الأعضاء الإشتراك و التسجيل

الملتقيات
ADs

الابتعاث : استراليا ,, بريطانيا ,,, نقاط متفرقة !!

الابتعاث : استراليا ,, بريطانيا ,,, نقاط متفرقة !!


NOTICE

تنبيه: هذا الموضوع قديم. تم طرحه قبل 5638 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية واحد1234
    واحد1234

    مبتعث مميز Characteristical Member

    واحد1234 المملكة المتحدة

    واحد1234 , ذكر. مبتعث مميز Characteristical Member. من السعودية , مبتعث فى المملكة المتحدة , تخصصى System Analyst , بجامعة Griffith UNI
    • Griffith UNI
    • System Analyst
    • ذكر
    • Brisbane, Queensland
    • السعودية
    • Apr 2007
    المزيدl

    October 21st, 2008, 11:00 PM

    بـــســـم الـلـه الــرحــمن الرحــيــم

    الـسـلام عـلـيــكم ورحــمــة الله وبــركــاته


    قـبل قـراءة الموضوع أرجو أن تعذروني لأني سيء في كتابة المقدمات وترتيب أفكار الموضوع ,,

    في البداية أرحب بكل أعضاء مبتعث اللي شرفوني بقرائتهم للموضوع وللي من زمااان ماشفناهم ونعتب عليهم غيبتهم ونتمنى التواصل منهم ولو بين فترة وفترة لأن خبرتهم بتفيد اللي بعدهم كثير وأحيي كل مقدمي الابتعاث اللي ينتظرون نتايجهم وأتمنى لهم كل التوفيق

    وأحــب أبــارك لجميع المقبولين في مرحلة الابتعاث الرابعة وأتمنى لهم التوفيق في باقي امور حياتهم ولجميع اللي ماطلع قبولهم إن شاء الله الأمر فيه خيرة لهم وأتمنى يلاقوا فرص أحسن داخل أو خارج السعودية .

    بــصـراحة من بداية خطوات الابتعاث كانت تراودني فكرة تسجيل بعض الأحداث والمواقف اللي تمر علي بحياتي والتعليق عليها وخصوصا ماواجهته من ومع المبتعثين بس للأسف الفكرة ماكملت ولا لقيت الوقت لتنفيذها .

    في بالي أكثر من موضوع فكرت أكتبه وبعد تفكير قررت أني أجمعها مع بعض على شكل نقاط وأتمنى أني أكون أفدت لو بنقطة واحدة من الموضوع.

    قبل قرار الدراسة في الخارج ؟
    أيهم أفضل الوظيفة أم الدراسة ؟ أي تخصص تنصحوني فيه ؟؟ وين أقوى جامعة ؟

    لأن الأسئلة هذه تتكرر كثيرا في هذا المنتدى أو غيره وكثير مننا يتردد لأن القرار هذا متعلق بمصير حياته المستقبلية علشان كذا حبيت أتكلم عن النقطة هذي في البداية .

    بتـكلم عن نـفسـي شوي أنا كنت موظف ولله الحمد مرتاح في وظيفتي بس كان عندي هدف أكمل دراستي من قبل لذلك كنت شبه متخذ القرار وخالص منه طبعا بعد موافقة الوالدين (من أهم الأشياء اللي ساعدتني بتسهيل أموري دعائهم لي) ولكن بعد إصرار بعض القريبين مني بعدم الاستعجال وأخذ رأي من له خبرة استشرت أكثر من شخص وكانت ظروفهم تختلف , منهم من كان مكمل دراسته ومنهم من استمر على وظيفته ومنهم من كان في بداية وظيفته بصراحة في الغالب كانت نصايحهم أني أكون مثلهم وأن كل واحد منهم يشوف أنه هو سوا الصح

    لذلك أتمنى من كل واحد محتار في موضوع (وهذا الشي انطرح كثير هنا وأكيد ماراح يلاقي جواب لأنه مافيه أحد يحب أنه يكون سبب بتحديد مصير شخص واحتمال يجي يوم ويندم على القرار اللي اتخذه بسبب الشخص هذا )
    أول شي ضع جميع الخيارات أمامك وحاول كتابة السلبيات والايجابيات بجميع التفاصيل في كل خيار وبكذا تكون الامور... وبعدها حاول تستشير بس لازم تختار الشخص اللي بتستشيره فيه ناس كثير انهزاميين بيحبطك من أول فكرة وفيه ناس يقررون بدون تفكير بيقولك رح وش أنت خسران لذلك حاول تختار من تستشير أنه يكون عارف وضعك زيين من جميع النواحي ويكون عنده تصور وخبرة للوضع المستقبلي لمجال دراستك وبذلك تكون استفدت من رأيه .

