مبتعث جديد New Member
أستراليا
krooom , ذكر. مبتعث جديد New Member. من السعودية
, مبتعث فى أستراليا
, تخصصى طالب
, بجامعة كيرتن
- بيرث, المملكة العربية السعودية
- السعودية
- Jun 2007
المزيدl August 13th, 2008, 05:24 PM
August 13th, 2008, 05:24 PM
بسم الله الرحمن الرحيم
الاسم : عبدالكريم شافي الشمري
الدولة : استراليا
المدينة : بيرث ( زي ماتقول المجمعة حقت السعودية) احلى مقارنة
الولاية : غرب استراليا
أخواني حبيت بس احذر من مكتب الاي دي بي الي بالرياض وما حصل لي من تعطيل لمدة اربعه اشهر من قبلهم واغلب السعودين لذلك يا اخوة الموظف الموجود في الاستقبال الهندي الطويل والموظفين الي داخل افريقين كلهم ياخذون من الطلاب السعودين مبالغ على ميتين ثلاث مية وبعضهم الف عشان يقولك بجيب لك القبول بسرعه وبعضهم يقعد يتاخر عشان تقوله ويلمح لك
المهم خلاصة الكلام : اخروني اربعه اشهر وكل اسبوع اجيهم يقولون ماجانا شي
رحت دقيت على الجامعة من الانترنت اخذت رقم الجامعة ومن رقم لرقم لين وصلت الي عندها ملفي مسئوله عن طلاب الشرق الاوسط وافريقيا اسمها ماريان كلمتها وفهمتها اني انتظر من اربعه اشهر قالت عطني تاريخ الميلاد والسبلنق حق اسمك وكل شي عطيتها اخر شي قالت لي حنا مرسلينه من زمااااااااااااااااان قلت ماجاني شي مكتب الاي دي بي ماعطاني كل اسبوع انا عندهم طلع يا اخواني تخيلو انه من عطيت الاي دي بي بعد خمسة اسابيع كل شي جاهم يعني شهر واسبوع وانا جالس متاخر اربعه شهور عشان ايش ؟ شف القهر كيف
فعشان كذا اذا قالو لك بعد شهر ماجانا شي شف موقع الجامعة وشف التسجيل للطلاب الدولين وشف المسئول عن طلاب الشرق الاوسط ودق عليه استفسر تخسر اتصال بس ماتخسر وقت طويل تنتظر من النصابين
وانا الحين سبب تاخيري الي يمديني مخلص ثلاث شهور باللغة سبتهم اشتكيت عليهم عند مكتب الاي دي بي الرئيسي في استراليا وبإذن الله اني اوريهم الشغل
تحياتي
الله معك الله يسلم المسوالين عن طلابنا
الله لايجزيكم خير بهدلتوو عيالنا بلقربه
حسيت بمعناتك
والله معك وينور طريقك بكل خطوه ع اجر ان شاء الله
الصمت الكاتم August 13th, 2008, 05:47 PM
7 " الحمد لله انا رحت لمهم ودخلت اوراقي عند الاي دي بي ودق علي واحد من الشباب قالي اسحب اوراقك وقدم على الجامعه بنفسك والحمد لله سحبت اوراقي منهم قبل مايرسلون الطلب وعطان خويي ايميل الجامعه وراسلتهم والحمد لله جبت القبول خلال 3 ايام والاي دي بي كان يقولي اجيبلك القبول خ0لال اربع اسابيع
لكن الحمد لله على كل حال
ابو نواف .. August 13th, 2008, 06:20 PM
7 " اخوي ممكن تعطيني الرقم اللي اتصلت عليه على مااارياان ضروري
حاكم اوراقي عند مكتب idp بجدة واتصلت عليهم امس قالوا ماجانا شئ
Mr.Mind August 13th, 2008, 06:29 PM
7 " قال وش اللي حدك على المر قال اللي أمر منه
( ابونايف ) August 13th, 2008, 07:39 PM
7 " فعلا الاي دي بي اكبر نصابين انا جلست اكثر من اربعة شهور إلى أن جاني القبول ما اقول الا حبسي الله عليهم
المبدع الاول August 14th, 2008, 12:08 AM
7 " نفس الشي بالضبط صار لي معهم
الكلام هذا قبل 8شهور -- مماطلة ومماطلة وبعد ماقرفت من شغلهم كلمت الجامعة وقالو ارسلناها من زمااان
ارسلو لي نسخة واشتغلت بنفسي بدون مارجع للمكتب
انا الا لي 6شهور في برزبن
لو اني جالس على المكتب كان الى الحين في الرياض
احمد888 August 15th, 2008, 01:25 PM
7 " هلا بك اخوي
انا بصراحة حصل لي العكس
جاني القبول النهائي خلال شهر
وغير كذا .. الفيزا انرسلت من ثاني يوم سلمتهم اياها .
