مواجهه الحقيقه !!!

January 29th, 2008, 07:46 AM

سلام عليكم
شباب و بنات
انا الصراحه ابغى اكتب موضوع بس لا يجي احد و يفهمو غلط رجاء حار مني
انا ابغى اكتبو عشان الواحد لازم يكون فاهم كل شي و مو تحبيط او اي شي من دا الكلام
الواقع يقول :
1- المعيشه صعبه هناك و ما راح يكون عندك فلوس زياده يعني بالعربي مشي حياتك كلها كم سنه و ترجع بالسلامه
2- لازم الواحد يتعب في حياتو و ما في شي يجي بالسهل
3- الشي دا حتى انا شايل همو بس كلها بالتساهيل : الواحد اذا رجع و معاه شهاده ماستر او دكتوراه و يبغى يتوظف يرفضو و يقولو انت مؤهلاتكم اكبر من الي احنا نحتاجه : اوفير كوليفايد :
4- الفرص الوظيفيه تصبح نسبتها اقل
5- اهلك و اصحابك : انا ما اقول تنساهم و مستحيل تنساهم بس لا تجبر نفسك انك تنزل كل شويه او انك تنسحب من البعثه عشان الشي دا
6- انت رايح تعيش هناك و عندك حياتك الخاصه طبعا هناك و لازم تتاقلم معاها بشكل او باخر
7- شباب و بنات لازم الواحد يدبر سكن من دحين و اذا في احد يعرف سكن في سدني يدبرلي هوا
8- في البدايه كلنا راح نتعب عشان كل شي بس هيا فتره و راح تعدي و ان شاء الله كل شي راح يصير تمام
9- بليز يا يجي احد و يقلي انت تهبط من معنوياتنا لكن و الله ابغى الجميع يكون مفتح و ايش الواقع الي راح يواجهو
10- و الله اتمنى لي و للجميع التوفيق و النجاح و اهم شي ربنا يختار لينا الي فيه الخير

• نشر عبر تويتر
• نشر عبر فيسبوك
• نشر عبر جوجل