مـجــــــــــــــلس ( منتظرين الفيزا )

الشهر عليكم مبارك

الحال والله من بعضه..

صارت هالفيزا حلم..

أنا قدمت في 7 / 8 / 2008

أتصلت الأسبوع الماضي يقولون إصبر من شهر لــ 3 شهور

راسلتهم

قالو لي مالك حق تراسلنا خل المكتب اللي مقدم لك هو اللي يتواصل معنا (IDP)

دراستي في أكتوبر في موناش

المشكلة الآن :

1. الحجوزات قلق و عليها ضغط مو طبيعي ، يقولون ضغط موسم عمرة و إنسى.

2. تأكد حجز من الرياض لدبي ( الخطوط السعودية)، دبي لهونج كونج لملبورن ( الخطوط الإماراتية) وآخر موعد للتذاكر 5 رمضان و المشكلة الإركاب ما يطلع إلا بالفيزا.

3. حجزت بيت هناك إيجاره يبدأ من 15 رمضان و الله يستر من تسحيب الفيزا و تروح فلوسنا بلاش.

الله يكون بعونكم

والله انا فيزتي ولله الحمد ما طولت

ارسلت إلى مكتب التأشيرات الاستراليه يوم 20/7

وصدرت يوم24/7


وفيزه اخوي المرافق فيزه سياحيه ارسلت إلا مكتب التأشيرات الاستراليه في13/8

واصدرت في 25/8

الحمدلله يارب

نصيحتي

ادعو بصلاتكم وقولو يارب عجل امري ولا تؤجله

بالذات في السجدتين الاخيره انا كنت اسوي كذا

والحمدلله بفضل الله ماطولت

واليوم ارسل اوراقي بالايميل عشان قرار الابتعاث

انشاءالله يارب ماتطول
ومايطلع لي فيها حاجه ناقصه

انا قدمت على الفيزا اليوم ويستر الله ان شاء الله ما تطول
اخى هنافارس اهلا بيك وعلى فكرة احنا فى نفس التخصص وانا كمان جاى على لاتروب كورس اللغه يبدا فى 14/11

أخوي / the_love_sea.

انا نفس وضعك دراستي تبدا في 13 / 10 .
لاكن الله يسهل ها ان شاءالله .
اما بالنسبة للحجوزات والله انك خوفتني وخليتني في حيره .اما انا ما طرا على احجز اللحين . لاكن دام الدعوه كذا ان شاءالله بعد صلاة التراويح بروح للمكاتب السياحيه واشوف لي حجز.
الله يوفقنا اخوي وعليك بالدعاء قبل الفطووووور .



الاخت / هنافارس .
طلعتي اخت وانا لي اسبوع وانا اناديكي بالأخ ؛) عموماً انا اعتذر عن هذا الخطاء.
ماشالله عليك بصراحه مدة صدور الفيزا مرره ممتازه .الله يوفقك وبالنسبة لنصيحتك الله يجزاك كل الخير وان شاءالله بعمل بها .


اخوي / copra1974

انا وياك نفس الحاله لاننا قدمنا على الفيزا بنفس الوقت تقريباً. انا اشوف ان بأذن الله عندك وقت كفايه لان موعد دراستك باقى له وقت طويل نوعاً ما. والله يوفقك .



اخوي / AL JAWAL .
والله بكل صدق تأثرت يوم قريت قصتك المختصرة . وبنفس الوقت صرت خايف انا فيزتي ماتخلص قبل موعد دراستي .
لاكن اخوي AL JAWAL هل تعتقد ان المكتب هو السبب في تأخير الفيزا .
بعدين انت كنت تكلم المكتب اذا جيت تبي تسئل عن فيزتك او تكلم السفاره الاستراليه في دبي .
اخيراً اقول الله يسهل عليك مصيبتك .


اماا بالنسبه لي اليوم بقولكم جديدي .
اليوم رحت اشيك على الطلب الخاص بي وطلعت لي هذه العبارة:


الوضع الحالي : أرسل الطلب إلى قسم التأشيرات الاسترالية



يعنى انا اللحين تأكدت انا اطلب عندهم. وانا الان في انتظار اي تغيير . وان شاءالله خير .


موفقين اخواني واخواتي .. وان شاءالله نسمع اخبااااار حلوه .

هلا اخوي متعب بالنسبة للمكتب ماله دخل لانه حالة الطلب ارسل في 3/4 لكن التأخير من السفارة اما سؤالك عن مين تكلم فكلم السفارة على طول احسن لك واسرع الله يوفق الجميع .

انا كلها يومين واسنتر معكم بالمجلس انتظر الفيزا والله يسهل امورنا اجمعين يارب

أخوي متعب

الله يسهل أمور الجميع ( إسمك على إسم جدي الله يرحمه)...


مشكلة الحجوزات إنها بتصادف رمضان و العيد

والجنوب شرق اسيويين مسنترين عشان العمرة و راجعين بعد العيد

إذا بغيت تفاصيل راسلني على الخاص..

ارسلت كامل اوراقي عن طريق مكتب ارمكس من تاريخ 4/8/2008

وكل ساعة اروح اشيك على المعاملة في موقع السفارة !!!! وسوسة!!!!!
المشكلة ان الدراسة تبداء في 8/9/2008
وخايف تتاخر اكثر من كذا
وبقي السكن وبقي من يستقبلك في المطار
اللهم يسرها علينا وعلى كل مبتعث