الأعضاء الإشتراك و التسجيل

الملتقيات
ADs

ياشباب تكفون المساعده

ياشباب تكفون المساعده


NOTICE

تنبيه: هذا الموضوع قديم. تم طرحه قبل 6427 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية حرف
    حرف

    مبتعث مستجد Freshman Member

    حرف غير معرف

    حرف , تخصصى طالب , بجامعة الى الان لم احصل على قبول
    • الى الان لم احصل على قبول
    • طالب
    • غير معرف
    • برايتون, المنطقه الشرقيه
    • غير معرف
    • May 2006
    المزيدl

    August 25th, 2006, 05:35 AM

    السلام عليكم ورحمة الله وبركاته:



    كيف الحال يا اخوان

    والله بصراحه طالب المساعده منكم يا اخوان

    انا كنت في البدايه مقدم على امريكا وعندي قبول من هناك بس باقي لي التأشير الى الان

    بس بصراحه الان شلت امريكا من البال ولا عاد افكر فيها

    والاسباب مثلكم عارفين مافيه استقرار سياسي ولا امني .......الخ

    وبصراحه جلست افكر في استراليا وقريت عنها صراحه دوله ما عليها كلام

    وارخص شوي من امريكا لاني انا طالع على حسابي الخاص

    والي ابي منكم الان يا اخوان بعض المساعده


    افضل مكان للدراسه ( الولايه )

    ابي اسم كذا جامعه تكون معترف بها وقويه

    والشي الاهم ابي اسم ورقم مكتب يجيب لي القبول من هناك ( يفضل يكون المكتب في الشرقيه)

    وهل في تعقيد في السفاره زي امريكا ( وانتو بكرامه) :101:

    وكم ياخذون من وقت على مايردون عليك الجامعه والسفارة

    طبعا انا معي دبلوم ومعدلي 2.82 هل يدققون في المعدل او لا او الثانويه

    وكم يبون ضمان من البنك كم المبلغ
    لانــي بصراحه ما أعرف كثير عن استراليا


    وفي الاخير اشكركم جزيل الشكر يااخوان :86:
  2. حرف

    اول شي كنت بقولك ليش غيرت بس دامك على حسابك تدلع واطلع للي تبيه يالغالي

    وبصراحه انا معك انك احسن شي اخترت استراليا طبعا لامور كثيره واولها زي ما قالت ما عندها مشاكل سياسيه ودوله ما عندها اي تحفظ ضد العرب والمسلمين ودوله ممتازه ومريحه ولا شفنا اي مشاكل فيها والحمد لله

    وثاني شي

    طبعا شوف انت تبي جامعه وولايه

    هذولا ياطويل العمر انت تححدها تبع لمجال دراستك يعني وش راح تدرس تختار منها الجامعات وعلى اساس الجامعه تحدد المدينه الي راح تستقر فيها

    واذا تبي اسم الجامعات المعترف فيها عند الوزاره مع تصنيف الجامعه وكفائتها طبعا لتقييم الطلاب السعوديين هناك موب التقييم من الوزاره

    هذي هي ادخل لهذا الرابط

    ومكتب يجيب لك قبول عندك الرقم هذولا


    وفيه مكتب ثاني ارخص من عبدالعزيز بس مشكلته بالرياض وجده مدري اذا عندهم فرع بالرياض بس خدماتهم حلوه يستقبلونك بالمطار ويودونك للمعهد والجامعه ويجيبون لك الفيزا بعد لو بغيت

    هذا اسم المكتب ..(IGEC) - المجموعه الدوليه للإستشارات الدراسيه
    وهذا رقمهم بالرياض 01-4199060/4199061
    E-MAIL:SAUDI@IGEC.COM.AU

    موقعهم
    http://www.igec.com.ua

    اوقات الدوام من السبت للإربعا 9صباحا-1 ظهرا
    ومن 4.30 عصرا - 9 مساءا
    والخميس لغاية الساعة 2 ظهرا ..

    وسالفة التعقيد بالفيزا لا الحمد لله ما فيه الفيزا تجيبها لك ارامكس لين عندك بالشرقيه ولا فيه مقابله لهم ولا شي والحمد لله ما قد احد اشتكا روح لإي مكتب ارامكس وقلهم ويجيبونها لك

    وهذا عنوانهم

    الدمام
    طريق الخبر الدمام الساحلي
    بالقرب من معرض ابراهيم النجران
    تلفون: 8877333-03

    وباقي المعلومات الي هي هل يدققون بالدرجات والضمان يقدر يفيدك فيها المكتب او عبدالعزيز او نفس الجامعه الي بتدرس فيها


    وانشالله اكون وفقت في الشرح لك

    دعووااتك لي


    اخوك

    بـ ن ـدر
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.