لقيت عائلة بس محتار يااهل ملبورن واستراليا

المهم العائلة تقول اذا جيت بتروح لجامعتك لاتروب تركب القطار لمده ساعه
اذا كانت المدة كلها ساعة حتى توصل الجامعة فأنا مثلك بالضبط و ما عليك ترا العوائل كذا
اما اذا كانت الفترة اللي تجلسا بالقطار ساعة >>>>>>>>>بعيد البيت مرة
بعدين توصل لموقع cbd ؟
اذا وصلت لهالموقع يعني خلاص وصلت الجامعه والا بعد امشي زود؟
اذا بمشي زود كم المسافه تقريبا؟
البيت ماتحسون انه بعيد والا عادي ؟
^^^
واول مااوصل لملبورن لازم اسجل جوازي في السفارة والا بس يكفي اني ارسل للملحقية
ممكن ترسل صورة جوازك للسفارة بالفاكس و كمان ترا الملحقية مرجع للسفارة يعني كلهم واحد
وارسل على عنوانهم القديم والا الجديد لانهم كاتبين انه تغير العنوان في موقعهم بس مافهمت السالفه زين
الملحقية لسا ما تغير عنوانهم لكن خلال الاسبوع هذا راح يتغير لكنهم اتوقع انهم مداومين الى يوم الجمعة
وش هي الاوراق اللي ارسلها لهم عشان يبدون صرف المكافأه؟
موجودة على موقع الملحقية

هذا اللي اعرفه من معلومات لكن اكيد راح يفيدوك الشباب مع تمنياتي لك بالتوفيق

والله الي اقدر افيدك فيه ان من وجهة نظري المسافه بعيدة يعني ساعة مشوار شوي ماادري بالنسبة للمحطة والجامعة جنب بعض او لا لكن العائلة تفرق اذا انت بتكون مرتاح معهم ماراح تفرق معاك المسافة
تحياااتي

شكرا على الردود ياليت احد يرد رد يشفي الغليل
انا منيب رايح هناك الا بعد اسبوعين يعني ارسل لعنوانهم الجديد

السلام عليكم ورحمة الله وبركاته

اخوي اولا ً انا ماني في ملبورن ولكن حتى ولو الجامعة عن المعهد ساعتين مو بس ساعه

انت روح وشوف العائله يمكن تعجبك وفرق نص ساعه ترى ماهو شيء لو تقلبه مذاكره

واذا ما اعجبتك العائله يمديك تدور لكن الاهم انك توفر على نفسك في البدايه علشان ماتتبهذل بالسكن

والاوراق الي ترسلها للملحقية

1- صورة من قرار ابتعاثك
2- صورة ختم الدخــول لاستراليا
3- تروح للمعهد ويعطيك ورقة مباشرة لدراسة وترفقها بالملف
4- ترسل لهم رقم حسابك في بنك Commonwealth <- مخصص هالبنك ماتفتح في بنك ثاني
5- تكتب عنوانك في استراليا على ما اظن انه اختياري


وترى ماني متأكد مره من هالمعلومات ولكن اسأل وترى الشباب قدامك في الجامعة ماراح يقصروا معك راح يمدوا لك يد العون

والله يوفقك ان شاء الله