المأساة في مطار الدمام

May 2nd, 2008, 03:24 AM

صباحكم خير
ودي أنبه الصبايا والشباب الي طالعين هالايام الى استراليا انهم يروحوا الى المطار بوقت كافي علشان يتجنبوا اي مفاجأت في المطار ....... أقول لكم القصه
الحمدلله انا الان في دبي بس الى صار معانا اليوم بخصوص فيزا المرافق ((زوجي ))
موظف الكاونتر لما شيك على جوازي والفيزا بينت عنده في النظام بس زوجي مابينت فيزته على النظام كلم اكثر من واحد علشان يشوفون حل قالوا مافيه طلعه من هنا الى بالفيزا لو تترقص
...... من هنا ومن هنا مافيه فايده النظام يقول مافيه مافية مافية ....
الين جا الكبير حقهم (( مشرفهم )) قال مالك الا حل واهد فغط انهم يتصلون على دائرة الهجره في استراليا (( ازا فيه موجود نيم انته في نزام حق هناك مافيه مشكل ))
والحمدلله بعد الاتصالات والتأكيدات طلع ان الموظف في دائرة الهجره دخل رقم جوازي خطأ (( افا يالاسترالي هذي بدايتها معانا ))
لازم ترحون بدري بدري بدري ...... لاتنسوا الوزن الزايد ترى يكلف ووووووواجد الحين الكيلو الواحد بمية ريال ريال يصفق ريال
انا في مطار دبي الحين وانا اكتب لكم جالس جنبي واحد نفر هو هندي هو بنقالي هو نيبالي مادري وهو يناظر في الكمبيوتر أتكلم معاه انجليزي مافية كلام أتكلم معاه عربي مافيه كلام طيب نستخدم معاك لغة الاشارة برظوا مافيه كلام طيب الحين مدخل عيونه على الجهاز ويطالع بقوه والحل معه .......

• نشر عبر تويتر
• نشر عبر فيسبوك
• نشر عبر جوجل