بدون تطنيش .. ساعدوني

بدون تطنيش انا رايح اقولك رأيي ويمكن اكون صح ويمكن غلط ويبقى الخيار لك بعد الاستخارة وتوفيق الله :
الحالة الاولى :
اذا كنت لوحدك يعني (عزوبي) او (ما راح تاخذ عائلتك لو انت متزوج) اشوف ان بريطانيا افضل خيار حتى لو كانت اغلى لان من ناحية اخبرة التعليمية والقرب وقوة الشهادات بريطانيا أفضل من استراليا ويبقى الفرق بينها ان المعيشه ارخص في استراليا لكن راح تعوضها في فرق التذاكر وقرب المسافة وتوفر السكن مع عائلات لان اللي عرفته من الشباب اللي في استراليا ان السكن مشكلة بحد ذاته ومن جهة ثانية في استراليا الاجازات القصيرة ما راح تستفيد منها لان المسافة بعيدة والتذاكر نار بينما في بريطانيا راح تقدر تجي وترجع حتى لو الاجازة خمسة ايام والتذاكر ما تجي ربع تذاكر استراليا .

الحالة الثانية :
وهي حالتي انا يعني متزوج وراح اجيب عائلتي بعد ما اوصل بثلاثة اشهر وعشان كذا مظطر اني اروح استراليا عشان فرق المعيشة والمجتمع من ناحية العنصرية ووضع العائلات هناك يعني اذا كنت رايح تاخذ عائلتك معاك اشوف ان استراليا افضل الخيارات
هذا رأيي حبيت اقدمه لك ويمكن الاخوة والاخوات عندهم رأي افضل واتمنى لك التوفيق وللجميع يارب

ودمت بود

أتا ابي اقول رأي وانت بكيفك انا لي واحد اعرفه في بريطانيا يدرس لغه يقول لي أبعد عن بريطانيا لأن شعبها مايحب السعوديين وبالنسبة للدراسه انا بعد مارحت باقي في السعوديه ادعي لي الله يسهل اموري

الله يسلمكم .. نهران والسليماني

انا ان شاء الله راح أخذ عائلتي زوجتي وطفلين .. وزوجتي راح تكمل دراستها ..

يعني نتوكل على الله ونروح لأستراليا ..

الله يوفقنا جميعا ً و يختار لنا الخيرة ..

وبالنسبة لتخصص الخدمة الاجتماعية فيه احد جرب يدرسة .. ماستر ؟

شوف استراليا
مافي عنصرية ونوعا ما ارخص

لكن اخي الكريم ساعات تحس انك في السعودية وانا هنا في استراليا تكدس رهيب للسعودين

مثلا ولونجوج عبارة عن مقاطعه سعودية في استراليا

وثاني شي بععععععععيده مره بعيده


بريطانيا

صحيح انها غالية وعنصرين بس بصدق تعليم افضل وقريب من السعودية

وانا ابتعثت مو علشان اشوف مين يحبني ومين ما يحبني انا ابتعثت بس علشان اطور من نفسي واخذ الشهاده

استخير وصلي ركعتين لله و الخيره فما اختار الله

بالتوفيق