ابي جامعه مع معهد لغة تخصص اتصالات

مالك الا فرصتين:

١- تلقى واحد بنفس حالتك وعادل ويدلك ع جامعة

٢- تبدا البروسس من جديد بنفسك وتعادل من الجامعات والسبب:

المعادلة تاخذ وقت طويل ف معظم الجامعات .. لان اوراقك بعد ماتطلع من عند الانترنانشويل اوفس بتروح لمشرف القسم، والمشرف ياخذ اوراقك ويقيمها، وبعض الجامعات يكون فيه اجتماع اسبوعين للامر هذا ... ف عشان كذا بيتاخر عليك الامر.

الشاهد من الموضوع محد يقدر يقولك الجامعة فلانية بتعادلك كذا الا اذا كان مجرب او ويعرف احد مجرب بشكل شخصي، اما ان يكون الموضوع سمة عامة واجابة تلقائية ف هذا مستحيل .. لكل طالب وضع خاص ونظرة مختلفة من قبل الجامعة .. وبتتفاجي لما تشوف طالبين من بنفس الشاهدة لكن واحد حصل معادلة اكثر من الثاني!!

بالنسبة لتخصصك فهو غير نادر، موجود ف معظم الجامعات .. جرب نصيبك وقدم عليهم، ولو كنت مكانك اجي بقبول الثانوية وبعدها اعادل عشان اكسب الوقت

يعطيك العافية بس اللي مخليني متمسك بوثيقة الاتصالات هو كلام موظف بوزارة التعليم العالي قالي بالحرف الواحد حافظ عليها لابعد وقت وجب قبول واطلع وكلها ثلاث اشهر وكم اسبوع ويلحقونك للبعثة

ياليت اللي نفس تخصص وعادلوله يفيدني

وعليكم السلام ورحمة الله وبركاته

أخي الكريم عن ماذا تبحث هل التخصص الذي تخرجت منه لا يعجبك ولا تود الإستمرار فيه فإذن ابدأ من جديد افضل لك اذا كان لديك القدرة للدراسة لمدة 5 سنوات (سنة لغة + 4 سنوات بكالوريس).

أما إذا كنت تريد الإستمرار في نفس تخصصك السابق فممكن تعادل شهادتك ولا تعتمد على المكاتب في هذا الأمر لأنهم نصابين وراح يجبرونك على الجامعات اللي ياخذون منها نسبة على قبولك عن طريقهم.

بالنسبة لكلام موظف التعليم العالي يجانبه الصواب وصعبه ترهن مستقبلك على كلام شفهي لأن الإلحاق شامل لطلاب الثانوي والدبلوم ومافيه وقت محدد للإلحاق بحيث أن طلاب الدبلوم الحاقهم اسرع من الثانوي والعكس صحيح واللي يعجل عملية الإلحاق هي إنهاء اللغة باأقصر وقت ممكن والبدء في الدراسة الجامعية إما تكون لغتك جيدة ويضعونك في مستوى عالي في المعهد وتنهي المستوى وتدخل الجامعة أو تجيب شهادة الأيلتس بدرجة 5 أو 5.5 للسنة التحضيرية.

المعادلة تعتمد على حسب الجامعة والتخصص وفيه متغيرات كثيرة من طالب لطالب (Case By Case Evaluation) منها الشهادة والكلية والتخصص والدرجات والأعمال التطوعية والخبرة وأشياء كثيرة تأحذ بالحسبان لديهم فممكن جامعة ماتعادل لك شئ وتطلب منك البدء من جديد وممكن جامعة تعادل لك السنة التحضيرية (8 مواد) ويتبقى لك 3 سنوات للبكالوريس وممكن جامعة تعادل السنة التحضيرية وترم من السنة الأولى (12 مادة) وممكن السنة التحضيرية والسنة الأولى كاملة (16 مادة) ويتبقى لك سنتين وتتخرج.

لذلك نصيحتي لك قدم على كل الجامعات ولا تستغرب من كلامي وراح تجيك القبولات وفاضل بينهم في المعادلة فيه جامعة راح تكرمك في المعادلة وتبي تكسبك طالب عندهم وفيه جامعة ماتعادلك شئ وأنت وحظك ومافيه طالب معادلته تكون نفس معادلة الآخر لذلك قدم على أكبر عدد ممكن من الجامعات ولا تعتمد على المكاتب اعتمد على نفسك حتى مايغشك احد ويماطل فيك.

بالتوفيق.

