عندي أسئلة كثيرة ؟؟؟؟؟؟؟؟

السلام عليكم ورحمة الله وبركاته ,,


حياك الله اخوي وان شاء الله نساعدك بالي نقدر عليه ..


اذا بتسأل عن الإشكاليه في هذا الموضوع .. اقدر اقولك تطمن ما احد راح يضايقكم ابدا الا من بعض نظرات الإستغراب لعدم وجود نساء منقبات بشكل كبير في استراليا

لكن بشكل عام الله يثبتها ان شاء الله وماراح تتعب في هالموضوع ابدا

الله يحفظهم لك اخوي .. بالنسبه للعسكريه ماني متأكد من معلومتي لكن والله العالم انه يعطونك تفرغ عشان ترافق زوجتك لبلد الإبتعاث والمكافأه المصروفه لزوجتك ولك ولعيالك ان شاء الله انها تكفي بشرط انك ماتحط عيالك بحضانات لأن الحضانات مكلفه وهي الي تكسر الظهر


ماعندي خلفيه عن كندا لكن بأستراليا ممكن يدرسون في اي مدرسه لكن يجب عليك انت وزوجتك تدريسهم فالبيت المنهج السعودي لأنهم راح يعتبرون طلاب منازل .. يعني بنهاية كل ترم راح يجي مندوب من وزراة التعليم ويختبرهم في المناهج السعوديه

بالنسبه لأستراليا ..

اولا السكن

وهذا شي طبيعي في البدايه لأي شخص قادم من السعوديه .. لأن نظام السكن هنا مختلف تماما عن اي بلد ثاني لكن بمجرد الحصول على سكن راح ترتاح وترجع حياتك طبيعيه ومستقرهـ

ثانيا الحضانات

لو عندك اطفال في سن الحضانات وكنت تدرس انت والمدام لغه راح تضطر تتركهم في حضانه واسعار الحضانات مكلفه في استراليا ولاتدفع رسومها الملحقيه .. وللمعلوميه الملحقيه تدفع رسوم الطلاب في المدارس

هذي اهم الصعوبات الي راح تواجهها في استراليا وما اعتقد انها كبيره ان شاء الله

بالتوفيق اخوي واتمنى اكون اجبت ولو على جزء من استفساراتك

شكراً أخي على اهتمامك وكانت الإجابات واضحة
بالنسبة لأولادي أصغرهم في الصف الأول ابتدائي يعني ماعندي مشكلة في الحضانات ،
سؤال ما أفضل مدن لسكن السعوديين في أستراليا؟؟
بالنسبة للدكتوراة هل تستطيع زوجتي الحصول على قبول من جامعة أسترالية حتى وإن كانت حاصلة على الماستر من جامعة سعودية ، كأني سمعت عكس ذلك ؟؟؟
وهل القبول للدكتوراة في أستراليا صعب ويحتاج إلى وقت علما بأن زوجتي موظفة في التعليم العام ؟؟
بقي حوال ستة أشهر لكن أود الحصول على معلومات كافية ، كما أود أخذ المشورة حتى لا أندم على مثل هذا القرار ، لأنها تستطيع إكمال الدكتوراة في جامعة الملك سعود وبسهولة لكنها تحلم بالدراسة في الخارج ، فأيهما أفضل مستقبلا ؟؟؟؟؟؟؟؟؟؟
أنا متردد وهي مصرة لأن نظرتها مستقبلية دائما خصوصا بما يتعلق بالأولاد ، فهل صحيح أنهم سيستفيدون من الدراسة هناك ، لأن أبننا الكبير في الثانوي ومن السهل عليه بعد الثانوي إكمال الدراسة هناك كمبتعث ، صحيح ؟؟؟؟
أرجو التفاعل من بقية الأخوان خصوصا من ظروفهم مشابهة لظروفنا وشكراً

