الــ شوي لأهل ملبورن ـــســــ وشوي لأهل الستي ــــكــــــ والباقي لطلاب جامعتي ــن

تنبيه: هذا الموضوع قديم. تم طرحه قبل 5938 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

Mr.Melbourne
مشرف سابق في ملتقى استراليا

غير معرف
Mr.Melbourne , تخصصى MUBT3TH , بجامعة RMIT
RMIT

MUBT3TH

غير معرف
MELBOURNE, VICTORIA

غير معرف

Nov 2006
المزيدl
January 24th, 2008, 08:25 AM
January 24th, 2008, 08:25 AM

ياهلااااااااا ومرحبااااااااااااا بالضيوف .. تو مانور المنتدى

كل واحد ياخذ له فشار ويجلس والمكان الحمدلله وسيع وإن ماشالكم المنتدى تشيلكم عيوننا

انا صاحي ومصحصح .. وفايق ومستفيق وابغاكم تصحصحون معاي لو سمحتوا لأن الموضوع يبيله شوية تركيز

وانصحكم الآن تسوون تمارين رياضيه عشان تفيقوا وتستفيقوا زيي ..

يالله ورايا .. وحد اثنين وحد اثنين فوق تحت .. تحت فوق

أصلي أصلي .. انتوا ميه ميه يالله التمرين الي بعدوا .. وحد اثنين وحد اثنين

مممممم كويس كويس ابطال .. البنات لو سمحتوا بشويش على انفسكم ترى مهما سويتوا اقوياء بتضلون بنات ولا اقولكم خذوا النطنيطه هذي .. احسلكم من الأثقال والبلاوي ونطنطوا عليها لين تحسوا انكم صاحين ومركزين ..

شباب يالله نرجع للتمارين .. اشتغل ياواد منك له .. وحد اثنين وحد اثنين

اخس عليكم والله .. طلعتوا مااااااااااااااااااااااااش .. ماتنفعون لا رياضه ولا غيره .. بس رز ولحم ونوم

والله لتورطوا فأستراليا وقولوا عزوز ماقال .. خخخخ

الموهيم نرجع لموضوعنا بعد الفاصل الطويل الي فوق

قلت بنزل لكم موضوع بالتفصيل الممل عن السكن في مدينة ملبورن وبالتحديد فالستي

والي راح يستفيد من هالموضوع هم طلاب

جامعة RMIT وجامعة فكتوريا وطلاب جامعة ملبورن
سواء عزاب او عوائل

ملحوظه زوغننه لطلاب جامعة ملبورن .. المعهد يبعد عن الستي قرابة الـ 15 دقيقه بالقطار وبعدها يمكن 5 الى 10 دقايق مشي من محطة القطار الى المعهد

بس الجامعة تقع في وسط الستي وبجانب جامعتي الـRMIT وفكتوريا ..

الموهيم ..

اولا نبدأ بالسكن عن العوائل الاستراليه .. والموضوع يخص طلاب مدينة ملبورن عموما ..

موقع الهوم ستي فايندر .. تقدروا تحصلوا فيه عوائل كثير .. وتتفقون معاها وانتوا بالسعوديه

عشان اول ماتوصلون لأستراليا تروحون من المطار عالبيت .. وفيه امكانيه انهم يستقبلونكم بالمطار لو نسقتوا معاهم وبدون رسوم إضافيه

عيوب هذا النوع من البحث عن عائلة

بما انك فالسعوديه وماتعرف المناطق السكنيه ومدى بعدها وقربها عن الستي .. ممكن تطيح فعائلة تبعد عن جامعة بمسافة ساعة بالقطار

وتضيع على نفسك ساعتين من يومك فالمواصلات .. لكن بتكون ضامن لعائلة

المشكله الثانيه وكمان زوغننه .. انه العائلة ممكن ماتطلع استراليه اصل .. لأ بعض العوائل يكونوا مجنسين واصولهم تكون صينيه او اوروبيه او حتى لبنانيه

