طيب شهيتوني اتكلم عن نفسي (محد عزمني بس معليش اعزم نفسي )
شيء
ايش اسمك/ دلعك\(اللي ما عندو دلع يالف) طيب اسمي لجين ودلعي كتير لولو - اوسينه - لجينه
عمرك\احب اقوله بالميلادي 18 والهجري دايما يكبرنا
19
برجك\انا برضوا ما اصدق بدا الكلام بس عرفت قريب انو برجي الجوزاء ومن يومها وانا بس اسال ايش برجك
الصفات اللي تحبها في نفسك او شكلك \ ممممممممممم يمكن احب اساعد واحب الانتماء ازا حبيت احداحبه من كل قلبي يعني انا من النوع اللي يزعل ويرضى من كلمه واحده بس
الصفات اللي ما تحبها \ (انا عارفه في دا الجزء محد حيكتب شيء)
والله ما احب في نفسي الخجل وخصوصا انو دا اول ترم ليا في الجامعه فلمن يجي على بالي سؤال اقول لصحبتي يلا انتي اساليها ودا الشيء مره ما يعجبني وكمان اني مره انتبي على مشاعر التانيين لدرجه ممكن فيها اجرح مشاعري انا واني مررررره نسايه (على قول ماما سهتانه)
اكتر موقف يكسف بالنسبه لك
لمن احس نفسي بلهه (بعيدا عنكم ) فعاده ماما ترسلني اشتريلها من سوبر ماركت الدانوب وما اجبلها ولا شيء صح- ولمن اكزب وخصوصا اني نادر ما اكزب فانفضح بسهوله
اكتر شيء يعصبك
والله في دي النقطه ممكن اقول اني اميه في طرق جده (بالرغم اني عايشه فيها 18 سنه)بس مره اعصب لمن اكون مع سواق جديد واضيع وتلاقني رحت اخر الدنيا وانا بس ابغى اروح الدانوب ولا حاجه قريبه
اعز انسان الى
نفسك كل عيلتي من اصغرهم لاكبرهم لهم معزه تفوق معزتي لنفسي
اكتر شيء يفرحك
لمن اكون راضيه ربي وماما وبابا والناس اللي حوليني احس باحساس فرحه مره غريب وطبعا دا نادر الاحساس يعني با ختصار اكون راضيه عن نفسي
شيء تحب تسمعه
مره احب اسمع للمنشد سامي يوسف وطبعا غيره بس عموما اي شيء هادي احب اسمعه
واخيرا
اطعم وجبه دقتها في حياتك وفي اي مطعم
اطعم وجبه كانت في النمسا وولف جانج سي تحديدا في مطعم اسمه بيتر (اللي يعرفه يرفع يدو
)
لا لسه نسيت شيء
الفريق اللي تشجعه
او تشجعيه مره ما احب شيء اسمه كوره بس ممكن اشجع المنتخي السعودي طبعا
وشكرا على مروركم الحلو وحسيت في تشابه بيني وبينكم وخصوصا البنات فانا وجالسه اقرا اقول(ايوه ايوه صح
) تحياتي لكم ومافي مانع ازا نورونا مبتعثين حلوين لبلدان غير استراليا
مع تحياتي
cute dentist February 16th, 2008, 06:40 AM
7 "
February 16th, 2008, 01:58 AM
السلام عليكم ورحمه الله وبركاتهالى احلى ناس المبتعثين والمبتعثات الى استراليا
حبيت اسليكم شويه
اي واحد يدخل يجاوب على دي الاسئله حتى اللي مو فاضي يدخل شويه بس
اوكي
are u ready
يلااااااااااااااا
اول شيء
ايش اسمك/ دلعك\(اللي ما عندو دلع يالف)
عمرك\
برجك\
الصفات اللي تحبها في نفسك او شكلك \
الصفات اللي ما تحبها \ (انا عارفه في دا الجزء محد حيكتب شيء)
اكتر موقف يكسف بالنسبه لك
اكتر شيء يعصبك
اعز انسان الى نفسك
اكتر شيء يفرحك
شيء تحب تسمعه
واخيرا
اطعم وجبه دقتها في حياتك وفي اي مطعم
لا لسه نسيت شيء
الفريق اللي تشجعه او تشجعيه
يلا استناكم
اللي ما فيه خلاص سماح المره دي
يلا باي