ماذا بعد القبول

وعليكم السلام ورحمة الله وبركاته
واهلا فيك باحلى منتدى....
ومبروك على ترشيحك وعلى استلامك القبول والله يوفقك انشالله...
اول شي بعد استلامك ورقة القبول النهائي تروح تعمل كشف طبي لك وللمرافق والمستشفيات اللي بجدة 3 اذا كنت بجدة( غسان فرعون - بخش - عيادات عداس)
و لمن تحجز للكشف الطبي راح يقولولك ايش تجيب معاك من اوراق ولازم تاخذ منهم الفواتير اللي سويتها عشان لمن توصل بالسلامة استراليا الملحقية راح تعوضك الفواتير اللي دفعتها.وطبعا المستشفى راح ترسل اوراقك للسفارة.
تاني شي طلع شيك مصدق من البنك عشان الفيزا.
تالت شي قدم الفيزا عن طريق ارامكس افضل شي.
ولمن يوصلك خبر ان الفيزا طلعت بالسلامة تروح الوزارةبالرياض وتستلم قرار الابتعاث وامر الاركاب وتقطع التذاكر وسمع الله لمن حمده....

الاوراق اللي تاخذها معك لك وللمرافق لعمل الكشف الطبي:
3 صور شمسية
جواز السفر الاصلي
المبلغ اللي حتدفعه للكشف وطبعا يختلف من مستشفى لاخرى فانت اسالهم لمن تحجز.

والاوراق اللي تاخذها معك لك وللمرافق لعمل اجراءات الفيزا عن طريق ارامكس:
صور شخصية
ورقة القبول النهائي
الشيك المصدق للمستفيد بمبلغ 1670 درهم اماراتي.
جواز السفر الاصلي وصور منه
تعبئة الابلكيشن اللي حيعطوك هوا عشان تعبيه (مكون من 21 صفحة باللغة الانجليزية) واذا تبغى ارامكس يعبولك هو تدفعلهم 100 ريال زيادة.

الاوراق اللي تجيبها معك لاصدار قرار الابتعاث من الوزارة:
صورة من قبول الجامعة او معهد اللفة.
صورة جواز السفر - و صورة للتاشيرة(الفيزا)
صورة بطاقة الاحوال للطالبة او الطالب او صورة بطاقة العائلة.
صورة(جواز السفر- صورة التاشيرة- صورة بطاقة الاحوال)للمحرم المرافق مع المبتعثة.
صورة وثيقة التخرج بالاضافة لكشف الدرجات(او معادلة لشهادة اذا كانت صادرة من الخارج)
تعبئة الاستمارة المعدة لصدور القرار لالتزامات الطالبة والتوقيع عليها.
صورة حسن السيرة والسلوك.


وانشالله اكون افدتك وما اكون نسيت شي.....
واذا نسيت شي يا ريت اعضاء المنتدى يذكروا الشي اللي نسيته.
دعواتك....

اولا شكرا على الردود.

انا اقدم على فيزة طالب طيب والمرافق ؟
لازم يكون عندي قبول عشان اطلع له فيزة طالب
اذا طلعت للمرافق فيزة سائح كيف اقدر اغير بعدين ؟
اي فيزا تاخذ وقت اطول السائح او الطالب ؟

و شكرا لكم واقدر لكم تعاونكم

الطالب اخوي اطول

اذا انت مقبول من الوزارة للدراسة تقدم على فيزة طالب.
ايوة لازم يكون عندك قبول نهائي عشان تقدر تطلع فيزة طالب.
تقدر تغير فيزة المرافق من سائح الى طالب لمن توصل ارض الابتعاث بالسلامة عن طريق الملحقية وتتواصل معاهم بالمراسلة ويتم كل شي انشالله.
فيزة الطالب تاخذ وقت اطول, بس في بعض الناس يقولو ان فيزة المرافق اذا كان اخ تطول والله اعلم..بس انت قدم الفيزا عن طريق ارامكس افضل وابعد عن المكاتب و كسلها وتاخيرها.
والله يوفقنا ويسرها علينا..
دعواتك.