الحمدلله طلعت فيزتي باركولي

مبروك مبروك والله يوفقك

والى الامااام دووما ان شاء الله


ان شاء الله تقدري تطلعينهم في نفس اليوم قرار الابتعاث وامر الركاب

بس حاولي تجين الاداره مبكر من الساعه 8 وانتي فيهاا

لان قرار الابتعاث يتأخر شوي اما امر الركاب تقريبا ما يأخذ الا ربع ساعه فقط


بس خلي معك صورتين من الفيزا اهم شي لانهم راح يطلبوونها منك

صوره لـ قرار الابتعاث وصور لـ أمر الركاب

المطلوب منك :-

1- صوره من الجواز .
2- صورة من القبوول النهائي " اما لغه او جامعه لطلبة الماجستير" " اما طلبة البكالوريوس لغه وجامعة "
3- صوره من دفتر العائله وبطاقة االاحوال اذا عندك بطاقة احوال .
4 - صورة من الفيزا .
5 - صوره من اخر شهاده حصلتي عليها مع السجل الاكاديمي


وتقبلي اجمل التحااايا

الف الف مبروك لله الحمد والشكر والمنه هذي نتيجة الصبر
بالنسبه للقرار انا اخذ معاي يومين على بال ما اصدروه اما امر الاركاب على طول اذا كان معاك القرار يعطيونك امر الاركاب والتذاكر في نص ساعه
بالنسبه لموقع الوزارة طريق العليا العام بعد ما تعدين طريق الدائري وانتي متجه شمال تجي على اليمين على طول
بالنسبه للأرقام طبعا 01
2752564 والرقم الثاني 2757289
والله يوفقنا واياك والله فرحت لك

ألف مبروك والله ، ورافعه موضوعك أمس كأنك حاسه انو الفيزا راح تطلع اليوم مبروووك ،

لاتنسوا تاخذون أصل جواز السفر لأنهم بيسألون عنه لما راح تاخذوا التذاكر من الطيار ، وورقة معادلة شهادة البكالوريوس اذا شهادتكم صادرة من خارج السعودية

وروحوا الوزارة من الصبح الساعه 8 ، لأنو قرار الابتعاث قالولي تستلمه بنفس اليوم على الظهر بعد ماقلتلهم اني مو من الرياض وجيتلهم الظهر وقالولي تعال اليوم اللي بعده لأنه فيه خلل بالسيستم ، فاحتياطا احجزوا فندق بالرياض لمدة يومين وأمر الاركاب ماراح يطول بنفس الوقت .، بعد ماتخلصوا من قرار الابتعاث وأمر الاركاب وتاخذوا ورقة التذاكر من الطيار وكلها راح تكون بنفس المبنى في ادراة البعثات ، وبعدها راح تروحوا مكتب الطيار بالفرع الرئيسي وتقطعوا التذاكر وبعدها راح تاخذوا التذاكر من الخطوط الناقلة سواء من مكتب الاماراتية ولا غيرها ..

وبالنسبة للوثائق المطلوبة فكتبولك اياها الأعضاء فوق

بالتوفيق

يعطيكم العافيه يارب

اخوي عبدالرحمن

واخوي مامي

ممكن اعرف ايش الفنادق القريبه من الوزاره

وايش القسم الي يصدر قرارات الابتعاث في الوزارة

وفي اي دور او رقم المكتب

يعطيك العافيه اخوي عادل ماقصرت

هل ضروري الجوازات الاصل

الله يوفقك وتوصل بالسلامة

اختي بالنسبه للجوازات لازم تاخذين الاصل
اما بالنسبه للفنادق والله ما ادري وقرار الابتعاث وامر الاركاب تقدمين عليها في نفس الصاله
وهي الباب الوحيد للوزارة اللي يكون على شارع العليا "الموضوع ميسر لأبعد الحدود"
لكن مثلما قال اخوي عادل حاولي تروحي بدري
وطمنينا وش يصي معاك

اختي بالنسبه للجوازات لازم تاخذين الاصل
اما بالنسبه للفنادق والله ما ادري وقرار الابتعاث وامر الاركاب تقدمين عليها في نفس الصاله
وهي الباب الوحيد للوزارة اللي يكون على شارع العليا "الموضوع ميسر لأبعد الحدود"
لكن مثلما قال اخوي عادل حاولي تروحي بدري
وطمنينا وش يصي معاك

اخوي البرنس

تسلم يارب شكرا

اخوي مامي

الحمدلله صدر قرار الابتعاث بعد معاناة امس
اخوي بيروح يستلمه بعد شوي ان شاءالله

ويجيب امر الاركاب

شكرا لمرورك ماقصرت