الأعضاء الإشتراك و التسجيل

الملتقيات
ADs

كيف تحصل على قبولك بنفسك ؟

كيف تحصل على قبولك بنفسك ؟


NOTICE

تنبيه: هذا الموضوع قديم. تم طرحه قبل 6468 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية رياضKSA
    رياضKSA

    مبتعث مستجد Freshman Member

    رياضKSA غير معرف

    رياضKSA , تخصصى طالب , بجامعة حاليا الملك سعود وانشاء الله ناوين البعثه
    • حاليا الملك سعود وانشاء الله ناوين البعثه
    • طالب
    • غير معرف
    • غير معرف , الرياض
    • غير معرف
    • Jun 2006
    المزيدl

    July 14th, 2006, 07:43 AM

    سؤال دائما يتكرر كيف اجيب قبول و ما هي أفضل جامعة في تخصص كذا بعطيكم تجربتي في كيفية الحصول على قبول :

    بسم الله الرحمن الرحيم

    على بركة الله نبدأ

    أولا :
    أول ما فكرت فيه هو التخصص يعني مثلا انا تخصصي حاسب آلي و الحاسب في تخصصات عامه و فيه دقيقة بعدين بنيت قراري على المستقبل كيف ؟
    انا الحين شغال بوظيفة حكومية شهادتي اللي بجيبها ماراح يكون لها اثر كبير على وظيفتي بيكون لها اثر يمكن محدود .
    طيب وش فكرت فيها ؟ فكرت لو أترك وظيفتي الحكومية و اشتغل بالقطاع الخاص و ش التخصص الأفضل ؟ هذا السؤال خلاني اختار التخصص الصح في نظري طبعا .

    ثانيا:
    كيف وجدت تخصصك المطلوب ؟ طبعا ما رحت للـ IDP لأنه بصراحة يتأخر كثير في جلب قبول . وش سويت ؟ بديت ابحث في قوقل عن الجامعات الاسترالية و القبول و بعد البحث و التحري وجدت هذا الموقع و بالعربي
    http://www.studyinaustralia.gov.au/Sia/ar/Home.htm
    و واصل ابحث عن الجامعات و ادخل على موقعها و ابحث طيب كيف تبحث في موقع الجامعة ( مع العلم أني ما أدخل للجامعة حتى أتأكد من انها معترف فيها و تقدرون تعرفون من هذا الرابط
    http://www.ksainaus.com/vb/showthread.php?t=47 و اذا عرفت انها من الجامعات المعترف فيها ابدأ اشوف تصنيفها على مستوى جامعات استراليا و تقدرون تعرفون من خلال هذا الرابط http://www.australian-universities.com/rankings/ ) ؟
    كنت أدخل على رابط يوحي بالتسجيل و كنت دائما اضغط على كلمة International في أغلب المواقع و اللي تعني الطلبة الأجانب . بعد ما أدخل على هذا الرابط أبد ابحث عن البرامج بالجامعة كيف؟ طبعا كلمة برامج يعني الشهادة المطلوبة مثل اللي يبي يدرس البكالوريوس بيلقى الكلمة التالية Undergraduate و اللي يبي يدرس دراسات عليا ما جستير أو دكتوراة راح يلقى الكلمة Postgraduate . المهم دخلت على الـ Undergraduate ومن خلاله ابدأ ابحث عن تخصصي أو الكلية اللي تخصص ممكن يكون فيها و بعدها اذا حصلت التخصص ابدأ شوف طريقة الدراسة يا أما تكون Coursework و هي الطريقة اللي نحبها واجبات و مشاريع و اختبارات أو طريقة Research و اللي تعتمد على الأبحاث و غالب الطلب يتجنبها و بعض القطاعات الحكومية تشترط عشان توافق على الأبتعاث انه ماتكون طريقة الدراسة Researsh . المهم عشان كنت اعرف التخصص مناسب أو لا كنت اخش على تفاصيل التخصص و اشوف خطته و المواد اللي في التخصص و كم مدة دراسته و من خلالها ابني قراري .
    ثالثا:
    من الأشياء المهمة اللي كنت آخذها في الأعتبار اللي هو معهد اللغة كيف ؟ يعني اذا كانت الجامعة فيها معهد لغة أو لا أيظا هل معهد اللغة اللي بالجامعة بعد ما تنتهي منه تقدر تدرس بالجامعة أو ما يكفي لازم تجتاز الآيلس أو التوفل عشان تدرس بالجامعة كل ها المعلومات كنت احصلها من خلال موقع معهد اللغة الخاص بالجامعة نفسها طيب كيف تجيب موقع معهد اللغة يابو الشباب ؟ كنت ادخل صفحة البحث الخاصة بالجامعة و اكتب English Language Center و و كنت احصل موقع معهد اللغة في نتائج البحث بعد مشيئة الله. و في بعض الأحيان كنت أرسل للجامعة نفسها و استفسر طيب كيف ارسل يا بو الشباب و انا ما اعرف افك الحرف الانجليزي ؟ سؤال جيد بس ما عليك كنت أروح افتح برنامج الوافي و اكتب و اترجم بعض الأحيان كنت اروح لمواقع الترجمة العربية على الانترنت و اترجم بعض الأوقات كنت استعين ببعض الزملاء اللي فلته بالانجليزي المهم الرسائل اللي كنت ارسلها و الله كانت مكسرة تكسير .