وبعض العوائل المجنسين عيال بلد .. يعني لغتهم بيرفكت .. بس البعض الآخر لغتهم مكسرهـ شوي وخصوصا الكبار فالسن

وهذا الموقع عشان تدورون فيه .. والي يقول ماعرف انجليزي .. يروح يسحب اي واحد من عيلته ويجلّسه معه يوم واحد بس اهم شي لاتتكاسلون

www.homestayfinder.com

وهذي موقعين إضافيه بنفس الطريقه .. بس انا الاول يعجبني عشان كذا ميزته وخليته لحاله

•www.homestay-australia.com

www.ozhomestay.com

عسى الأمور زينه لحد الآن ..

طيب ننتقل لطلاب جامعة الـ RMIT .. شوفوا يا زملاء الجامعه

اول ماتوصلون بالسلامه ان شاء الله وتسكنون بفندق او موتيل .. روحوا للمعهد

وهناك اطلبوا سكن مع عائله .. راح يطلبون منكم تعبون ورقه بالأشياء الي تبونها فالعائلة وماشابه

بعدها بيومين او ثلاث راح يقولون لكم روحوا للعائله الفلانيه .. ويعطونكم العنوان

عاد انتوا تروحون تشوفون العائله والبيت الي بتسكنون فيه .. لو عجبكم اتفقوا مع العائله

ولو ماعجبكم استأذنوا منهم .. وارجعوا للمعهد واطلبوا عائله ثانيه .. الوضع حبي ومافي شي ببلاش

انتوا بتدفعون فلوس .. لذلك انت لك الحق فالشي هذا .. ولحد ينحرج ترى هذولا اجانب .. يعني خلك رسمي وخل تعاملك رسمي بعد .. وكل شي بالنظام

حلوين .. إنتهينا من العائله وموضوعها

ارتصوا خلوني اشوفكم بالله صاحين ولا نمتوا ؟؟

ماشاء الله ابطال ابطال ابطال كويس انكم متابعين

ننتقل للموضوع الثاني ..

السكن في سكن الطلاب .. سواء مشترك او خاص

اولا سكن الفلج village

وهذا ياطويلين العمر اول سكن طلابي انا سكنت فيه

دقيقه بالله

نكمل .. السكن هذا يبعد عن جامعة ملبورن قرابة 5 دقائق مشي على الأقدام

ويبعد عن جامعة الـ RMIT قرابة 3 دقائق بالترام + 3 الى 4 دقائق مشي على الأقدام .. او من السكن الى المعهد قرابة 10 دقائق مشي على الأقدام

ويبعد عن جامعة فكتوريا قرابة 7 الى 10 دقائق بالترام

مميزات السكن:

- تقدر تحجز وانت بالسعوديه .. واول ماتوصل تروح لهم وتسكن علطول بس يبغالك تعبي الأبلكيشن اون لاين
- صالة دراسية امام مدفئة على الطريقة الأمريكيه << بعدين اقولكم ليش
- مسبح
- صالة بلياردوا وبها تلفاز يعرض عليه اهم المباريات العالميه
- تلفاز في الغرفه
- انترنت .. طبعا بـ 50 دولار شهريا بس سريع وحلو
- بدون دفع اي فواتير .. يعني الفواتير عليهم
- رخيص بـ 900 دولار شهريا تقريبا
- قريب من الجامعات المذكوره فالأعلى
- اقل مدة إجار هي 3 أشهر .. وهي مدة مناسبة للطلاب الجدد ليتأقلموا ويزبطوا اوضاعهم
- فرصة السكن مع طالب اجنبي تكتسب منه اللغه
- نشاطات يقيمها السكن على مدار السنه .. رياضيه ورحلات وغيرها
- المطبخ به ثلاجة ومايكرويف وفرن
- الغرفه بها ماترس .. او فرشه للسرير يعني كل الي عليه تجيبه مخدة وبطانيه
- صالة غسيل وتنشيف ملابس بـ 3 دولار للغسله الواحده ودولارين للتنشيف

