<<$$ الآن:: وبعد وبعد أن وصلت استراليا $$ >> أي استفسار أنا حاضر

طيب يالحبيب .. أنا حجزت في شقة أسمها Plum Carlton Serviced Apartments Melbourne

ومعهد اللغة راح يكون بجامعة RMIT ..

أبغاك تسألي عن السكن هل مناسب للعوائل أم لا .. لأني بصراحة خايف يكون السكن أي كلام

موقع السكن على قوقل هو :
http://maps.google.com/maps?f=d&hl=e...29011&t=p&z=15

طبعاً السكن اللي برمز B ،، والجامعة هي اللي برمز A

يلا شد حيلك وهات لنا الأخبار ..

هلا والله أخوي chairman


السكن زي منت عارف قريب جدا من المعهد تقدر تروح للمعهد مشي لكن اذا ماتتحب الرياضة الشارع نفسة مليان ترامات خذلك أي ترام نازل ستوبين وانت عند لاتروب ستريت

أما عن مناسبة السكن والله مادري عن ذوقكم وانااخوك لكن شوف ذا الموقع حاط لك صورة السكن ومحتوياتهhttp://www.hotelclub.net/hotel.reser..._Melbourne.htm


سرني مرورك

اول شي الحمدالله على سلامتك اخوي the one وانشاالله ترجع لنا بالشهادة الكبيرة قريبا
اما بالنسبة للاسئلة والاستفسارات بالنسبة لي عندي كشكول كامل كله اسئله عن استراليا
بس بحكم انك لسى واصل ومابعد استقرت امورك ماراح اكثر عليك اسئلة
1- رايك افضل السكن مع عائلة والا السكن لوحدك لانو صراحه اكثر الشباب اللي هناك يشتكون من العوائل وتعاملهم ؟؟
2-الجامعات الاسترالية تطلب GMAT ولا لا؟؟

وعذرا على الااطاله.......

هلا والله موج حياك أي والله نبي من الأسئلة السهله من هالصح والخطأ والأختيارات

أي سؤال عندك أنا حاضر


تعرف المثل اللي يقول تبي تستقر تزوج هذا خرطي << وش الهرجة

أنا أقولك إذا انت جديد فرش ولساعك عاللغة وتبي تستقر نفسيا وتريح بالك اسكن مع عائلة

تروح المخاوف اللي في راسك مثل الزلط _اتحداك تعرف وش يعني زلط ؟ _ صدقني وراح تعرف بنفسك إذا سكنت مع عائلة


أما على هالجمات والخمات هذي الحاجات مانعرفها في استراليا محنا معقدين زي بعض الناس _أخس صارت أمريكا ناس_ تعال بشهادتك بس



حياك أخوي شرفني مرورك واذا عندك شي ثاني هاته

تحياتي

الله يعطيك العافيه اخوي the one وياليت كل الناس مثلك كان مااحد تورط بشي ...
المهم انا توي بادي باجرائات الفيزا طلع قبولي بجامعة سدني (هندسه) حبيت استفسر منك يخصوص المكافأه اللي يعطوننا كافيه تماما والا يبيلك تزود عليها شوي...

بالتوفيق للجميع ان شالله...

الله يوفقك أخوي وتوصل بالسلامة

المكافأت صراحة ماعندي خلفية عنها تماما بالنسبة لسدني لأن سدني أغلى بنسبة بسيطة من ملبورن


لكن اللي أشوفة في ملبورن إذا كنت انسان مقتصد وحط تحت مقصد مية خط أنا ماأقول صير بخيل ولا تروح هنا ولا هنا يعني بس لا تصير مبذر وصدقني راح تزيد معاك مو بس تكفي و اعتقد انك رجال وتعرف كيف تصرف أمورك

بالنسبة للغلاء نصيحة نصيحة نصيحة لا تحول أي شي حسبته بالريال السعودي لأنك راح تنحول أحسب الدورلار كانه ريال وارخص عشان ما تتفاجئ

عند مثال البيبسي سعرة يختلف بس المتوسط من دولارين إلى دولارين ونص اذا حسبتها بالريال كم بيصير


لا تحاول راح تتعب


حياك واذا عندك اي استفسار تفضل

هلا والله موج حياك وشرفني مرورك

بم انك من موناش ممكن تساعدني