في حالة انه بدت الدراسه وانت ما انهيت اللغه وش الحل؟

اللي اعرفه انه اذا ما امداك تخلص اللغة في سنه يمديك تمدد 6 شهور لغة
اما بالنسبة للسؤال بخصوص نفس الجامعه اتمنى انه احد من الاخوان والاخوات يقدر يفيدك >> احبت اجاوب باللي اعرفه

سؤال مهم و يحتاج للاجابه

ستارز يعطيك العافيه على هالمعلومه بس اعتقد في هالوضع لازم تنتضر ترم كامل

اخوي واحد برضو نفس المشكله معناته اننا راح ننتضر سنه كامل عشالن مستوى او مستويين

طيب اخواني حبيت اسأل لو انا اريد ااجل دراسة الماجستير بعد اللغة لمدة ترم واحد لظروف زواج مثلا هل يكون التأجيل سهل والا فيه تعقيد؟

الاخ يقصد بعض التخصصات لا يتم القبول فيها الا مره واحده في السنه يعني فصل الاول فقط فبراير واذا مالحق عليه الله يعينه ينتظر الى السنه اي بعدها ....
في اكثر من حل للموضوع هذا

الاول : في حالة انه باقي لك مستوى واحد فقط اضن انك تقدر تكلم ادارة المعهد قبلها بفتره بهذا الخصوص وغالبا ماراح يشددون لانه ماراح توقف على 5 اسابيع دراسة في اللغه وتدخل الجامعه ممكن تتعلم 5 اسابيع في الجامعه اذا كانت انجليزيتك ممتازه طبعا لانه مرحلة اللغة تتعلم باستمرار حتى وانت بالجامعه

ثانيا: خليك في كل الاحوال في وضع احتياطي حاول تسجل اختبار IELTS وتدخله عشان على الاقل لو تجيب درجة حلوه مانقول تجيب الدرجه المطلوبه يعني اذا مطلوب منك 6.5 لو جبت 6 حلو وهذي ماضن انك حتخسر فيها شي

ثالثا: حاول تجيب لك قبول او عرض على الاقل من اي جامعه ثانية تخليه احتياط في اسوى الاحوال والظروف وفي نظري الموضوع هذا مهم لجميع الطلاب تكون عندك جامعة ثانيه تعرف تنقل لها لو صار اي شي او اذا غيرة رئيك في جامعتك تكون عارف وين تبي تروح

رابعا : افضل انك تروح للقسم وتشرح لهم الوضع وانه فاضل لك مستوى واحد فقط بالاضافة الى انك توريهم درجتك في اختبارالايلتس اذا كانت حلوه اخر طريقة قلهم انا عندي قبول من جامعه ثانيه وممكن انتقل لها اذا انتم ماعندكم استعداد تدخلوني الان واتوقع انهم راح يقلون لك تعال ادرس ونكتفي بمستواك الي انت فيه وممكن يقلون لك انت تتحمل مستواك في اللغه اذا مافهمت شي بالجامعه.

اخيرا انصحك انك تجلس في اللغه قد ماتقدر وتعلم لانه كل مازدت في اللغه منت خسران راح تساعدك في الجامعه كثير من الطلاب يبي ينقز من اللغه الى الجامعه باسرع وقت ممكن بعضهم متفوق باللغه وبعضهم ماعنده سالفه لكن يبي يطلع زي العالم ويدخل
للمعلوميه مرحةل الجامعه تعتمد اعتماد كبير على الكتابه يعني توقع كل ماده راح يكون فيها كتابه ومقالات الي هي Essay مايقل عن 1500 الى 2000 كلمة في المادة الواحده بالاضافة الى الاعمال والواجبات والاختبارات الي تكون غالبا 3 ساعات وانت تكتب في الاختبار ....
هل تتوقع لو تدرس معهد اللغه مرتين وتتخرج منه مرتين تكفي ؟ انا اقول ممكن تكفي
او انك تجيب الدرجه المطلوبه في اختبار IELTS والي هي 6.5 وقتها تقول يالله نتخارج من شغل الجامعه لو الطالب فعلا يشوف نفسه ممتاز ويدقر يدخل الجامعه اختبر نفسك في IELTS وشوف كم تجيب

مرحلة الجامعه ليست بالبسيطه كما يتوقع البعض فعلا الدوام اقل من معهد اللغه لكن الدراسه في الجامعه فيها شغل كثير

اتمنالك التوفيق

ايش تقصد بالتأجيل .. تأجيل اللغة و الا الماجستير من الحين؟

لان الحين ماعندي قبول الا للغة ولو كنت تقصد تأجيل الماستر كيف أأجله وللان ماعندي قبول من الجامعة ؟؟

وبالتوفيق اخوي .. وكل الشكر لك ولتجاوبك معنا