هذي اغلب المميزات الي افتكرها

سلبيات السكن:

- ضيق نوعا ما .. بما اننا متعودين على غرفنا بالسعوديه
- ماتقدر تشرك في باقة قنوات فوكستل , يعني التلفزيون عليه فقط الـ 5 قنوات الأسترالية
- مافيها مكيف .. محد راح يحتاج المكيف بعد تقريبا شهرين الى 3 اشهر .. بالعكس تدورون دفايات خخخخ

هذي السلبيات الي قدرت افتكرها لهذا السكن

طبعا السكن هذا غالبيته طلاب امريكان .. لأنهم يجون بنظام التبادل مابين الجامعات الاستراليه والامريكيه .. فتلاقيهم يجون للدارسه في جامعة RMIT او ملبورن لمدة سنة او ترم وبعدها يرجعون لجامعاتهم في امريكا

هذا السكن للطلاب .. واذا فيه وحده بتسكن مع اخوها او زوجها ممكن برضه بس يشوفوا السكن بالأول .. لأنه يمكن مايعجبهم

هذا موقع السكن على الإنترنت

http://www.rmitvillageom.com.au/

وهذا رابط السكن للي يبي يشوف صور للغرف والمسبح وصالة الدراسه والبليارد

http://www.rmitvillageom.com.au/site/html/the_pics.php

بس اتمنى منكم ماتخقون مع صور البنات الي بالموقع

لأنهم متقصدين هالحركه .. شغل دعايه وإعلان

هههههههه هو فيه مثل هالبنات .. بس لحد يستأجر بالسكن عشانهم فيه اثقلوا شوي خخخخخ

خلوني استريح شوي وارجع اكمل لكم .. ممنوع احد يكتب شي خخخخخ
سلام سلام

عدنا لكم .. ها جاهزين

ننتقل للسكن الثاني .. ونقول بسم الله

السكن الثاني .. سكن الـ كولج إسكوير collage square

وهذا له فرعين .. واحد على شارع سوانستن .. والثاني على شارع لايقن

وحده وحده .. اولا نمسك الفرع الأول << محل شاورما هو

سكن الكولج إسكوير بشارع سوانستن ..

يبعد عن جامعة ملبورن .. ولا شي سوي كذا وانت بتكون بالجامعة

يبعد عن جامعة الـ RMIT تقريبا 5 دقائق بالترام .. و10 دقائق مشي على الأقدام

يبعد عن جامعة فكتوريا 10-12 دقيقة بالترام

مميزات السكن:

- مسبح
- غرفة عرض او سيمنار
- لونج للسكن(نسيت اسمه بالعربي) ..
- غرفة غسيل وتنشيف الملابس .. واكيد بفلوس بس ناسي بكم
- مكينة تصوير اوراق
- دفاية
- صالة حديد
- منطقة شوي مجهزهـ بمعدات الشوي
- طلعات ورحلات على مدار السنه ينضمها السكن
- السعر للغرفه المفردهـ بـ 1130 الى 1280 على حسب مكان الغرفه والدور وعلى ماذا تطل وهل هي ببلكونه ام بدون
- السعر للغرفه المشتركه .. يعني سريرين بنفس الغرفه بـ 1350 الى 1500 طبعا تتقسم على شخصين يسكنون يعني تطلع عالواحد 700 الى 750 دولار بالشهر
السعر للشقة المشتركه .. يعني كل واحد غرفه خاصه بس بنفس الشقه بـ 1850 الى 2050 وطبعا نفس الطريقه تتقسم على الإثنين الي ساكنين ويطلع عالواحد بـ 900 الى 1000 دولار بالشهر

وهذي تقسيمة الشقق على هذا الرابط

هذي الغرفة المفرده بعدة أشكال .. وتشمل غرفة وصالة صغيره مع مكان للمذاكره وحمام ومطبخ
http://www.collegesquare.ymca.org.au/index.php?cid=71

