استفسار عاجل وضروري بخصوص شيك السفارة

مرحبا فيك اخوي ....
بجاوبك على اللي اعرف بس ... ((( على فكرة تراني مبتعث على كندا وما ادري الاجراءات تختلف ولا لا )))معليش على اللقافة ))

بالنسبة لطريقة الشيك المصدق انا قالو لي البنك لازم يكون عندك حساب في نفس البنك ..طبعا انا اخذت شيك مصدق من بنك الرياض لان حسابي عندهم والاهلي قالو لي افتح حساب ونعطيك ....

وارامكس يا طويل العمر اخذوا مني 90 ريال نقداا ... لان الشيك للسفارة والتسعين ريال قيمة توصيل الاوراق وتدفعها انت . طبعا تعطيهم الجواز والابليكيشن والورقتين اللي بخط اليد وصورة من القبول والشيك المصدق وثلاث صور شخصية حديثة ,,,وما ادري بقي شي ولا لا ,,,
وبالنسبة لموقع ارامكس بالرياض ,,, انا ماني ساكن في الرياض بس اذكر اني شفت مكتبهم على طريق العروبة اذا ما خاب ظني يعني خلف برج المملكة ,,,, ما ني متاكد بس انت دور في هالمنطقة وبتحصله ان شاء الله .....


الله يوفقك ,,, واعذرني على نقص المعلومات ولا تنسى اني كندي >>>> اقصد مبتعث على كندا
ولو فيه معلومات ناقصة او خاطئة ان شاء الله الشباب ما يقصرون معك .