره ماترجم المكتب شارع الستين ونت جاي من خريص دخلت التسن ابد اول لفه يمين العاماره اللي على يمينك مكتب العمري للترجمه والله يوفقك وير**نا وياكم البعثه
    7 "
  5. شكراً وعلقت على الموضوع :::أخيراً تمت الترجمة في أقل من 5 أيام !!وبعد جهدٍ جهيد ... حصلت على ترجمة الشهادة من إدارة التربية والتعليم بالرياض ..!بعد أن كانت خمسة أشهر وكانت ترجمة شهادتي في 17 شوال أصبحت تحت يدي في أقل من خمسة أيام ..!إذاً ماذا فعلت ..!؟؟دعوت الله سبحانه بأن ييسر لي أمري .. واستجاب الله لي .. وحصلت المعجزة ... الساعة 7 صباحاً الجوال يرن .. رقم غريب .. ( لا أرد على الأرقام الغريبة ) .. أغلقت الجوال وأستلقيت لأكمل نوماً عميقاً أستمر لـ14 ساعة ؟؟! أذن المؤذن لصلاة الظهر .. صحيت وضيت وصليت ... واستلمت الريموت كانترول في انتظار مبارايات المونديال .. الساعة 4 عصراً : أستلمت رسالة .. السلام عليكم تمت ترجمة شهادتك !! راجع قسم الترجمة في أقرب وقت ممكن .. !!!!!!!!!!!!الحمد لله يا رب .. اليوم الثاني صباحاً أتجهت للإدارة وحصلت على شهادتي .. موقعة ومصدقة من قسم الترجمة .. طلبوا تصوير 3 نسخ وفعلاً هذا ماحصل .. ثم صدقتها من عندهم .. ومن شئون الطلاب من مركز الإدارة العامة ومن ثم من شئون قسم الترجمة ومن وزارة الخارجية ... !في يوم واحد أنتهت شغلة الترجمة ...!ذهبت لـ Idp الرياض وطلب مني الأوراق الرسمية .. وقال أمسك أختر جامعة وأخترت جامعة موناش وجامعة ويسترن أستراليا ..و إن شاء الله اختيار موفق ...!وعلى فكرة لا يحتاج ضمان مالي في التقديم المبدئي .. لأن الآن نحصل على قبول ومن ثم الجامعة ترسل سعر الدراسة والخطة الدراسية و Coe وبعد ذلك نحتاج الضمان المالي .. لذا أنصح الجميع أن يبدأوا بتقديم أوراقهم لينتهوا من الإجراءات في وقت قياسي ..! آآآآآآسف على الإطالة وتحياتي للجميع ...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.