وهذي الغرفة المشتركه وتشمل غرفة نوم بسريرين وصالة ومطبخ وحمام ومكان للمذاكره
http://www.collegesquare.ymca.org.au/index.php?cid=70

وهذي الشقة المشتركه وتشمل غرفتي نوم وصالة ومطبخ وحمام ومكان للمذاكره
http://www.collegesquare.ymca.org.au/index.php?cid=72

سلبيات السكن:
- اتصال الإنترنت ضعيف وكأنك بالسعوديه .. يعني سرعة موش ولا بد
- التلفزيون فقط الـ 5 قنوات الأستراليه وماتقدر تضيف عليهم شي
- المنطقه فالصباح تكون إزعاج لو كانت غرفتك عالشارع بسبب اصوات الترامات والناس
- مافي مكيف

سكن الكولج إسكوير بشارع لايقن ..

يبعد عن جامعة ملبورن 3-4 دقائق بالترام او 10 دقائق مشي على الأقدام

يبعد عن جامعة RMIT تقريبا 10 دقائق بالترام او 15 دقيقة مشي على الأقدام

يبعد عن جامعة فكتوريا 15 دقيقة بالترام

مميزات السكن:

جميع المميزات السابقة بالإضافة الى

- قريب جدا من شارع لايقن الشهير بمطاعمه ومحلاته .. وهو شارع حيوي ومهم فالستي
- ساونا
- غرف إجتماعات
- ملعب سلة
- صالة ألعاب طبعا هذا فيه بلياردو وتلفزيون ولعبتين او ثلاث إلكترونيه زي ألعاب الملاهي بس بفلوس
- تلفون .. يعني خط ثابت
- صراف ATM
- فيديو و DVD
- السعر للغرفة المفرده بـ 850 الى 1130 شهريا
- السعر للغرفة المشتركه بـ 1215 الى 1260 دولار شهريا مقسومه على شخصين
- السعر للغرفتين بـ 1500 الى 1850 دولار شهريا مقسومه على شخصين
- السعر للـ 3 والـ 4 غرف بـ 1850 الى 2380 دولار مقسومه على عدد الأشخاص الي راح يسكنوا

وهذي تقسيمة الشقق على هذه الروابط

هذي الغرفة المفردهـ
http://www.collegesquare.ymca.org.au/index.php?cid=64

وهذي الغرفة المشتركه
http://www.collegesquare.ymca.org.au/index.php?cid=65

وهذي الشقة بغرفتين
http://www.collegesquare.ymca.org.au/index.php?cid=67

وهذي الشقة بثلاث او اربع غرف
http://www.collegesquare.ymca.org.au/index.php?cid=68

سلبيات السكن:
- اتصال الإنترنت ضعيف وكأنك بالسعوديه .. يعني سرعة موش ولا بد
- التلفزيون فقط الـ 5 قنوات الأستراليه وماتقدر تضيف عليهم شي
- المنطقه فالصباح تكون إزعاج لو كانت غرفتك عالشارع بسبب اصوات الترامات
- يعتبر شوي بعيد عن جامعتي RMIT و فكتوريا
- مافي مكيف

اوف تعب .. الوحد يعصر فالمخ يعصر فالمخ .. ومايطلع معه شي كثير .. ياكثر ما انسى

بريك ونرجع نكمل ..

لحد يرد

اصلا محد يقدر يرد لأني مقفل الموضوع حاليا
Mr.Melbourne
January 24th, 2008, 09:33 AM
7 "
عدنا ..

تأخرت عليكم شوي .. ماعليه عوايدي

السكن القادم .. هو سكن الهوم آت فلندرز Home@Flinders

للعلم هذا ليس سكن طلابي .. لكن يكثر فيه الطلاب بحكم وجوده في وسط الستي وقربه من الجامعات ..