الأفضل من اي ناحيه ياعزيزي .. قولي عن ايش تبحث فالمدينه عشان اقدر اساعدك

هل تحب المدن الترفيهيه ام الهادئه .. هل تبحث عن المناطق البارده ام الدافئه ؟؟


تستطيع ياعزيزي .. بطريقتين .. يا انها تقدم رسالتها للجامعه اذا كانت لغتها الإنجليزيه جيده

واذا كانت لغتها ضعيفه ممكن تجي تدرس لغه وخلال فترة اللغه تكتب الرساله بالإتفاق مع الجامعه

هو ماهو صعب بس يحتاج وقت .. مابين 3 الى 4 اشهر واذا كنتوا محظوظين ممكن يجي في شهرين


من ناحية المستقبل .. اعتقد الفرق واضح

فالإحتكاك بحضاره ثانيه والغربه تدرس الشخص امور كثيره قد لايجدها بدراسته في نفس البلد

هذا غير اللغه وإتقانها بشكل تام خصوصا لطلاب الدكتوراه الي عندهم بحوث وقراءهـ كثيره للكتب


بالنسبه للأولاد فهي صادقه .. فالأهم هو اللغه وراح تنفعهم بشكل كبير في حياتهم المستقبليه

وبالنسبه لإبنك الكبير ممكن انه يكمل دراسته في استراليا بعد موافقة الملحقيه على انضمامه للبعثه

وبالنسبه للقرار .. اعتقد الإستخارهـ امر ضروري جدا ولو لكم فيها خير ان شاء الله ربي بيشرح صدرك للبعثه ولو مافيها خير ربي يصرفها عنكم بإذن الله



اتمنالك التوفيق اخوي

أشكرك ياأخي
أما بالنسبة للسكن أفضل المدن الهادئة ذات الأسعار المعقولة والمدارس تكون قريبة للأبناء
هل التخصص لابد أن يكون امتداد للتخصص السابق ؟؟؟
تخصص الماجستير علم اللغة التطبيقي ، وترغب في تغيير التخصص إلى الإدارة التربوية
أي جامعة أفضل لدراسة هذا التخصص ؟؟؟؟
أم الأفضل مواصلة التخصص السابق ؟؟؟؟
أعلم أخي أنه لابد من الاستخارة جزاك الله خير لكن بودي أطمئن من أصحاب التجربة
وبودي الحصول على وصف حقيقي لأهم مايعترض للمرأة هناك ، بودي الذهاب وأنا مطمئن على كل شيء خصوصا الحجاب والاختلاط ، لأني متحمس جدا ومتخوف من هذه المسألة
وهل هناك أخوات مبتعثات لتتواصل زوجتي معهن قبل طلب البعثة لنطمئن أكثر
جزاكم الله خير

أدليد وبيرث وبرزبن ممكن تكون الأنسب لك ان شاء الله


الماجستير ممكن ان تكون بمجال مختلف عن البكالوريوس .. لكن الدكتوراه يجب ان تكون بإمتداد تخصص الماجستير ..

وبالنسبه لأفضل الجامعات ,, صراحه ماعندي خبره ولا خلفيه عن التخصص المرغوب


ياعزيزي تطمن .. فيه عوائل حريمهم يمشون بحجاب كامل .. وصدقني مايعترضهم احد

لأن استراليا بلد حريه وديموقراطيه وكل شي فيها مسموح .. ناهيك عن ان عدد المسلمين والمسلمات كبير والحجاب منتشر بشكل كبير في المدن الكبيره مثل سدني وملبورن وبرزبن وبيرث وادليد

لاتخاف .. توكل على رب العالمين وان شاء الله ربي يسهل امورك ..

وبالنسبه للتواصل مع المبتعثات .. فالبنات ان شاء الله مايقصرون مع المدام

انت اطلبهم بالمنتدى وراح يتجاوبون معك ان شاء الله

بالتوفيق اخوي

أود التفاعل من جميع من لديه معلومات خصوصا الأخوات المبتعثات جزاهن الله خير
كما أشكر أخي الذي تولى الرد على الأسئلة جزاه الله خير