رايكم في جامعه victoria ملبورن

وعليكم السلام ورحمة الله وبركاتة

حياك الله أخي الغالي

بانسبة لجامعة فأنا للأمانة ما درست فيها ولكن حسب ما سمعت البعض يمدح فيها والبعض الآخر يذم . المعلومات التي سمعتها عنها بأن موقعها جيد ومجاور لمنتزه ما على ما أظن وأيضاً حتى موقعها على النت مرتب مقارنة ببعض الجامعات الأخرى . ولكن للأمانة أنا حصلي موقفين سلبيين مع هذه الجامعة الموقف الأول إني يوم أقدم عليهم ما كان عندي آيلتس فعلى هذا الأساس دلوني على بعض المكاتب الموجودة في المدينة الي أنا فيها وهي IDP و IGEC في الدمام فرحت لـIDP وإختبرت عندهم إختبار على ورق لتحديد مستواي للغة الإنجليزية السيء في الأمر إني أنا متأكد إني حليت بشكل جيد في الإختبار وفي النهاية الجامعة حطتني فترة لغة 6 شهور وأنا متأكد إن مستواي أحسن من كذا فليش 6 شهور؟ الموقف الثاني وهو إني قدمت عليهم قبول لغة وتخصص وتأخرو جداً في إصدار العرض وفي النهاية وصلني العرض وكنت مطالب بأني أدفع فترة اللغة كاملة زائد أول ترم من التخصص وطبعاً التكلفة عالية جداً 80,000 أو أكثر فطلبت من الجامعة إني أدفع فقط اللغة لوقت الحالي وبعدين لما أوصل لتخصص أدفع التخصص ولكنهم رفضوا فتركتهم

وعليكم السلام ورحمة الله وبركاته

أختي الكريمة من وجهة نظري الشخصية جامعة فيكتوريا تعتبر من الجامعات اللي لا بأس بها وحطي تحتها خطوط يعني جامعة سهلة ومستواها عادي واقل من عادي واي واحد يغترب راح يتعب في الدراسة ويشتغل في كل الجامعات سواء السهلة او الصعبة لكن الفرق مخرجات التعليم وقوة الشهادة ومستوى الجامعة وأرى انه فيه خيارات افضل منها بكثير خاصة لمرحلة الدراسات العليا وانا ماادري عن وضعكم في الكويت هل ينظرون لمستوى الجامعات الخارجية اللي متخرج منها او دامك جبت شهادة من استراليا هذا كافي ومافيه فرق بين اللي متخرج من جامعة ملبورن وجامعة فيكتوريا.

بالتوفيق.

الله يعطيك العافيه جامعة فكتوريا غير معترف بها من وزارة التعليم

أخي الكريم حسون الجامعة معترف بها, شاكر لك حرصك واهتمامك.

أتمنى لك التوفيق.