يبعد السكن عن جامعة فكتوريا تقريبا دقيقتين الى 3 دقائق مشي على الأقدام

يبعد عن جامعة RMIT تقريبا 5 دقائق بالترام و10 دقائق مشي على الأقدام

يبعد عن جامعة ملبورن 10 دقائق بالترام و15 الى 20 دقيقة مشي على الأقدام

مميزات السكن:

- مكيف تكييف مركزي .. والغرف مافيها مكيفات
- مساحة الغرف جيده
- موقع إستراتيجي جدا .. امام محطة القطار وبجانب محطتي ترامات على شارعين رئيسيين .. والمطاعم تحيط بالمبنى من كل جهة وبعضها يشتغل 24 ساعه .. وكذلك السوبرماركات تحيط به وبعضها يشتغل 24 ساعه
- صالة فيها بعض معدات السيور والدراجات للجري
- صالة إستقبال بتلفاز
- غرفة غسيل وتنشيف
- منطقة للشوي
- انترنت بـ 50 دولار و70 دولار بسرعتي .. 256 و 512 على التوالي
- مطبخ مجهز بثلاجة ومايكرويف
- تلفزيون فيه 5 قنوات استراليه .. مع إمكانية الإشتراك في باقات فوكستل .. الي مثل الشوتايم
- خدمة الإستقبال من المطار
- إمكانية حجز السكن من السعوديه
- غالبا تكون مجهزه بطاولة طعام وطاولة دراسه وسرير مع الفرشه

سلبيات السكن:

- منطقة يكثر فيها السكارى بنهاية الأسبوع .. لكنها آمنه الى الساعه 9 يوميا والى الساعه 12 في نهاية الأسبوع
- الإجار مرتفع قليلا عن غيرها
- لايوجد مكيف

الغرف وأسعارها:

- استديو .. وهذا يكون غرفة وحمام ومطبخ وسعره يتراوح مابين 240 - 280 فالأسبوع
- غرفة وصالة ومطبخ وحمام .. ما اعرف السعر للأسف لكن يصل الى 350 فالاسبوع
- غرفتين وصالة ومطبخ وحمام .. وهذا سعره يصل الى 450 فالأسبوع
- ثلاث غرفة وصالة ومطبخ وحمام .. اعتقد انه بحدود الـ 550 فالأسبوع

وهذا رابط لتقسيم الغرف

http://www.homeatflinders.com.au/apartmenttype.aspx

اعتقد هذا كل شي بالنسبة لهذا السكن ..

اجل ناخذ بريك آخر ثم نعود إليكم
Mr.Melbourne
January 24th, 2008, 11:07 AM
7 "
وحشتكم ..

يانصابين .. هيا مناك انت وياها ..

صدق ماتنعطون وجه ..

الي بعدوووووووووووووووووووو ..

السكن القادم هو سكن اليونيلوج UniLodge

السكن له مواقع كثيرهـ .. وانا راح اركز عالمواقع الي بالستي وقريبة من الجامعات حقتنا

وراح ابدا بـ

يونيلودج أون كامبس UniLodge on Campus

يبعد هذا السكن عن جامعة ملبورن 5 دقائق مشيا على الأقدام

يبعد عن جامعة RMIT ايضا 5 دقائق مشيا على الأقدام

يبعد عن جامعة فكتوريا 10 دقائق بالترام و15 دقيقة مشيا على الأقدام

لمعرفة اسعار هذا الفرع راجعوا هذا الرابط
http://www.unilodge.com.au/locations/pricing.asp?Location=on%20Campus

ولمعرفة تفصيل وشكل الغرف راجعوا هذا الرابط
http://www.unilodge.com.au/locations/floor_plan.asp?Location=on%20Campus

يونيلودج فلندرز UniLodge on Flinders

يبعد عن جامعة فكتوريا .. 4 دقائق مشي على الأقدام

يبعد عن جامعة RMIT تقريبا 5 دقائق بالترام و10 دقائق مشي على الأقدام

يبعد عن جامعة ملبورن 10 دقائق بالترام و 20 دقيقه مشي على الأقدام

الأسعار على هذا الرابط
http://www.unilodge.com.au/locations/pricing.asp?Location=on%20Flinders

