تكفى تكفى يا طويل/ة العمر !!

حياك الله أخي الكريم

بخصوص القبول النهائي , المكتب ما يقدر يقدم ولا يؤخر في الموضوع ونصيحتي إذا كانت عندك لغة إنك تبعد عنهم

أحيانا بعض الجامعات تتواصل مع الملحقية بخصوص الضمان المالي في حالات مشابهة لحالتك , أعتقد صارت الحالة هذي مع أكثر من شخص

حاول تطلب منهم التواصل مع الملحقية , وبرضو إنت أرسل للملحقية

بالنسبة للأبناء الله يحفظهم ويصلحهم كان ودي أخدمك , لكن أنا في ملبورن

حاول تتواصل مع النادي السعودي في برزبن لأنهم أدرى

عادة قبول المدرسة ما ياخذ يومين

عموما تركت لك جوالي على الخاص

بالتوفيق

ماااااااا قصرت يابن الحلال والله يخليك لغالينك يارب

والله يسهلها من عنده يارب

أخي العزيز
بالنسبة للقبول النهائي الموضوع بسيط، الواضح ان الضمان اللي معاك من الوزارة هو ضمان للحصول على قبول وهذا فعلا اغلب الجامعات ماتقبله للحصول على القبول النهائي، وبكذا لازم تاخذ القبول المبدئي اللي معاك وتروح للوزارة وتحصل منهم على ضمان مالي خاص بالفيزا هذا مسماه اللي متعارف عليه عند الوزارة ويذكر فيه اسم المبتعثة وافراد العائلة كلهم، بمعنى لازم تجيب صوره من جواز المبتعثه وجوازك وجواز الاطفال معاك.
ارسل هذا الضمان للجامعة وفي الغالب راح تقبله لاصدار القبول النهائي، تاكد انه يكون مذكور في القبول النهائي التأمين الصحي ويكون عائلي وليس فردي.
في حال لم تقبل الجامعة بهذا الضمان، تواصل مع مشرف الجامعة في الملحقية الثقافية ويفضل التواصل عن طريق الايميل، وهو راح يحل الموضوع معاهم.
بالنسبة لقبول المدارس سامحني اخوي ماعندي خلفية عن الموضوع.

تحياتي

الللله يبيض وجهك ما قصرررررت .. ضمان الفيزا طلعته وارسلته ولعل الله يحلها من عنده ..

تقبل خالص ودي

تواصل مع المشرف وخليه يتواصل مع الجامعه ويرسل لهم الضمان ويزبط موضوعك انشاء الله ( زي مااحصل معايا بالضبظ وخلال يومين يوصلني القبول النهائي ولله الحمد )

المعذرة أخي الكريم

إذا كنت إنت اللي أتصلت الساعة 9 مساء , للأسف ما أنتبهت لإتصالك هذا غير إن الرقم ما ظهر عندي ( رقم خاص)

ياليت ترسلي رقمك عالخاص وأنا أرجع أتصل عليك إن شاء الله

تسلمين اميره قلبها .. واحنا بنسوي هالشي ولعل الله يسهلها يارب .. والا بنكبر الوساااده ليييييييييييين الله يجيب مطر

لا موو انا يالغااالي الي اتصل عليك .. ما قدرت اخذ رقمك لاني مسككككككين ما قدر افتح الرسايل مشاركاتي اولييييله اووووي

بس ولا يهمك اول ما ابلغ هع بع قصدي اول ما اوصل للمشاركات باخذ رقمك وادق عليييييييييك با نصاااص اللياااااااااااااااااااااالي خخخخ

تشكراااااات افندم

ماأزيد على كلام الأخوان وبما إنك حصلت على الضمان المالي الخاص بالسفارة وجامعة QUT من الوزارة فموضوعك بسيط وإن شاء الله محلول وراح يجيك القبول النهائي لعيالك وكثير من الطلاب تصير لهم نفس المشكلة, دعواتك وبالتوفيق.