وين المهم؟ريدنق,رايتنق,ليسننق,سبيكنق

بتاكيد الكتابة هى الاهم

وعليكم السلام ورحمة الله وبركـآته

آخـووي ابو رامي .. طريقتك حلووه وبتفيدك

الرايتنق < مهم بالرايتنق
والليسننق يهمك بالليسننق
والسبيكنق مهم بالسبيكنق
وااالريدنق كذلك

يعني ... كل واحد أهـم من الثاني

تحيـآتي ..

على حسب ماندرس

كلهم مهمين لكن الرايتنق والريدينق هم الاهم

لكن اللسنينق تقدر تطوره من التلفزيون او الراديو

واللسنينق والسبيكينق يتطورون بالبراكتس

والله يوفقكم جميعا

أخي أبو رامي،
بما انك طالب فبدون شك كل المهارات مهمه و متساوية في الأهمية. من واقع دراستي و تخصصي في اللغة الانجليزية ما اقدر اقولك انو في وحدة اهم من التانية.

في ناس تعرف تكتب بطريقة ممتازة و بدون اغلاط في القرامر و الاسبلنج بس ماتعرف تتكلم كلمتين على بعض. وفي ناس العكس.

القراءة مهمة لانو منها هتكتسب الكتابة و طرق تركيب الجمل بطريقة صحيحة ومع الوقت هتلاحظ انو كتابتك اتحسنت من غير ماتحس وهتعرف ايش الصح وايش الغلط.

الاستماع مهم لانو منو راح تتعلم الكلام و كيف تستخدم الكلمات وفي اي وقت. و تتعلم ايش اللي ممكن تستخدمو في الكلام رغم انو ماتقدر تستخدمو في الكتابة.

المحادثة هتعلمك و تعطيك الجراءة و الثقة في النفس

وكل المهارات السابقة راح تعلمك الكتابة مع قواعد اللغة وكل اللي يبقى عليك تتعلم الكلمات و الافعال الشاذة اللي ممكن تحتاج تحفظ طريقة كتابتها لحد ما تتعود عليها.

القراءة و الاستماع مهم اهم من المحادثة لانو من غير المحادثة ماراح تقدر تتواصل مع الناس وتوصلهم افكارك.

كتب المحادثة اليومية ماراح تفيدك بشي او ممكن تفيدك بس مرة قليل لانو اصلا انتى تبغى تدرس منتى رايح شهرين تتمشى و ترجع.

افضل طريقة تتعلم بيها اللغة هي التواصل مع الناس واستخدام اللغة.

قراءتك للقصص مفيدة في البداية بس حاول انو ماتعتمد على السي دي و حاول تقرا من نفسك او تقرا لاحد متمكن من اللغة عشان يصحح اي غلط ممكن يصير او اقرا من نفسك و بعدين اسمع السي دي عشان تتاكد من انك بتقرا الكلامات صح ومن مرة لمرة هتشوف انو الس دي ماراح تحتاجو واللي ممكت تحتاجو هو القاموس في حالة جاتك كلمة ماعرفت معناها او ما قدرت تخمن معناها من النص.

مهارة الاستماع تتنمى بانك تسمع من غير ما تقرا وتفهم اللي سمعتو واذا كنت بتسمع قصة او مقال تفهمو من غير قراءة و اذا كانت بعدين في اسئلة على الكلام اللي سمعتو يكون افضل عشان تتاكد انك استوعبت الكلام اللي سمعتو.

من ناحيتي استفدت كتير من الافلام (الغير مترجمة) و الاغاني لانها تعلمك مصطلحات و عبارات ماتتقيها في الكتب وتعلمك استخدام الكلمات في الحياة اليومية بس طالما انك موجود في استراليا هتستفيد من الناس كتير

وبليز لا تخلي اختلاطك كلو مع عرب لانو ماراح تتعلم بسرعة بدي الطريقة

دا من وجهة نظري ومن خبرتي الشخصية وتخصصي و الله يوفقك و يوفق الجميع