    و لاتنسى صلاة الاستخارة .

    نجي لباقي الأسئلة اللي تنسأل بعد قرار الابتعاث بالنسبة للجامعة والتخصص حلو أنك تاخذ أراء من سبقك بس لاتعتمد عليها كليا لأنها تعتمد على ظروف شخصية واجهها الشخص ومن الأمثلة كثير , أعرف شخص ماأعجبته الجامعة لأنه ماارتاح بالسكن وتلقاه بكل مكان يسب الجامعة رغم أنها كانت بأسباب ثانية .

    وغير شباب الله يهديهم يمشون ويسبون بالمعاهد والجامعات والله أن التقصير كان منهم بنسبة كبيرة وطبعا من أسباب سبهم للمعهد علشان يبعدون الطلاب الجدد عنهم لأنهم حاطين سبب فشلهم كثرة السعوديين مع أني متأكد أنهم أخذوها شماعة لأخطائهم ( مثل اللي يكذب وصدق كذبته). وسبحان الله اللي مايحب الخير للناس ماتتسهل أموره .

    ملاحظة : أسئلة كثيرة تنطرح عن أحسن جامعة وأحسن معهد وأحسن مدينة صدقووووني مستحيل تلقون إجابات شافية للأسئلة هذي يعني مافيه احد يقدر يجاوب إلا بعد مايجرب كل الجامعات وكل التخصصات غير أن الموجودين حديثي عهد بالدراسة يعني صعبة تلاقي أحد يفيدك بالتخصص اللي يناسبك .

    أما المدينة فكل شخص يرتاح بمدينة غير متطلبات غيره يعني في ناس حب المدينة لأنها هادية وماتجي الساعه خمسة إلا كل شي مسكر وفيه ناس ترك المدينة للسبب هذا وحب مدينة بسبب زحماتها وتواجد الناس فيها طوال الوقت .

    قبل الابتعاث :

    مثل ماكثير منا عاش وسط جو المبتعثين أثناء التقديم وتجهيز أوراق البعثة وقبل السفر .

    كنت في نفس اللحظات أعايش مجموعة من المبتعثين في أولى فتراتهم ( أغلبهم ماكملوا الستة شهور ) وكنت أقارن كثير بين نفسياتهم وطموحهم وبين الأوضاع داخل استراليا فيه كثير من الشباب قرر السفر والدراسة بدون أي تفكير أو استعداد نفسي وكان يحسبها كأي رحلة سياحية ينبسط فيها وبيرجع غير أنه الدراسة بتكون سهلة خصوصا لو كانت في البداية لغة وينصدم بأشياء كثيرة أولها الغربة اللي مايقدر يتحملها غير المسئولية من جميع النواحي (مصروف سكن أكل ) تدبير الأمور بشكل عام


    غير وجود أشخاص في الأصل مانجحوا في بلادهم وتعلقوا بقشة الابتعاث ومنهم من نجح ومنهم من كان سبب إحباط لزملائه خصوصا الجدد بعد ماتشوفه جالس فترة طولية ماتحسن وطبعا مافيه أحد يقول أنا السبب إلا مايعددلك أسباب لحد ماتقتنع من كلامه .

    أنا ماأقول أن جميع الجامعات ممتازة ومافيها أخطاء بالعكس فيها من النقص الكثير مثل جامعاتنا وأكثر ولكن الوضع أولا وأخيرا بيعتمد عليك أنت لوكان هناك أي نقص أنت بنفسك لازم تحاول تتفاداه وتطور نفسك من دون انتظار جهات خارجية وهذي من أهم فوائد الدراسة خصوصا لمرحلة الماجستير والدكتوراة .

