وعليكم السلام ورحمة الله وبركاته ,,
أخوي مع أني ماأحب أكتب رأيي كثير بمواضيع الاستشارة ,,
ولازم تحط في بالك أنه ماخاب من استشار بس في النهاية لك القرار ,,
ولازم تعرف أن كل شخص عطاك اقتراح بناء على نظرته هو وأمكانياته والبيئة اللي عايش فيها ,,
نادر ماتلقى طبيب ينصحك بهندسة طيران أو العكس ,,
يعني أول شي خذ ورقة وقلم وحدد رغباتك وطموحك المستقبلي ,, ونقاط الضعف والقوة ,, هل أنت من محبي الرياضيات والمواد العلمية أو الحفظ والمواد الأدبية ؟
وش طموحك المستقلبي للوظيفة تبغى شي فيه تعب بالتفكير والانتاج ولالا وكل واحد منها له مميزات وعيوب .
مع محاولة سؤال من تثق فيهم وعارفين قدراتك ورغباتك ,, ولازم تعرف أن الرأي الأخير لك .
وبعد ماتقرر ,, ولأنك محتار بالمدينة أغلب مدن استراليا متشابهة لحد كبير ,, إلا من بعض التفاصيل سو نفس الحركة وحدد وش تبغى من المدينة ,, تحب المدينة الهادئة ولا النشطة ,, قريبة من البحر ولا سياحية ؟
وبعد ماتحدد حاول تقرا تقارير عن المدن من الانترنت وبعدها بتختار وانت مرتاح .
ولاتنسى أولا وأخيرا الاستخارة بكل قرار لك ,, وحاول ماتردد كثير إذا قررت شي .
والأهم من هذا كله بعد ماتختار لاتتحسف على أي قرار مااخترته يعني حاول تركز ووتحط كل اهتمامك بطريقك اللي حددته للوصول للهدف اللي تبغاه .
وبالتوووفيق .
واحد1234 March 24th, 2008, 04:57 PM
March 24th, 2008, 04:45 PM
السلام عليكم ورحمة الله وبركانهكيفكم كلكم
لا احد يدقق في الاخطاء الاملائية والتعبير
الصراحة انا نفسيتي تعبت من كثر الوسوسة
في الدراسة
انا الصراحة أن شاء الله اني بدرس في استراليا
بس الي عقدني
كل يوم طالع في راسي تخصص
ومدينة
والله احترت مدري وش اختار فيها
يعني لو تفيدوني وش التخصصات المفيدة في المستقبل
والمدينة الي تصلح للدراسة التخصص
لاني تعب كل يوم جايني واحد يقول التخصص ذا والتخخص ذا والمدينه والمدينه
يعني ابي منكم انتم يالي تدرسون في استراليا تفيدوووني
التخصص الممتاز
والمدينية او الجامعة
وإن شاء الله كلها شهرين وأنا في استراليا بس الا الان ما ارسلت الاوراق
علمن اني راح ادرس على حساااابي
ياليت تفيدووون ولكم جزيل الشكر