الفيزا للمرافقين

.

الأفضل ..بعد الولادة ان شالله تبدأ في اجراءات الفيزا ..عندك شهر و١٠ ايام حاول تخليها بالعشرة الايام الاخيرة

لان لابد الزوجة والمولود الجديد ان شالله يسوون تحاليل دم وبعد ماتقدم ع الفيزا سافر لاستراليا أبدا دراستك وراح توصلك فيزة المدام والبيبي وانت في استراليا

وطبعآ الترم غالبآ ينتهي بشهر نوفمبر (ع حسب التقويم الدراسي للجامعة) أرجع خذ اجازة بالسعودية وجيبهم معاك او ارسل عليهم التذاكر يجونك استراليا

وفقك الله.

وعليكم السلام ورحمة الله وبركاته

الف مبروك للمولود مقدما وان شاء الله يطلع بالسلامة والآن ما تقدر تسوي شئ بالنسبة للمرافقين الا انك تنتظر يجي المولود بالسلامة وتقدر انت تقدم فيزتك لوحدك.

من وضعك فيه حلين بالنسبة لكم

الاول: انك تنتظر زوجتك حتى تلد بالسلامة وتقدمون جميع على الأون لاين وهذا الحل افضل وأسهل واريح لكن فيه مخاطرة انه وقت الولادة غير معلوم ممكن حتى نهاية التاسع والوقت ما يكفيك لانه المولود اول ما يجي بالسلامة ماتقدر تقدم له على طول قبلها لازم تسوي له الإجراءات النظامية وتاخذ وقت مثل استخراج شهادة الميلاد وإضافته ببطاقة العائلة (لازم تحسب حساب هالشئ وتحجز موعد بموقع الاحوال من بدري) وبعدها تستخرج له جواز او تضيفه بجواز والدته وان كان الأفضل استخراج جواز له بلحاله وبعده تترجم الأوراق للانجليزية مثل عقد النكاح وبطاقة العائلة وشهادة الميلاد وهالاجراءات بلحالها تأخذ أسبوع وبعدين تقدمون على الفيزا أون لاين وبعدها تعملون الفحص الطبي ويبقى وقت إجراءات الفيزا وممكن تطول او تقصر.

الثاني: تسافر وتخلي واحد من أهلها يتولى موضوع الفحص الطبي و التقديم على السفارة في الرياض او مركز التأشيرات وتنرسل لقنصلية دبي وتجيك على الأيميل او احد يستلمها من نفس المركز وغني عن الذكر انه وجود الأم والطفل في التقديم مطلوب لأخذ بصمة العين اذا كان التقديم ورقي.

النقطة الأخيرة الفيزا الأون لاين لا يمكن عملها للمرافقين لوحدهم ويستلزم تقديمها ورقيا عن طريق السفارة بالرياض او مركز التأشيرات في أم الحمام.

دعواتك وبالتوفيق.

النقطه اللي ذكرها صالح جدا مهمه ... عندك اشياء كثيرة تسويها عشان تفيز للطفل بتاخد منك اسبوع كامل ل استكمالها

وبالنسبة لكيفية اصدار الفيزة ف ماتقدر تطلعها اون لاين لازم تكون معاملة يدوية اما عن طريق سفارة دبي او مكتبهم ف الرياض