مساعدة بخصوص معادله دبلوم صيدله وبعض الامور الاخرى

السلام عليكم

اخوكم معاة دبلوم صيدلة سنتين ونصف وبلشان لا وظايف ولا تجسير
قلت ابي اروح استراليا واعادل شهادتي وادرس بكالوريس بس واجهتني كذا عقبة
واجتزناهن ولله الحمد
في ناس تقول صعب تلقى قبول وفي ناس تقول سهل
فواحد من الشباب قال انا اجيب لك قبول لغه وقبول جامعه قلنا الله يكثر خيرك
قال يكفيك حق اربع شهور 50000 ريال الين ما تلحق بالبعثه
بس مافي شي مضمون جبت 65000 ريال قلت انها تكفي لـ 5 شهور خارج حسبه التذكرة والفيزا
وهل في معاهد رخيص بحدود 1000 - 1300
وش رايكم
وكم متوسط المصروف بالشهر
وكم قيمه السكن بسكن طلاب لاني سمعت انه رخيص ويفي بالغرض


(بحثت بمواضيع المنتدى ولقيت تواريخ قديمة) انا ابي اسعار الوقت الحالي

هلا بك اخوي

بالنسبة للميزانية اللي وضعتها فهي غير كافية ومن وجهة نظري تحتاج من 90 ألف ريال الى 100 ألف ريال.

السكن يكلفك من 300 الى 400 دولار استرالي بالأسبوع فيصير المجموع 1600 دولار بالشهر بالإضافة الى تأمين تدفعه للسكن اول ما توقع العقد وتسترجعه اذا جيت تخلي الشقة فالتأمين يعادل إيجار أسبوعين للسكن الغير مفروش و 4 أسابيع للسكن المفروش والحسبة كالاتي:

1600 دولار في الشهر مضروبه في 6 اشهر = 9600 دولار استرالي
9600 + تأمين أسبوعين 800 = 10400 دولار استرالي
10400 ضرب 3.47 = 36000 ريال سعودي

الاعاشة والمواصلات العامة والجوال والنت يكلفون تقريبا 700 دولار استرالي في الشهر
700 ضرب 6 اشهر = 4200 دولار استرالي
4200 ضرب 3.47 = 15000 ريال سعودي

تذكرة الطيران من مدينتك لأديليد خط واحد تكلف مابين 4500 الى5500 ريال

يبقى التأمين اذا لم تدفعه مع رسوم المعهد ويكلف لمدة 6 اشهر مابين 350 الى 450 دولار استرالي
450 ضرب 3.47 = 1500 ريال سعودي

فيصير الإجمالي كالاتي:

36000 ريال السكن
15000 ريال الإعاشة والمواصلات والتلفون والنت
5500 ريال تذكرة الطيران

=

57000 ريال سعودي لمدة 6 اشهر من غير رسوم المعهد (ومن دون حساب تقلبات العملة الأسترالية مقابل الريال السعودي والتي ترتفع وتنزل بشكل حاد كل فترة ففي الفترة الحالية الدولار منخفض عند 3.47 ريال وقد يرتفع ليصل 4 ريال في الفترة القادمة).

الحسبة تمت على الضروريات فقط وغير مشمول فيها الترفيه والأكل في المطاعم.

نصيحتي لك تجي بميزانية تكفيك في حال تأخر الإلحاق حتى ما تخسر اللي صرفته وتضطر ترجع للسعودية.