--
انا معك انه فعلا في طلاب تاخروا ... بس انا احد الطلاب اللي انجزوا اوراقي بشكل سريع ( مع ملاحظة ان تكون متابع معهم باالحضور وليس الاتصال )
الله يوفقكم جميع
تقبل مروري
هموم
هموم الدنيا August 15th, 2008, 03:18 PM
7 " أنا مع أخوي هموم الدنيا
أهم شي إنك تتابع و تقلق أهلهم
أنا القبول النهائي تأخرو فيه و رحت راسلت مكتب ملبورن
ويجيني الــ COE
على بال ما رتبت أوراق الفيزا و أجيهم
و أقابل الأرتيري فيصل
يقول معليش ما جانا شي
قلت يا حليلك و الله من الدجة
أوراقي جاهزة
راحو ساعدوني في أوراق الفيزا و اليوم الثاني و رقم الإرسالية معي
أشيك على موقع الفيزا و ألقى أوراقي واصلة
الزبدة....
تابع ثم تابع ثم تابع
ولا يمنع إنك تراسل مكاتبهم في أستراليا
لإن اللي فهمته من الشغلة إنهم يتواصلون مع المكاتب اللي هناك و هي اللي تتابع
تقبلو مروري
the_love_sea August 16th, 2008, 01:33 AM
7 " 
LinkBack URL
About LinkBacks
August 13th, 2008, 05:24 PM
بسم الله الرحمن الرحيمالاسم : عبدالكريم شافي الشمري
الدولة : استراليا
المدينة : بيرث ( زي ماتقول المجمعة حقت السعودية) احلى مقارنة
الولاية : غرب استراليا
أخواني حبيت بس احذر من مكتب الاي دي بي الي بالرياض وما حصل لي من تعطيل لمدة اربعه اشهر من قبلهم واغلب السعودين لذلك يا اخوة الموظف الموجود في الاستقبال الهندي الطويل والموظفين الي داخل افريقين كلهم ياخذون من الطلاب السعودين مبالغ على ميتين ثلاث مية وبعضهم الف عشان يقولك بجيب لك القبول بسرعه وبعضهم يقعد يتاخر عشان تقوله ويلمح لك
المهم خلاصة الكلام : اخروني اربعه اشهر وكل اسبوع اجيهم يقولون ماجانا شي
رحت دقيت على الجامعة من الانترنت اخذت رقم الجامعة ومن رقم لرقم لين وصلت الي عندها ملفي مسئوله عن طلاب الشرق الاوسط وافريقيا اسمها ماريان كلمتها وفهمتها اني انتظر من اربعه اشهر قالت عطني تاريخ الميلاد والسبلنق حق اسمك وكل شي عطيتها اخر شي قالت لي حنا مرسلينه من زمااااااااااااااااان قلت ماجاني شي مكتب الاي دي بي ماعطاني كل اسبوع انا عندهم طلع يا اخواني تخيلو انه من عطيت الاي دي بي بعد خمسة اسابيع كل شي جاهم يعني شهر واسبوع وانا جالس متاخر اربعه شهور عشان ايش ؟ شف القهر كيف
فعشان كذا اذا قالو لك بعد شهر ماجانا شي شف موقع الجامعة وشف التسجيل للطلاب الدولين وشف المسئول عن طلاب الشرق الاوسط ودق عليه استفسر تخسر اتصال بس ماتخسر وقت طويل تنتظر من النصابين
وانا الحين سبب تاخيري الي يمديني مخلص ثلاث شهور باللغة سبتهم اشتكيت عليهم عند مكتب الاي دي بي الرئيسي في استراليا وبإذن الله اني اوريهم الشغل
تحياتي