شبــاب ..رايكم بالله ؟؟ تلقيت عرضا بـ 1500 ريال من مكتب !!, المكتب اللي في سوق الاند

والله عرض ممتاز جدا بس ما ادري عن سمعة المكتب اللي بسوق الاندلس

<< اخوك مقرطس ودافع 2200 عشان قبول وفيزا فقط لا غير

عموما ترا القبول لو تقدم انت بنفسك يجلس فترة من 4 الى 6 اسابيع وقبول المعهد بالكثير 3 ايام والفيزا ولا اسهل من ارسالها بنفسك بس انصحك انك تريح راسك وتعطيها مكتب

1500 ممتاز جدا ً اذا المكتب عنده مصداقية

بالتوفيق لك

اخوك عززيز

والله يا الحبيب انا سمعت ان المكتب اللي في سوق الاندلس نصاااااااااب ( واللي يثبت كلامي اني زرتهم وما قاللي ان الوزاره موكله كل مكتب على مجموعه من الطلاب , قاللي انا مستعد اجيب لك الفيزا بس روح جيب الفحص الطبي وتعال وما افادني بالمعلومه المهمه اللي قالها لي الاخ عبد الله في الوكاله الاستراليه ان كل مكتب عنده مجموعه من الطلاب هذا الاخ اللي في سوق الاندلس طماع ويبي ياخذ منك فلوس مقابل الخدمات اللي يقدمها لك وما عنده مانع انه ياخذ طلاب الوكالات الثانيه يعني بالعربي ماعنده ضمير بخلاف الاخوان في الوكاله الاستراليه الله يكثر من امثالهم ) وإذا كان اسمك عندهم فالمفروض الخدمات هذه يسويها ببلاش لاني انا حصلت على كل الخدمات اللي قلت عليها ببلااااااااش من الوكاله الاستراليه اللي بجانب مبنى الوزاره وسالته عن السكن ممكن تساعدني فيه قال مافي مانع سالته بكم قاللي ببلااااااااااااااش مانبي منك شي والحمد لله فلازم تشوف اسمك عند اي وكاله واذا لقيت اسمك عند وكاله من الوكالات فهم المسؤلين الاولين والاخرين عنك من جميع النواحي قبول جامعه حصول على فيزا المساعده في تامين السكن وكل شي كل شي كل شي وشكرا

بالعكس يعتبر غالي انا قدمت عن طريق مكتب وياخذ عالقبول 750 واذا اردت ايضا اجراءات الفيزا والسكن يصبح كامل المبلغ المطلوب 1000
ريال فقط عموما المكتب في شارع جرير بالملز بين اشارة الاحساء واشارة علي بن ابي طالب وان كان ماني غلطان اسمه افق او افاق واتمنى اكون افدتك
تحياتي

ياشباب طيب في مكتب في جده ولا في الغربيه اقدم عليه لاني ابي ادرس على حسابي ماجستير في نيوزلندا تكفون دلووووووووووني .........لاني زرت مكتب في مكه وقال لي احنا نسوي اجراءات لغه فقط ومانتعامل مع الجامعات لان يصير فيها نصب كثير صحيح الكلام هذا ولا من بدايتها كذا مقفله وشكرا

اقول روح مكتب مضمون لا تتحسف

الى الاخوان ارجوا ان افيدكم بهذا النصيحه وانا في دولة نيوزلندا وجربت بعض الامور وايضا مكتب ....

قبول اللغه مايحتاج الا ارسال اميل الى المعهد وبالتالي يجيك الرد مباشره بكل شي يعني مايكلف ولا ريال

اما قبول الجامعه مايكلف الا طابع البريد السعودي الممتاز او العادي وارفاق كافة المستندات الى الجامعه والرد بعد 6 اسابيع
وللاهميه ان الجامعه تتعامل مع الطلب من قبل المكتب مثل الطالب يعني مافي محسوبيه في الامر

اما الفيزه اذا كنت مبتعث المكتب هيستخرجها مجانا في هذا الحاله توجه للمكتب فلا داعي للمتابعه

اما من ناحية عوار الراس فانت ستظل بهذا الدوامه الى ان تستقر الامور لان المكتب كل اللي يسويها يجمع اوراقك من عندك (يعني انت تسوي كل شي ) ويرسلها بالبريد
ولم تتصل بعد شهر ونصف بيقولك يصير خير

اما الفائده من مراسله الجامعه انك ترسل اليهم ايميل وبيجيك الرد من المصدر مباشرة وبهذا انت بترتاح اكثر

ولكم الخيار