وعليكم السلام ورحمة الله وبركاته
بالنسبة لإستفساراتك فالإجابة عليها كالأني:
1- بالنسبة للإلحاق يتم عند دخول الجامعة مباشرة فمثلا إذا جبتي الدرجة المطلوبة في الأيلتس واللي تدخلك الجامعة وعطوك قبول غير مشروط باللغة فمن المؤكد إنها راح تختصر عليك نصف مشوار الإلحاق بعكس لو إنك جيتي تدرسين اللغة من الصفر.
2- بالنسبة للأيلتس إذا جبتي 6 والمطلوب 6.5 فراح يطلبون منك من 5 إلى 10 أسابيع والشئ هذا يحدده الأوفر حق اللغة اللي معك فإذا ماعطوك مدة محددة معناته يبون يسوون لك إختبار لغة ويحددون كم تحتاجين لذلك نصيحتي لك إختبري الأيلتس وحاولي تجيبين الدرجة المطلوبة حتى ماتدخلين معهد اللغة.
3- بالنسبة للجامعة لا تخافين حتى لو مقفلة وصدقيني أنا كنت أدرس بجامعة مفتوحة وقفلوها الملحقية ومع ذلك قالوا لنا ادرسوا عادي ماعليكم والإقفال للطلاب الجدد فإذا رحتي ودخلتي الجامعة وإلتحقتي بالبعثة فعندها لا تشيلين هم وأصلا كم عدد التخصصات اللي قفلوها خلال السنتين اللي فاتت تراها قليلة مقارنة بالتخصصات المفتوحة.
دعواتك وبالتوفيق.
April 20th, 2012, 10:03 AM
السلام عليكماحتاج مشورتكم بالنسبة للدراسة في استراليا
ودي ادرس في استراليا لكن مشكلة التكاليف جدا عالية
رسوم الجامعة تقريبا تكلف 28 الف دولار استرالي في السنة غير مصاريف السكن الوزارة تقول انها ما تلحق الا بعد 30 ساعة غير اللغة تقريبا كم اقعد على حسابي لزين مايلحقوني ؟؟
غير كذا اني احتاج لغة فترة واكيد كل هذا على حسابي لاني عندي دبلوم ومالنا ابتعاث
اذا بقبل الاوفر لازم بعد اسوي للجامعة ايداع وقبولي مشروط بلغة مدري هل لازم اقبل الاوفر قبل ما اخلص لغة لانه اذا بيطلعولي فيزا احتاج قبول نهائي
الجامعة تشرط للتخصص 6.5 وانا نتيجتي 6 كم اسبوع تتوقعون احتاج لغة ؟؟
والجامعة مفتوحة للبكالوريوس للتخصص حقي لكنها مقفلة تمريض اخاف اروح وتغلق لكل التخصصات لاني احس الوزارة مالهم امان
اخر شي كم شهر يبيلي علشان اجهز للروحة ؟؟
سووري على الاطالة لكني مررة محتارة