وعليكم السلام ورحمة الله وبركاته

ابو غادة وصالح ماقصروا لكن حاب اضيفلك تجربتي ،، انا خريج دبلوم كلية تقنية الكترونيات صناعية وتحكم قدمت على ثلاث جامعات جامعة

سوينبورن عادلولي سنه ونص يعني ابدرس سنتين ونص من غير اللغة ،، جامعة ديكن عادلولي سنة فقط ،، جامعة لاتروب مازلت انتظر ردهم ،، ومثل

ماقالو لك الاخوان اطلع بدون معادلة واذا وصلت هناك ابحث عن الجامعة الي تعادلك اكثر انا الى الحين متحسف اني ماجبت قبول بدون معادلة لان

مثل ماقال ابو غادة الاجراءات تطول كثير وش لك بوجع الراس ،، واذا عندك اي استفسار تفضل ابساعدك بالي اقدر عليه والله يسهلك ويوفقك يارب

أشكر أخي عمر على المعلومات المفيدة التي ذكرها لكن من وجهة نظري وقد تكون غير صائبة ويختلف معي الإخوان إنك لا تخرج من السعودية إلا قبول اللغة والجامعة مع المعادلة بيدك أفضل من قدومك ثم البدء في التقديم للجامعة وهذا لا شك راح يأخذ منك وقت إضافة الى المصاريف.

بالتوفيق.

الله يعطيكم العافية وماقصرتو وانا معك يا صالح الغنيم اشوف انها صعبة شوي اطلع وانا ما ادري وش مقبول فيه ووش ماني مقبول فيه

اخوي عمر ولا يهونون ابو غادة وصالح كيف اخاطبهم ووش الجامعات اللي فيها تخصص اتصالات

صالح انا ابكمل ع الدبلوم مستحيل ابداء من البداية وانا راغب التخصص

جميل إذن ترغب في إكمال التخصص.

القبول اللي يجيك مع المعادلة يعتبر قرار نهائي واصلا ماتطلع الا كل شئ جاهز ومترتب لذلك نصحتك من مكانك بالسعودية راسل الجامعات ووفر مصاريف المعيشة هنا وفاضل بينهم واطلع على أفضل عرض يجيك بسيطة السالفه مافيها تعقيد أزين من انك تجي وتبدأ بالقبول والنتيجة راح تكون وحدة سواء في السعودية او في أستراليا القبول اللي بيجيك نفسه وماتفرق الدولة والفرق هو في انتظار القبول اللي راح ياخذ منك وقت ومال.

تخصص هندسة الإتصالات يتواجد في الجامعات الأتية:

1- جامعة غرب سيدني
Bachelor of Engineering - Telecommunications | University of Western Sydney (UWS)

2- جامعة سوينبرن
Bachelor of Engineering (Telecommunication and Network Engineering) > Courses > International Students > Swinburne University of Technology

3- جامعة ماكواري
Bachelor of Engineering with a major in Telecommunications Engineering - International - Macquarie University

4- جامعة إدليد
https://www.adelaide.edu.au/degree-f...einft&ts1.html

5- جامعة ولونجونج
Bachelor of Engineering (Telecommunications Engineering) @ UOW CourseFinder

6- جامعة RMIT
Bachelor of Engineering (Electronic and Communication Engineering) - RMIT University

7- جامعة UTS
Bachelor of Engineering | UTS

8- جامعة نيو ساوث ويلز
Telecommunications | Faculty of Engineering

كيفية جلب القبول سهلة وممكن تقدم بنفسك من دون الحاجة إلى مكتب ودفع مبالغ طائلة بلا مبرر:

1- ترجمة جميع مؤهلاتك وخبراتك وأي مستند يفيدك بالقبول للغة الإنجليزية من أي مكتب ترجمة معتمد.
2- تنزل الفورم الخاص بالطلبة الدوليين من الجامعة اللي بتقدم عليها.
3- تعبئ البيانات ومنها معلوماتك الشخصية, هل ترغب بالمعادلة, وهل ترغب في قبول لغة مرفق مع قبول الجامعة.
4- تجهز بطاقة ائتمان مسبوقة الدفع او بطاقة احد معارفك لدفع رسوم تقديم الطلب (تتراوح مابين 50 إلى 115 دولار أسترالي بحسب الجامعة).
5- توقع الطلب وترفق صور المستندات معها.
6- تروح لأي شركة شحن, فيدكس, واصل, DHL أو أرامكس وترسلها على العنوان الموضح في نموذج التقديم.
7- إذا استلموا الأوراق راح ترسل لك الجامعة رقم الطلب حتى تشيك معهم.
8- تنتظر من 4 اسابيع الى 8 اسابيع لتقييم طلب القبول والمعادلة.
9- راح يردون لك بعرض القبول المشروط مع المعادلة او من دون معادلة.

أتمنى وضحت لك طريقة التقديم.

بالتوفيق.

الله يعطيك العافية واضحه ووافية بس الترجمة وثيقة الكلية فيها قسم الايمن عربي والقسم الايسر انقليزي والسجل الاكاديمي انقليزي من نفس الكلية هل اترجمها ولا تكفي
اكرر الله يعطيك العافية

تكفي إذا كانت مترجمة للإنجليزي وإذا كان عندك شهادة الثانوي أو دورات أو خبرات عمل بالعربي ممكن تستفيد منها بترجمتها وتقديمها مع القبول.

بالتوفيق.