جامعه UTS : استفسار للي خلصوا اللغه وبدأوا في الجامعه

؟؟؟؟؟؟؟؟؟؟؟؟؟؟؟؟؟؟؟؟؟

انا قبلت في في نفس الجامعة

وكذلك المعهد التابع لها

فياليت اللى يعرف شي عن المعهد ومدى قوته وكذلك الجامعة

يفيدينى بعد اذا ممكن

وشكرا اخوى sweet &sour على طرح الموضوع

السلام عليكم جميعا ومبارك عليكم الشهر الكريم ورمضان كريم
بالنسبة للمعهد انسيرش المعهد جدا ممتاز ومستواه لا يعلى عليه بالنسبة لي انا انقبلت في المعهد ومن تم وضعي في مستوى بناء على درجة امتحان التوفل اللي هي مستوى 8 وبعد هالمستوى ابداء الدبلوما في تقنية المعلومات IT بس الجامعة باذن الله رمضان القادم وانا داخلها بس اسمع انها ممتازه واللي يميز استراليا عن باقي الدول ان استراليا نظامها بريطاني والتعليم البريطاني افضل بمراحل عن الامريكي.
واذا احتجت اي ايضاح او استفسار عن المعهد انا حاضر وعلى فكرة انا لي 5 ايام بالمعهد يعني جديد والصراحة استفدت اشياء كثيرة
بالتوفيق ان شاء الله
معلومة صغيرة ماشاء الله اخواني السعوديين اللي فيها مجموعة كبيرة

الله يعطيكم العااااافيه يا شباب ..

ماقصرتوا وربي ..

معهد اللغه مايهمني كثير .. لاني ماخذ بـ اختبار الايلتس 5 .. يعني محتاج نص درجه بس وادخل الجامعه ان شااااااءالله ..

لكن الاهم عندي الجامعه نفسها .. الحين الاخ فيصل ماقصر وضح لنا انها اخذت المركز الاول يعني جامعه شرحها متميز ..

لكن ودي بـ اي شخص يكون جرب دراستها بنفسه او يعرف احد جرب دراستها

ابي اعرف كيف تشددهم ؟ وكيف صعوبتهم ؟ وكم درجه النجاح عندهم .. ومن هالاشياء يعني ..

درجة الايلتس ما تاهلك تدخل اي تخصص لحد الان ...وعلى الاقل رح تبدا من مستوى 8 بالمعهد ...يعني لازم تهتم بالمعهد بعد لانك بتقضي فيه حول 20 اسبوع ....واخر 10 اسابيع صعبين جداً.....
والمعهد زي ما قالو الشباب جداً قوي ...
بس الجامعه مو كثير عندي معلومات عنها .....بس مافيه شي نقدر نعممه يعني كل جامعه تتميز بتخصصات معينه وتكون قويه فيها ....واذكر مره سمعت ان اليو تي اس تتميز اكثر شي باللغات والتعليم ....
عموما ...انا بعد مقدمه عليها وانتظر الاوفر ..
الله ييسرها لنا ولكم يااااااارب

^
^

اختي انسانه طمووحه .. الايلتس مقدور عليه لاني ممكن اختبره ثاني وان شاءالله يسهلها ربك ونجيب 5.5 وندخل الجامعه بدونه ..

لكن اللي يهمني الجامعه .. ومن كلامك كلنا بالهوا سوا

يالله الله يسمع منكــ ويسهلها بوجه الجميع ..

sweet &sour مبارك عليك شهر رمضان

أخي الكريم الجامعة بحكم تجربتي خلال هذا الترم ( أول فصل داسي لي في الجامعة)...الجامعة ممتازة وبأمانه ليست سهلة وإيضا ليست صعبة...يعني تعتمد عليك بالمقام الأول...بالعربي الدعوة بغالها شغل وشغل كثير.

الجامعة كما ذكر أحد الأخوة حصلت هذه السنة على المركز الأول في طرق الشرح والتدريس على مستوى أستراليا..ولكن للأمانه الجامعة ليست من ضمن الـgroup of 8...والتي تتضمن أفضل 8 جامعات في استراليا ومن ضمنها جامعة موناش كما ذكرت...فمثلا جامعة سيدني وجامعة نيو ساوث وولز تصنيفهما العالمي افضل من UTS...ولكن الجامعة بدأت تنهج منهج آخر من حيث التنظيم والمناهج والشدة لكي ترفع من تصنيفها...والتخصصات المعروفه يقوتها في الجامعة هي الهندسة وتقنية المعلومات

وبالنسبة للمعهد أرجو أن تأخذ كلام الأخت انسانه طموحة فالحسبان...فمرحلة الDeep (آخر 10 اسابيع) تحتاج لها كثير.

لكن هناك نقطة بعض الأشخاص تأثر فيه خلال دراسته وحبيت أوضحها لتعم الفائدة...الجامعة ينقصها حرم جامعي...بمعنى الجامعة عبارة عن برج ومباني منفصلة حوليه....يعني لا تتوقع تشاهد المساحات الخضره ومن هالكلام...حبيت اقول هالنقطة للتوضيح...انا ما تعنيني كثير ...لكن في اشخاص ينظرون لها

اخوي ياسر

الله يعطيك العاااافيه .. جواب شااافي و واااافي .. ماقصرت والله

بس عندي استفسار صغير .. انت تقول يحتاج لها شغل .. طيب وش اكثر شي مركزه عليه الجامعه

يعني الحضور والاختبارات .. والا السايمنتات .. والا البروجكتات ؟

المقصود كيف طبيعه دراستها وتركيزها

وبالنسبه للغه ابحاول اخذ لي دوره تحضير للايلتس وادخل الاختبار واجيب 6 ان شاءالله بحيث ادخل الجامعه بدون انقلش ..