وتفصيل الغرف على هذا الرابط
http://www.unilodge.com.au/locations/floor_plan.asp?Location=on%20Flinders

يونيلودج ملبورن UniLodge @ Melbourn

يبعد عن جامعة ملبورن 3 دقائق مشي على الأقدام

يبعد عن جامعة RMIT تقريبا 7 دقائق مشي على الأقدام

يبعد عن جامعة فكتوريا 10 دقائق بالترام او 15 مشي على الأقدام

للأسعار راجعوا هذا الرابط

http://www.unilodge.com.au/locations/pricing.asp?Location=@%20Melbourne

وهذي اشكال وتفاصيل الغرف

http://www.unilodge.com.au/locations/floor_plan.asp?Location=@%20Melbourne

يونيلودج فرع العزيزيه .. Al-Azizia UniLodge

^
^
^
خخخ يتونس الاهبل ..

طب ممكن آخذ بريك ..

بس دقيقة اشربلي شي

طيب طيب بكمل ..

يونيلودج شارع سوانستن UniLodge on Swanston

يبعد هذا السكن عن جامعة RMIT تقريبا دقيقة واحد مشي على الأقدام

ويبعد عن كل من جامعتي ملبون وفكتوريا مسافة 5 دقائق بالترام و10 دقائق مشيا على الأقدام

هذه اسعار هذا الفرع
http://www.unilodge.com.au/locations/pricing.asp?Location=on%20Swanston

وهذا شكل الغرف وتفصيلها
http://www.unilodge.com.au/locations/pricing.asp?Location=on%20Swanston

يونيلودج قلوبل فلج UniLodge Global Village

يبعد هذا السكن عن جامعة RMIT قرابة 7 دقائق مشيا على الأقدام

يبعد عن جامعة فكتويا قرابة 12 دقيقة مشيا على الأقدام

يبعد عن جامعة ملبون قرابة 10 دقائق مشيا على الأقدام

اسعار الغرف
http://www.unilodge.com.au/locations/pricing.asp?Location=Global%20Village

وشكل الغرف
http://www.unilodge.com.au/locations/floor_plan.asp?Location=Global%20Village

يونيلودج كولج هاوس UniLodge Collage House

قريب من جامعتي ملبورن وRMIT بس ما اعرف المسافه لأني ما افتكر وين هالفرع بالضبط

ويبعد عن جامعة فكتوريا مسافة 10 دقائق بالترام

اسعار السكن
http://www.unilodge.com.au/locations/pricing.asp?Location=College%20House

شكل الغرف
http://www.unilodge.com.au/locations/floor_plan.asp?Location=College%20House

مميزات سكن اليونيلوج في جميع الفروع:

- وسط الستي وفروعه قريبة من الجامعات
- مفروش بـ سرير ودولاب وطاولة دراسة
- صالة للجلوس في المبنى وفيها شاشة بلازما كبيره لجميع الطلاب مزوده بـ DVD وباقة فوكستل
- إمكانية الحجز اون لاين من السعوديه
- انترنت
- غرفة غسيل وتنشيف

سلبيات السكن:

- مطبخ مشترك .. في بعض الفروع
- مافي تلفاز فالغرفه غالبا
- انترنت سرعة عاديه
- اسعاره غاليه عن الغير

أوف مابغى يخلص لابارك الله فيه من موضوع

وهذي أشهر الأماكن لسكن الطلاب .. وخصوصا طلاب جامعات

RMIT وملبورن وفكتوريا

أي سؤال او استفسار .. ابطحوه هنا .. وانا اذا صحيت من النوم بعد التعب هذا .. جاوبتكم عليه

