مشروع صندوق الطالب التطوعي

فكره مرره رائعه .. بس اتوقع لازم تحط شروط. يعني يمكن يجيك واحد بكره يقول لك محتاج اشتري سياره .. تعال ادفع لي حق السياره هذي حاجه ما تدري كيف بعض الناس تفكر.

الشي الثاني انتبه لا يجمدون الحساب بعد كم شهر .. يقلون مساعده ارهاب ؟ ما تدري بعد .. هذولي ينتظرون اي شي عشان يسون سالفه.

والله اخوي هي فكره حلوه لكن مثل ماتعرف المسائل المالية اصبحت اليوم موضوع خطير خاصة من ناحية مثلا دعم الارهاب او شيئ من هذا القبيل .
وفكرتك تتلخص في التامين التعاوني الى كل شخص يدفع قسط معين واذا تضرر أحدهم أخذ على قدر حاجته وفي نهاية السنة اذا رجع فائض مع طبعا ارباح الاستثمار يوزع على المشتركيين .
من وجهة نظري المتواضعه هذا الفكره اولا تحتاج ان يسأل فيها القانونيين في أستراليا يعني مثلا واحد من الشباب يتطوع انه يروح لمحامي ويسأله او احد الشباب خبير في القانون الاسترالي يفتينا
ثانيا يحتاج الى خبير مالي يدير المبلغ أو الصندوق لانه اذا لم يستثمر راح تأكله التضخم فيجب استثماره حتى يحقق عوائد وايضا الى ان يتم المطالبة به .
ميزة الفكره ان طلاب المالية راح يستفيدوا خبره عملية ومع دراسته طبعا راح يعملو مع جهة رسمية مثل شركة مالية .
وفي النهاية فكره ممتازة واتمنى ان نسمع اراء الشباب

فكره رائعه ..

بس انا دايم اقول ان الفلوس تغير النفوس ,,

لذلك اي موضوع فيه فلوس مع ناس آخرين اتجنبه ,,


وفكرتك المثاليه يبغالها زمن مثل زمن الصحابه رضوان الله عليهم ..

اما في زماننا هذا ,, الله يخلف

بالتوفيق ياعزيزي

فكرة خطير بصراحة لكن مين الي فيده الصلاحية باتخاذ القرار انه الحالات الي تتقدم هي الحالات المحتاجه فعلا وصحيح ...... كل شخص يشوف انه ظرفه وحالته هي الاهم وهي الحرجة وهي الي تحتاج مساعدة وكل شخص له رئي في الاولويات بالاضافة الى المحسوبية لا تنساها ..... يعني اذا جاء الموضوع كل معارفي راح اخليهم هم الاهم والاحتياج بالاضافة الى الى الاشخاص الي راح يجونك ويشرحون ظروفهم العائلات يصير الشخص يختلق مشكلة حتى ياخذ الي يحتاجه ومن المساعدة ....
تبي نصيحتي الملحقية الثقافية مو مقصرين كل شي مغطى عمليات طبية مستشفيات تامين طبي كل شي اما من ناحية الحوادث والسيارات فهذي في تامين على السيارة ... يعني بصراحة فكرة الصناديق انتهى عهدها ... وخصوصا امين الصندوق اول ماراح يشتري سيارة ولا حتى لو اشترى مكرويف راح يقلون هاااااااااااااااااااه شفتوا كيف من فلوس الصندوق ويالليل ماطولك واذا قررت تسوي الصندوق تراني مرشح نفسي امسك الصندوق

مشكور لجميع الاخوان والاعضاء على المشاركه بأرائهم وانتقاداتهم الأكثر من رائعه.

ومثل هذه الفكرة لابد طبعا من ان يكون لها شروط وقوانين وضوابط عند التنفيذ لمنع تلاعب البعض وايضا يجب ان تكون هذه الشروط تضمن سرعة التنفيذ واتخاذ القرار المناسب.

اتمنى المشاركة من الجميع