    تفصيل بسيط لنظام الدراسة في جامعات استراليا :


    أولا : مرحلة البكالوريس .
    بالنسبة لجامعات استراليا فيها بعض التفصيل وبحاول أشرحه قد ما أقدر ,, أول شرط طبعا اللغة وبعض الجامعات تطلب اختبار ايلتس يكون إلزامي بدرجة 5,5 مع وجود معهد في نفس الجامعة وجامعات ثانية تخيرك بين اختبار الايلتس أو وتعدي كورس اللغة في معهد الجامعة .
    أما عدد السنوات ففيها مسارين (ماعندي خلفية عن كامل التفاصيل) الأول يكون فاونديشن لمدة سنة مواد مختارة وبعدها الجامعة لمدة ثلاث سنين]

    والمسار الثانياللي مو موجود ببعض الجامعات ويتطلب نسبة 80 أو 85 بالثانوي (ماني متأكد) أنه تدرسدبلوم لمدة سنتين وبعدها بكالوريس لمدة سنة ونص . بس الخيار الأول أسهل لأنه يتدرج بالطالب بمستوى التدريس
    وإذا كان الشخصمعاه دبلوم أو دارس فاونديشن في أي جامعه ثانية يطلبون ايلتس 6 ويدرس 3 سنوات بكالوريس .

    ثانيا : مرحلة الماجستير .

    مطلوب في اختبار الايلتس أو نفس نظام دراسة اللغة في البكالوريوس مع زيادة عددالمستويات
    ومدة دراسة الماستر تختلف على حسب التخصص والجامعة بس أغلبها سنة وفيه سنة ونص وسنتين
    بعض المتطلبات قبل الماستر مثل الدبلوم العالي

    يعتمد على شهادة البكالوريس و على نفس الجامعة حتى نيوزلندا ماتشترط دبلوم على كل طلابالماستر بس أنا سمعت أن خريجين كلية المعلمين طلبوا منهم دبلوم سنة بنيوزلندا وشفت باستراليا بعضهم طلبوا منهم زيادة فصل دراسي واحد يكون مثل الدبلوم
    تفصيل لنظام الدراسة في بريطانيا

    أولا : مرحلة البكالوريس

    بالنسبة لبريطانيا تختلف طريقة الدراسة عن استراليا ببعض التفاصيل
    أول شي في الغالب أن الجامعات مافيها معاهد لغة ,, وتطلب 5,5 بالايلتس وتدخل على الفاونديشن مباشرة وبعضها تطلب 4,5 وتدخل كورس مكثف قبل الدراسة للغة ,, وفبها جامعات تتساهل وماتطلب إلا 4,5 وتدخل الفاونديشن مباشرة ,, وباقي الدراسة نفس نظام استراليا

    ثانيا : مرحلة الماجستير
    يطلبون وتدخل الجامعة مباشرة أو 5,5 وتدخل من 12 أسبوع إلى 18 أسبوع في معهد الجامعة كورس تأهيلي (الاختلاف على حسب الجامعة) أو 6 وتدرس من 6 الى 9 أسابيع وانت بالخيار والدراسة في الغالب سنة وطريقة الدارسة تختلف من تخصص لتخصص بس أغلبها فيها رسالة لمدة ثلاث شهور تكون خلال فترة الصيف .
    ومن عيوب بريطانيا أنه أغلب التخصصات ماتبدا إلا مرة وحدة بالسنة واذا ماجبت المطلوب بدرجة الايلتس بفترة كافية قبل الكورس احتمال ماتلقى مقعد خصوصا للكورس التأهيلي قبل الماستر أما نفس الماستر لو تجيب 6,5 وتقدم قبل أسبوع راح تلاقي مقعد
    ومثل ماقلت قبل احيانا كثيرة تلقى حالات خاصة انقبلوا بشروط معينة

    والعيب الثاني أن الكثير من الجامعات يكون فيها بعض التخصصات مهي معتمدة وهذا الشي يتعب اللي معه مرافقين يكون تخصصه معتمد وتخصص المرافق ل
    أما ميزات بريطانيا سهولة التحويل بين معاهد اللغة وتغيير الجامعة قبل الدراسة اذا وافق المشرف الأكاديمي

    أيهم أسهل استراليا أم بريطانيا

    من ناحية شروط القبول فيهنظرية كل ماكثرت عدد الجامعات كل ماخفت الشروط وزاد التنافس ومعروف أن عدد الجامعاتبنيوزلندا قليل واستراليا اكثر منها بس مافيه مقارنة بجامعات بريطانيا اللي عددها كثير مرة .
    أما الدراسة مافيه أحد يقدر يحكم بس في الغالب النظامين قريبين من بعض وطبعا نرجع لسالفة الظروف والتوفيق بمدرسين للمواد اللي يعتمد عليهم كل شي


    نقاط متفرقة:

    1) لأغلب المبتعثين الجدد كثرت التفكير والتخبط بدون سبب بتسبب لك تشتت وبتربك قبل وبعد البعثة الإجرائات والامور سهلة ولكن بتاخذ وقت لذلك حاول ترتيب أمورك بهدوء وخطوة وخطوة بدون استعجال , وهذا لاحظناه بعد فترة النتائج مباشرة لذلك حاول ترتيب كل شي بالأولولية ووفكر بالأهم .