    تخيلوا من الطرائف كنت مره اراسل واحد بجامعة اسمها Monash و كان دائما لما يرد علي يكتب بالأخير كلمة اسمها Regards طبعا أنا ما كنت اعرف وش هذي الكلمة و أول ما فكرت قلت اكيد هذا اسم الرجال فكنت لما ارد عليه اكتب له Dear Regards
    طبعا بعدين عرفت معناها و الله لا يوريكم كنسلت هالجامعة عشان لأشوف هالرجال و يقعد يحش فيني !!!!!!!!!!
    ترى امزح تركتها لأني حصلت جامعة ثانية فيها تخصص حبيته مرة .
    نرجع نكمل لا تخاف انك تغلط و انت تراسل الجامعة راس مالها يردون عليك
    Sorry,we didn't understand you can write it again
    يعني جب قبولك بنفسك ما أحد يقدر يساعدك تجيب قبول من الطلاب لأنه غير مسموح لهم من واقع تجربة ارسلت و احد من الشباب عشان يجيب قبول من معهد مو من جامعة و رفض المعهد قال لازم الشخص نفسه و قالوا خله يراسلنا بالبريد الالكتروني و فعلا راسلتهم و ارسلوا لي القبول في اسبوع و الله على ما أقول شهيد . علما اني جلست شهر انتظر الـ IDP يجيب لي قبول و ما جاب.
    طيب اذا حصلت الجامعة و التخصص و المعهد و طلعت معترفه ( لاتنسون مهم جدا قبل البحث عن الجامعة تشوفون المدينة قبل كيف تكاليف المعيشة فيها مسلمين فيها طلاب سعوديين و هذي المعلومات ممكن تحصلها من الشباب بالمنتدى بس عموما بالنسبة لتكاليف المعيشة في استراليا سدني الأغلى يليها ميلبورن و ميلبورن المسلمين فيها أكثر ) اش تسوي ؟
    تبدأ تشوف كيف عملية التسجيل بالجامعة غالبا راح تلقى نموذج على شكل ملف PDF تنزل النموذج و تعبيه و ترسله للجامعة مع شهاداتك و اوراقك و التوصيات من الجامعة او من الكلية أو من الجماعة و اذا مافيه و كنت خريج ثانوي مايحتاج تجيب توصيه من المدير لأنك أكيد ماعاد تبغى تقابله أمزح !
    المهم ترسلهم على الفاكس أو سو مثل و خلك و لد تكنلوجي ( امحححححححق ) و اسحب اوراقك بسكانر و ارسلها للجامعة و خلك تابع معهم على البريد و تذكر اذا كنت مستعجل تقلهم ارسلوا لي نسخة من القبول على البريد الألكتروني أو الفاكس لأن أغلب الجامعات ترسل القبول على البريد العادي و هذا ياخذ له من اسبوعين الى ثلاث تقريبا بعد الموافقة .

    شفتوا كيف الشغلة سهلة مايبي لها تقعد تأذي جون هاورد ( رئيس استراليا طبعا ) و لا الشباب السعوديين اللي هنه يعني انت جيب قبولك بنفسك .

    طبعا اذا جاك القبول (المبدئي طبعا ) و الحمدلله تروح لعملك او لوزارة التلعيم العالي اذا كان راح تبتعث عن طريقهم و تعطيهم الأوراق و تستنى الموافقة و من ثم اذا وافق مرجعك تاخذ الضمان المالي النهائي و قبولك و تروح الآن لمكتب الـ IDP عشان يجيب لك القبول النهائي و التأشيرة و راح يقول المكتب و ش الاجراءات الخاصة بالتأشيرة و الأوراق المطلوبة و الكشف الصحي كلها معلومات بتحصلها عن طريق المكتب . بعد شهر تقريبا كلم المكتب وشوف تأشيرتك جت و الا لا
    و هذا رابط بيفيدك بمعلومات عن كيفية الحصول على التأشيرة :
    http://www.ksainaus.com/vb/showthread.php?t=15

    تقدر كذلك تشيك على طلبك للتأشيرة هل تمت الموافقة عليه او باقي من خلال هذا الرابط للحكومة الاسترالية :
    http://www.vfs.ae/track1.asp

    و بعد ما تحصل التأشيرة احجز قبل دراستك و دور لك سكن و ها المواضيع بتلقاها بقسم المواضيع المميزة .


    و توصل لأستراليا بالسلامة .



    منقوووووووووووووووووووووووووووووووووول


  2. رياضksa بس المشلكه اذا بقدم علي جامعة واطلع بكرا مقدم على مطعم هذي مشكلة ...هاااااااااااااااااااااااااااااااااااااااااااااا ااااي.................... بس الى عنده شوي لغة انصحة يتبع نصيحة رياضksa وبالله التوفيق
    7 "
  3. المشاركة الأصلية كتبت بواسطة رياض المشرافي
    الله يعطيك العافية اخوي بس ودي اعرف اذا كنت باخذ قبول من الجامعة هل تشترط ضمان مالي لأني ابغى اجيب القبول بدري والضمان إصدارة من الوزارة راح يتأخر...
    اخوي رياض اول شي نسيت مااوضح لك في موضوعك السابق اللي كتبته لاكن حبيت اقولك فيه مكتب والله مااذكر اسمه الحين يجيب لك قبول من ثلاث جامعات والفيزا بعد اذا تبيه يطلعها لك يطلعها وياخذ 2500 وانشاء الله احاول اجيب لك معلوماته قريب وتقدر بدون الضمان المالي لانهم يجيبون لك القبول على ان عندك ظمان مالي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.