خروج نهائي بلا بريكات بلا خرابيط

دعواتكم الحلوه .. والله اني تعبت فهالموضوع تعب شخصي .. لانسخت ولا لصقت
كتبت كل كلمه بيدي
إلين حاس اني بتشنج من كثر الكتابه والتنسيق والزخارف والخرابيط والصور
وإن شاء الله يكون فادكم ولو بالقليل

دعوات دعوات .. بليز

بالسلامه
Mr.Melbourne
January 24th, 2008, 12:02 PM
7 "
اقول شفلنا عماره فايضه بنقط كلنا ونستاجرها نبي نقعد قريبين من بعض<< مسوي دمه خفيف..

بس ياخوي نبي القريب من جامعة موناش ’’ او معهد تيلورز
Mr. Stinger
January 24th, 2008, 12:21 PM
7 "
يامال العافية يابو سعوووووووووود

والله حليت الملتقى بموضوعك هذا

والله دائما كبير

المهم ابو سعود مو شكلك نسيتنا نحن طلاب لاتروب

بس ماعليه اذا تسمح لي اني اضيف بعض المساكن على موضوعك

ابو سعود بغيت اسالك عن

اولا سكن الفلج village

نظام الغر ف انا شفتها حلوة جدا خاصة لاثنين

بس هل الشريك انت اللي تختاره او مين

ثانيا بالنسبة للرحلات كيف النظام يكون لها

هل هي لطلاب معينين او جميع من سكن في العمارة

وهل فيها عنصرية ومشاكل الرحلات ولا لا

وهل هي اسبوعية او شهرية

وياليت لو تعطينا مثال لرحلة قمت بها معهم

يخليك ربي

طبعا انا ماسالك لي انا لانه مافيه امل اسكن في السيتي خلنا في الرياح الشمالية
7aMaD
January 24th, 2008, 01:02 PM
7 "
وش اقول وش اخلي يامستررررررررررر ملبورن ,,

ياخي انا برشحك للرئاسة الحزب الديمقراطي لمبتعث

لي رجعه
| باحث علمي |
January 24th, 2008, 01:10 PM
7 "
الله يعطيك العافية
مابغيت تفتح الموضوع من صبح وانا مسنتر مغير انا وياك
الله يوفقك
لي رجعة بعد تفحص وتمعن
تحياتي
sultan300
January 24th, 2008, 01:34 PM
7 "
بس ياخوي نبي القريب من جامعة موناش ’’ او معهد تيلورز

للأسف ياخوي .. ماعندي اي خلفيه عن منطقة كوفيلد ..

طبعا منطقة كوفيلد هي الي فيها جامعة موناش .. عموما اتمنى لو باقيس يكون متواجد ويعطيك خبر عن هالموضوع واذا كان فيه سكن طلاب قريب او لا

يامال العافية يابو سعوووووووووود

يعافيك .. واسمي ابو تركي

والله حليت الملتقى بموضوعك هذا

عيونك الحلوه ياعسل

والله دائما كبير

المهم ابو سعود مو شكلك نسيتنا نحن طلاب لاتروب

ابو تركي .. ووالله مو موضوع نسيتكم بس انا متأمل فيك وباقي الأخوان بلاتروب تقولون لنا السكن الي بجهتكم .. لأني مارحت هناك إلا مره وحده وماعندي ذيك الخبره بالمنطقه
بس انا الي اعرفه ان عندكم سكن طلابي .. لكن نسيت اسمه

بس ماعليه اذا تسمح لي اني اضيف بعض المساكن على موضوعك

افا عليك .. الموضوع موضعك .. وتحت امرك .. انت ضيفهم حتى لو كتابه وابشر بالتنسيق والدلع

ابو سعود بغيت اسالك عن

ابو تركي

اولا سكن الفلج village

نظام الغر ف انا شفتها حلوة جدا خاصة لاثنين

طيب ..