    2) مواضيع كثيرة انطرحت بالمنتدى عن أفضل جامعة وأفضل تخصص وأفضل مدينة صدقوني حتى اللي زار كل الأماكن هذي مايقدر يقرر ويحكم يعني تعتبر من الأسئلة المستحيلة واللي تزيد عدد مواضيع بدون فائدة واحتمال تنقص من فرصة الرد على زملائك بمواضيع ثانية بسبب المواضيع هذي لذلك نصيحة أغلب المسجلين في الابتعاث الحين عندهم فرصة التجول بالانترنت وقراءة كل مايتعلق باستراليا ولو كانت من المواقع السياحية اللي تعتبر مهمة بجانب الدراسة خصوصا لأصحاب الملل السريع .

    3) بعد وصولك لمقر بعثة حاول التركيز على هدفك اللي رايح علشانه ومهما تسهلت الظروف كل شخص معرض لمواجهة المصاعب ولاتكون سريع التذمر من اول موقف لأن هذا بيأثر كثير على دراستك . وهذا الوضع صاير موضة بين الشباب خصوصا عند الخوف من الفشل يحاول يلقي اللوم على أشياء كثيرة رغم انه كان هو جزء كبير من سبب المشكلة .

    4) للأخوان اللي يبغون مساعدة تذكر قبل كتابة أي موضوع (ساعد الناس علشان يساعدونك) قبل كل شي حاول البحث عن جواب لسؤالك لأن المنتدى والأنترنت مليان بتفاصيل كثيرة ولو مالقيت ساعدهم بشرح مشكلتك بشكل مبسط وحدد وش اللي تبغاه بشكل دقيق لأنه أي سؤال عام بيصعب الجواب عليه .نصيحة بعد الوصول وبداية اللغة حاول تراجع أي مسؤل عن الطلاب بالجامعة وتتأكد من أوراقك وتخصصك أنها سليمة لأني واجهت مشكلة بعد وصولي بفترة واكتشتفت أن تخصص اللي طلبته انلغى قبل وصولي والمكتب المسؤل مابلغني وكان أصلا معطيهم بيانات ايميلي خطأ ليتأكد بعدم تواصلي معهم ,, والحين بأقل من سنة اكتشتفت أنه فيه تغيرات كبيرة ثانية على التخصصات يعني كل واحد يتأكد من تخصصه وقبوله بعد وصوله , وتأكد أنه كلام أي شخص هنا في المنتدى معرض للتغيير بأي وقت (علشان مايجي أحد ويقول فلان هو اللي قال وكان سبب بمشكلتي) احتمال يكون كلامه صح ومع الوقت تغير النظام .

    وفي الأخير أتمنى من الجميع العذر على الإطالة وعدم الترتيب في الموضوع

    ولو جد في الخاطر جديد بحاول إضافته في الردود .

    وأي سؤال عن استراليا أو بريطانيا أنا حاضر بأي وقت .

    تمنياتي للجميع بالتوفيق .


  2. اخوي واحد اشكر لك هذه المعلومات , لكن سؤالي لك , انا احتمال كبير اختار جامعة موناش ,هل دراسة الماجستير في استراليا بشكل عام تتطلب رساله لانهاء الدرجه العلمية ؟؟ السؤال الثاني : هل معاهد اللغة هناك تلزم باختبار ايلتس ؟ واذا نعم بماذا تنصحني بالنسبه للمعاهد ؟ وهل الأفضل اختيار معهد لايتطلب اختبارات من اي نوع لدخول الجامعه؟؟؟ ولك عميق شكري
    7 "
  3. اهلين واحد . سؤالي لك هل نظام دراسة الماستر في استراليا يتطلب انهاء المرحلة برساله ومناقشتها ؟ وانا احتمال كبير اختار جامعة موناش .

    سؤالي الثاني : هل جميع معاهد اللغة تطلب اختبار ايلتس لدخول الجامعه ؟؟ او ان هناك معاهد لاتلزمك باختبارات معينه ؟؟ وايهما تفضل , ولك عميق شكري
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.