الأعضاء الإشتراك و التسجيل

الملتقيات
ADs

تفاصيل مهمه لاتفوتكم

تفاصيل مهمه لاتفوتكم


NOTICE

تنبيه: هذا الموضوع قديم. تم طرحه قبل 5852 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية برد الشمال
    برد الشمال

    مبتعث مستجد Freshman Member

    برد الشمال غير معرف

    برد الشمال , تخصصى معلم , بجامعة كلية المعلمين
    • كلية المعلمين
    • معلم
    • غير معرف
    • الشمال, الشمال
    • غير معرف
    • Dec 2007
    المزيدl

    March 20th, 2008, 05:02 PM

    اللهم لك الحمد كما ينبغي لجلالك .
    اليوم وصلت برزبن , ومن حسن حظي سواق التاكسي طلع عربي واخذت منه بعض التفاصيل , ورحت للعائله اللي اتفقت معاها , لقيتهم مصلحين قهوه
    وشاي وذابحين لي خاروف استرالي >>> لا تصدقون .
    وطلعت شريحة جوال من شركة optus ,
    كل هذا سويته بنفس اليوم مع اني مواصل يومين مانمت >>> امدحوه .
    كل شي سهل ولله الحمد , المشكله الوحيده هي بعد استراليا ( طلعت روحي ) .

    نصائح وارشادات :

    بالنسبه للشنط والوزن :
    خذ شنطتين وحده كبيره ووحده وسط , عشان يتوزع الوزن بين الشنطتين وعشان مايقولون لك شي بالمطار , الكبيره حط فيها ملابس وكتب ولاب توب واواني منزليه فقط .
    الوسط حط فيها الاكل والكريمات والبهارات والاحذيه (لازم تكون الاحذيه جديده) .

    انا كان وزن الشنطتين 33 وماقالوا شي وصديق اخر تعرفت عليه بالمطار كان وزن الشنط عنده 37 وماقالوا شي بعد , وداخل الطياره خذ معاك شنطه ولاتشيل هم وزنها لانه ماراح احد يسالك كم وزنها , خذ اللي تبي معاك : اكل (لازم يكون مغلف) , كريمات , عطور , بهارات ماراح يقولون لك شي , اهم شي لاتاخذ معاك احذيه مستعمله .

    بالنسبه لــ اللاب توب :
    لاتشيل هم البرامج المنسوخه لانه ماراح يتفتش , هالكلام في استراليا لكن في سنغافوره متشددين مره راح يفتشونه نصيحتي بهالموضوع كالتالي :
    انا انصح انك تحطه داخل الشنطه الكبيره مع الملابس والكتب والاواني فقط لان الاغراض هذي مايفتشونها , هم متشددين على الاكل والاحذيه فقط .

    طبعا كلامي هذا بالنسبه للاخوان اللي حجزهم على الخطوط الاماراتيه لانها راح توقف قبل برزبن بسنغافوره فقط .

    اذا نزلت في دبي اصرف مبلغ 1000 ريال الى دولار استرالي , عشان تعطي التاكسي الاسترالي وتشتري شريحة جوال , والباقي خله ببطاقتك السعوديه , وبالنسبه لمكائن الصراف تراها متوفره هنا , انا اليوم سحبت من بطاقتي الاهلي ومافيه اي مشاكل .

    نصيحه للي رحلته قريب او بعيد ( اشبع نوم قبل الرحله ) لانك ماراح تقدر تنام بالطياره .

    لاتنسى الافياش الاستراليه ( انا اشتريتها قبل ثلاث ايام من عالم ساكو في الرياض )
    وهي متوفره وسعر الحبه الوحده 7 ريال وانت خذ لك حبتين , وهي عباره عن قابس فقط .

    اذا وصلت استراليا اشتري جوال من شركة اوبتس اتصل عليهم وسوي لها تفعيل
    وقل لهم ابيها من نوع Turbo Charge Cap , وبعد التفعيل قل لهم ابي تشغلوني لي
    خدمة البور (poor) .

    هذا اللي اذكره واللي يبي يسال حتى لسانه لايرده .
  2. الله يسلمك اختي يارب رحمتك .
    انا رحت عن طريق مطار الرياض وكانت رحلتي عالخطوط الاماراتيه
    والله ماتكلموا بالوزن ابد , لكن مثل ماقلت لك وزعي العفش على شنطتين .

    اخوي نايف الله يسلمك ماسوينا شي هذا واجب .

    هلا اخوي The leader الله يبارك فيك , انا طلعت من مطار الرياض ,
    عادي ياخوي حط اللاب توب بين الملابس وحاول تغطيه من كل جهه بملابس
    وماراح يصير له شي , واكبر دليل جهازي ماصار له شي , وانت حر هذي نصيحتي ,
    يااخوان لاحد يشيل اللاب توب بيده ترى سنغافوره معقدين مره , وانت حر .

    اخوي Future الله يسلمك , نفس الكلام .

    الله يسلمك kdr , وينك مالك بينه ؟
    ليه التاخير وش صار لك ؟
    اوكي بنتظرك يالغالي .

    باختصار : الوضع سهل وماكنت متوقعه كذا , لاتشيلون هم .

    اي خدمه يا اخوان ويا اخوات انا حاضر باللي اقدر عليه .
    7 "
  3. ماعليك من الطيار ترى ماعندهم سالفه , انا يوم كلمتهم قالوا الوزن المسموح

    هو 20 كيلو فقط لكن طنشتهم وجبت 33 ولاقالوا شي , لا مستحيل يكون شنطه وحده

    لان زميلي بالطياره كان وزن شنطته 37 قالوا وزعها على شنطتين وماراح نقول شي

    لانه اذا كانت شنطه وحده راح يتعبون بالشيل والحط , ماعرف احد راح عن طريق

    مطار الدمام للاسف , بس اتوقع كل المطارات مثل بعض , ارجع واقول انه ماعليك

    من مكتب الطيار ترى ماعندهم سالفه , الكلام كله بالمطار .

    اذا لقيت احد طار من الدمام بعطيك خبر يا اختي .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.