هل حدث تغير فى اجراءات الفيزا

الى الان ماحصل تغيير سوي الكشف في جدة بس في عيادات راجع موقع السفارة

بس في احد مشاركات الاخوان يقول في بصمه للعين ان شاءالله يكون مافي اي تغير

لا مافي وبعدين مارح تجين القنصلية نهائيالً ان شاءالله

تقدمي اون لاين وتاخذي رفرنس نمبر بعد ماتعبي الابلكيشين

و تروحي اقرب عيادة لك و تقولي فحص للقنصلية الاسترالية و بعد ماتخصلي يقولك عطيني رقم المرجع للابلكيشين الي هو رفرنس نمبر و بعدها يرسلها اون لاين للقنصلية

وبعدها راح تجيك رسالة على الايميل اذا خصلت الفيزا ومعها خطاب فيزا الكترونية تطبعية وتاخدينة معك للمطارات الي راح تمرينها بالرحلة

بعد ماتوصلي لمدينتك في استراليا تعطينهم الخطاب راح ياخذو الجواز يحطون الفيزا على الجواز وبس * _ <

اشكرك اخي الكريم على تجاوبك مع تساولتي وياريت تذكر لى المستندات المطلوبه للتقديم لى ولجوزي وابنائي ولك جزيل الشكر لك ولي جميع الاخوان

جزك الله خيراُ على الدعوة في اخر الليل

المستندات القبول النهائي coe جميعها

في شرح اكثر على الرابط http://www.mbt3th.us/vb/forum111/thread80035.html

ماأزيد على كلام أخي الكريم والفيزا لم يحصل لها تغيير مع العلم إني مسوي الفحص الطبي الشهر اللي فات ونفس الإجراءات اللي عملتها قبل سنوات مضت والموضوع عموما سهل لكن خلي أموركم منظمة ومستنداتكم جاهزة وأي خدمات حنا حاضرين.

دعواتك وبالتوفيق.

السلام عليكم ..
أنا قدمت عالفيزا يوم 21 مارس 2012 وطلعتلي يوم 29 مارس 2012
أولا قدمي اون لاين .. تحتاجي e-CoE فيه رقم فوق عاليمين هوة اللي حتدخليه في الابلكيشن .. امشي خطوات الابلكيشن الين توصلي للمعلومات الطبية .. عبيها اون لاين ولمن يقولك فين حتعملي الكشف اختاري العيادة الأولي في مركز ايتوال في طريق الملك لأنهم يرسلو النتايج اليكترونيا وما تاخد وقت ... المهم بعد ما تعبي البيانات الطبية يقولك اطبعي الورقة فيها ريفرنس نمبر (طبعا كل شخص حتعبيله وحدة منفصله وهادا الشي واضح يعني انتي تضغطي عالاسم ويجيكي النموذج اللي تعبيه) بعد ما تطبعي الورق كله تتصلي عالعيادة تعملي موعد ... انا قالولي الدكتور يجي يوم الأحد بس .. لكن تروحي في اي يوم تعملي الاشعة وتدفعي ويحددولك موعد مع الدكتور يوم الأحد .
بعد ما تخلصي الطلب كامل وترسليه .. تروحي تضيفي الملفات .. طبعا تاخدي الريفرنس نمبر وتروحي من موقع الامجريشن على رابط اضافة الملفات وتضيفي الصفحة الاولى من جوازات السفر لجميع العائله .. انا طلبو مني اثبات علاقتي باللي مقدمين معايا (زوجي وأولادي) طبعا ترجمت بطاقة العيلة وختمتها من مكتب ترجمة وعملتلها سكان وارسلتها .. في الطلب انا ضفت شهادات ميلاد الأولاد .. والضمان المالي الصادر من الملحقية .. كمان طلبو صفحة جواز السفر اللي فيها التوقيع (وقعي واعمليلها سكان)
الله ييسرلك

الله يصلح النية والذرية والعمل

يعطيك العافية اختي وردة بصراحه كفيتي ووفيتي اما بخصوص coe ادخل الخاص بالمعهد والخاص بالجامعه يعني زى منتي عارفه انا عندي قبولين للمعهد والجامعه ومعليش بطول عليك العيادة فين موقعها بالضبط لان انا ليس من سكان جدة وعلى كدا اخلي روحتي للعيادة يوم السبت حتى اسوي الاشعه يوم السبت وكشف الدكتور الاحد ولاانا غلطانه ياوردة