طريقة " الإلتحاق " بالبعثات

السلام عليكم
عزيزي
أغلب اللي أعرفهم
التحقوا من الملحقيات
بس لازم تمر الملحقية اول ما تروح
وتفتح ملف طالب على حسابه وتعطيهم نسخ من جميع أوراقك
ثم ترسل للملحقية مشهد من المعهد بالحظور لعدد من الساعات
وبعدها ترسل لأحد في الممكلة جميع أوراقك مع مشهد الحظور والقبولات وكل شئ
ويروح بها للوزارة فرع العليا
وينشب لهم يوم او اكثر ويعطونك القرار
بدون مشاكل
وسلامتك
دن دن

يعطيك العافية أخوي على الاستجابة السريعة , وبصراحة ريّحتني لأني كنت متخوّف من المشاوير هالأيام تعرف زحمة ومشاغل , يعني كل شي من هناك خير إن شاء الله , الله يسهّل الأمور وتضبط

يعطيك العافية مرة ثانية ما قصرت

اخوي تر الالتحاق بالبعثات من استراليا الغوه في مرحلة اللغه
صار لازم تدرس لغه وتخلص 30 ساعة جامعيه
وهذا الكلام واحد من الوزاره قاله الي وهو المسؤول عن الدارسين على حسابهم الخاص
وانت اذا حاب تتأكد روح الرياض الى وزارة التربيه والتعليم العالي اللي في حي الغدير رورح أسأل عن شخص أسمه وليد الجبر أو وليد الحربي نسيت أسمه بالضبط
أو أنك تتصل بالملحقيه اللي في أستراليا وتسألهم وتأكد أول لشي عشان ماتطلع وتخسر ويطولوا عليك لبين مايضموك للبعثه
مع العلم ان الانضمام للبعثه لمرحلة اللغه أصبح الان فقط في كندا وأمريكا وهذا اللي قاله لي المسؤول عن الدراسه على الحساب الخاص

كلام كريمي
ممكن
لأن الوزارة برضه قفلت الانظمام في بريطانيا مرحلة البكلوريس
أما عن استراليا ولد خالي قبل سنة طلع على حسابه وقعد اربع شهور لين ضموه
لكن الشغلة يبغالها شوية واسطة
يعني كل شئ سليم الا ها الشغلة البسيطة جدا
باللباقة تجيبها وبالواسطة تجيبها وبالنخوة تجيبها
هونها وتهون اهم شئ شد الحزام وتعلم الطبخ ووفر دراهمك
وسلامتك
أخوك دن دن

هذا الكلام اللي قالوه اليي وانا أفضل أنكم تتاكدزا يكون أفضل
لانه هو قال لي بالحرف ان الالتحاق في مرحلة اللغه ألغيناه في نيوزلندا واستراليا وبريطانيا والان موجود بس في كندا وأمريكا
وقال اذا تبغي تلتحق في البعثات وانت في استراليا او نيوزلندا او بريطانيا لازم تدرس لسنه كامله لغه وسنه في البكلريوس وبعدين تلتحق
اما كندا وأمريكا فالالتحاق أول شهرين ان شاء الله ونحطك بالبعثات فسألته هالكلام على طوول لو يمكن يتغير
يقول مافي شي أكيد
انا الان أحاول أسوي كل أموري على أمريكا ولا كندا وقبل ماأطلع بأسبوع باروح الرياض وأسأل هذا المسؤول عن الدراسه على الحساب الخاص هل أنلغى الاتحاق في أمريكا وكندا ولا لا في مرحلة اللغه
اذا قال ماأنلغى بتوكل على الله وبطلع

أووووه يالله . . . توني عارف هالشي .. . ؟؟؟ زين من متى هذا القرار ؟

لأني سألت أكثر من مرّة عن موضوع الإلتحاق وقالوا لي طلاب كثيييير إلتحقوا بالبعثات بعد الشهر الثالث أو الرابع !!! توني أسمع عن هذا القرار . .. ؟؟؟

الله يعين , السفر بعد كم يوم وأنا توني أعرف قرار مثل هذا . . . ( الله يكون بالعون )

الالتحاق حاليا باستراليا مغلق

انا من شهر 6 ادرس باستراليا وكل ما ارسل طلب الالتحاق يردون انه اللاحاق مقفل

احسن حل انك تروح بنفسك للرياض وتحاول تاخذ على الاقل امر اركاب وراح يسهل التحاقك

ليش يسهل الالتحاق بأمر الاركاب يعني؟؟
فهمنا وش السالفه يالخوي

انا ياخوي ماكنت أدري
بس قبل اسبوع كنت رايح الوزراه وقالوا لي حى انا استغربت لان ماحد تطرق لهذا الموضوع بالمنتد
ولكن من كثر الفضاوه والقرايه في المنتدى بعدين حصلت موضوع يتكلم عن هالشي بس مادري وينه