احتاج مساعدتكم ....

اتمنى لك التوفيق والله يسهل عليك الباقي

السلام عليكم (( تراها قصتي مع البعثة وأتمنى أنك تستفيد وما تنغث من طولها ))

أخوي أنا بقولك الي صار معي وأنا كنت بالمرحلة الثانيه وحولت الى المرحلة الثالثة
أنا قبلت مثلك قبول مبدئي بحيث أرسلوا لي رساله على الجوال بحيث أن أجلب الأوراق الازمة معي لفندق موفنبيك بالقصيم وأحضرت لهم الأوراق بالفندق بآخر يوم من الدوام فـ أكتشفت أنهم يريدون الشهادة والسيرة الذاتيه مترجمة وأيضاً الأبلكيشن بحيث أملأها .. لكن حينما وصلت لم تكن هذه الأوراق معي في ذلك الوقت وقالوا لي حظ أوفر .....

المهم بعدها قريت بالجريده أن الملك حفظه الله مدد مدة إستلام الأوراق من الطلاب المبتعثين فقط بالرياض فتداركت نفسي وترجمت الاوراق ورحت للرياض وسلمتهم الأوراق وبعدين ما جاني لا حس ولا خبر بعد ما قبلوا الناس وخلصوا حوالي بعد 8 شهور جتني رساله على الايميل تقول فيها مبروك تم قبولك قبول مبدئي ونهائي وعليك القيام بالخطوات التالية وهي فحص الدم ودفع رسوم التأشيرة ولا زم أمر المكتب المخول في الرياض المهم أنا بصراحه حسبت أحد خوياي يبي يلعب علي لأن بعض أصدقائي يعرفون قصتي مع البعثات .. المهم عرفت ان الرساله صحيحه لأنهم كتبوا رقمي الوزاري المهم ما أطول عليك لقيت أيضاً مع الرساله أوراق قبول من الجامعه بأستراليا وكل شي يخصني ..
وبعدين رحت للرياض وسويت هذي الأجراءات عطيت المكتب الأوراق وختم عليها وفحصت دم وأرسلت مبلغ الفيزة الى العنوان الي قاله لي المكتب .. وبعد أسبوع طلعت نتائج التحليل وبعد أسبوعين من التحليل جاتني الفيزة وبعدها رحت لوزارة وحصلت على أمر الاركاب وبعدين حجزت التذكرة وبعد أسبوع أكدت الحجز وأنتهيت من إجراءات البعثة والحمد لله ..

اخوي الان تطلع الوزارة لإصدار الضمان المالي
وبيعطونك ورقة موجهه للسفارة الاستراليه اللي من خلالها يمكنك الحصول على الفيزا
بعدين تروح فرع من فروع اراميكس بيعطونك الاوراق المطلوبه"القبول والشيك ...الخ"
بس نصيحه اول ما تطلع من ارامكس اعمل الفحص الطبي على طول عشان ما تتأخر الفيزا
وبالتوفيق