بس هل الشريك انت اللي تختاره او مين

الشريك ممكن انه يكون صاحبك .. يعني انت وواحد تعرفه تروحون للسكن وتطلبون غرفه مشتركه
او اذا انت لحالك .. هم يحطونك مع اي واحد .. بس طبعا يقولون لك ترى بنحطك مع واحد جنسيته كذا وكذا
وانت براحتك ممكن تسألهم تقولهم ايش الغرف الفاضيه والجنسيات المتواجده فالغرف .. وتختار الي تبي

ثانيا بالنسبة للرحلات كيف النظام يكون لها

طبعا عندهم كالندر(تقويم) للسنه الدراسيه كامله .. ويعطونك التقويم هذا اول ماتسكن .. ومحدد فيه النشاطات ومواعيدها والمبلغ لكل نشاط .. وغالبا تكون مبالغ زهيده يعني مقدور عليها

هل هي لطلاب معينين او جميع من سكن في العمارة

لجميع طلاب السكن .. وترى السكن مو عماره .. هو كان فندق سابقا .. يعني لو تشوف نظامه نظام فندق من طقطق لسلام عليكم

وهل فيها عنصرية ومشاكل الرحلات ولا لا

تمشي بإحترامك محد يتعرضلك .. تحاول تستظرف وتستهبل مع ناس ماتعرفهم اكيد بيحشونك
يعني تخيل مجموعه من السعوديين يعرفون بعض وجالسين يسولفون ومبسوطين ويدخل واحد بنقالي عرض فيهم .. ايش تتوقع يصير

وهل هي اسبوعية او شهرية

الرحلات تكون غالبا على حسب المناسبه .. يعني وقت الشتاء يطلعون للتزلج على الجليد .. ووقت الربيع يسوون دورة أولومبيه مابين السكنات الطلابيه الثانيه .. جميع انواع الرياضات الي تتخيلها ووقت الصيف يروحون مثلا ركوب امواج .. وزي كذا يعني

وياليت لو تعطينا مثال لرحلة قمت بها معهم

للأسف انا مارحت معهم رحله معينه .. لأن كل ماتجي رحلة يكون عندي شغله
وراحت عليه الدورة الأولومبيه بسبب مباريات السعوديه فكأس آسيا في هذيك الأيام
بس حضرت معهم الأورينتيشن ويك .. طبعا هذا كل ترم عندهم اسبوع تعريفي
مثل ماقلتلك .. فيه طلاب كثير من امريكا وباقي الدول وجديدين على استراليا .. وفالأسبوع هذاك ودونا اكثر من مكان .. يعني اليوم الأول كانت حفله داخل السكن .. واليوم الثاني رحنا على الكراون كازينو ودخلنا على ألعاب الليزر .. واليوم الثالث كان قمار .. انا مارحت معهم
واليوم الرابع جات فرقه كوميديه فالسكن وماحضرت لهم .. واليوم الأخير كان يوم إحتفال وشرب وطبعا مارحتلهم

يخليك ربي

طبعا انا ماسالك لي انا لانه مافيه امل اسكن في السيتي خلنا في الرياح الشمالية

اجل تسأل لمين << أبت اللقافة ان تفارق اهلها

ياخي انا برشحك للرئاسة الحزب الديمقراطي لمبتعث

لي رجعه

ماعندناش فمبتعث الا الحزب الديموقراطي الله يهديك

وحياك فأي وقت يابو صالح
Mr.Melbourne
January 24th, 2008, 01:39 PM
7 "
مابغيت تفتح الموضوع من صبح وانا مسنتر مغير انا وياك
الله يوفقك
لي رجعة بعد تفحص وتمعن
تحياتي

هههههههههههههههههههههههههههههههههه

وش اسوي وانا اخوك .. مابي اي احد يخرب الشغل الي قاعد عليه 4 ساعات ..

تخيل واحد ينط غلط مابين هالردود .. يطلع شكل الموضوع مو شي بعد كل هالتعب

وحياك يالغالي
Mr.Melbourne
January 24th, 2008, 01:40 PM
7 "