Unilodge

كلها حلوة بس من وجهة نظري رقم اربعة لانه جنب محطة القطار وعنده مطاعم ومحلات كثيرة واقرب للنهر..بس حتى الي بملبورن ايضا كويس وقريب بس اشوف الي بفلندرز افضل
بالتوفيق يارب

تزماني خاش عرض
اختي كلها شينة ؟؟؟؟؟
انا ارشح اللي اقرب للجامعه

بسم الله الرحمن الرحيم
اولا الف مبروك وانشاء الله الى الامام
ثانيا استخير الله عزوجل
ثالثا اسأل اهل المنطقة اللي انت فيها ويقولون لك وين الافضل
واكثر الشباب يفضلون السكن في عمائر(ابراج ذات ادوار كثيرة) لأن فيها سكرتي وحراسة
الله يكتب لك الخير ويوفقك

ماشاء الله

موفقة أختي والف الف مبرووووووووووك


وعقبالي يارب


ادعي لي تتسهل أموري وألاقيك

دمتِ

أنا ساكن في أحد فروعهم على سوانستون ستريت .. بس بعيد عن الجامعة مسافة نص كيلو تقريباً طبعاً .. ناخذها مشي إلى موقع معهد اللغة التابع لــ RMIT

المهم .. طبعا الينولوج ممتاز من كل النواحي .. بس لازم تنتبهي لعدة مواضيع قبل لا تستأجري ..
قد ماتقدري لاتاخذي جنب الجامعة مباشرة أو على شارع فلنذرز .. لأسباب من أهمها الازعاج الصادر من أصوات الترامات وهي رايحة جاية .. والسبب المهم الآخر هو رجة فناني الشوارع اللي كل يوم قاعدين هناك وهات ياموسيقى صاخبة وعزف ورقص .. يخلوا راسك ينفجر ..

الشيء الثاني .. كل ماأرتفع الدور اللي فيه الشقة كل ماكان أفضل .. لنفس الأسباب السابقة الذكر .. يعني بيخفف شوي من الأصوات ..

لازم تلاحظي إن غرفهم صغيرة مره .. بس آمنة .. وهادية نوعاً ما .. لأنها بطبيعة الحال سكن للطلاب .. وعشان كذا .. يلزموا الطلاب من خلال عقد الايجار إنهم يراعوا الإلتزام بإحترام السكن كجو دراسي .. وليس سكن عام .

المهم في الموضوع .. مو بالسهولة تلاقي شقة عندهم .. نظراً للطلب الكثير والعرض القليل .. بس ذي الفترة وأتوقع عشان كثير ناس متخرجين وراجعين لبلدهم .. ممكن تلاقي شيء فاضي ..

في كلا الحالات .. أحجزوا فندق قبل لا تيجوا على هنا .. ولمن توصلوا بالسلامة .. إحنا هناك بالخدمة .. ورايحين ندلكم على كل فروعهم ونساعدكم في اجراءات التقديم .

وبالتوفيق،،

ما ازيد على كلامك اخوي حرف واحد .. وخصوصا ماتحته خط

بالتوفيق

معليش داخله عرض
بس سؤال انا رحلتي 19 جولاي كيف احجز فندق من السعودية؟؟ و ايش افضل فندق من معهد هوثرون؟؟

لك كل الشكر موادع لتصويتك..


ليش كذا اخوي طيب على الأقل عطني الاسباب الا خلتك تقول عنها شينه عشان بس اعرف شنو الا اخذه وشنو الا اخليه
بس كذا على طول كلها شينه تخلي الاحباط يتخلل عزيمتي

وشكرا لمرورك !!!

الله يعطيك العافيه وتسلم على التشجيع اخوي علي

بس ياريت لو يكون عندك عناوين هذي العمائر او مواقع على النت عشان اقدر احجز فيهم بس اخوي ماقلت لي شنو الافضل من خلال خبرتك...