أبغى يكون معي دولار استرالي ماهي أفضل طريقة للصرف

توصل بالسلامة يالغالي ..

شوف تروح شارع البطحاء ، وإذا وصلت تحت الكبري بتحصل محلات على يمينك وأنت متجه إلى الشمال ، بتحصل يمكن 5 محلات جنب بعض .. وتقول لهم كم سعر الدولار الأسترالي .. وشف أرخص واحد واشتر منه المبلغ المطلوب .. وفرصة ترى الدولار نازل هاليومين.

وأما البنوك فما أدري عنها ، لأني كلمت أكثر من بنك في الرياض -قبل ما أسافر- فقالوا عندهم حوالات إلى أستراليا وما عندهم كاش.

وفي حل ثاني إذا كنت خايف من الكاش تشيله معاك .. وهو إنك تفتح حساب في بنك الكمنولث وأنت في الرياض .. عن طريق موقعهم الإلكتروني ، وخلال 24ساعة يتصلون عليك ويعطونك رقم الحساب والفرع .. وبعدين تقدر تسوي حوالة إلى حسابك وخلال يومين وهي في حسابك في أستراليا .. والراجحي يأخذ على الحوالة 70 ريال فقط والبنك الأسترالي يأخذ 20 دولار ، فتكون قيمة الحوالة 70 ريال + 20 دولار . وأنا جربت هالطريقة وريحتني كثير ..

وهذا هو الرابط اللي فيه طريقة فتح الحساب ، وأنا بحاول أرفع الموضوع علشان يستفيد أكبر عدد من الشباب وتوصلون بالسلامة :

http://www.mbt3th.us/vb/showthread.php?t=43071

شكرا للموضوع اخ eng
وتسلم اخ مشواري
بالتوفيق للجميع

طيب في الغربية فين نحصل محلات الصرف ؟

الغربية كبيرة !! أي مدينة ؟؟؟

اذا في جدة

عندك العمودي للصرافة بسوق المساعدية بطريق المدينة النازل ( بجانب البيك )

أو

انزل البلد شارع قابل يمكن في أكثر من 10 محلات صرافة

شكرا يا eng على فتح هذا الموضوع المفيد خصوصا للذين سوف يسافرون بعد أيام

وأنت يامشوراي شكرا على الإفادة ولكن عندي بعض التساؤلات وهي كالتالي :

- هل لابد أن يكون البنك المحول منه الراجحي فقط أم أن هناك بنوك أخرى لديها نفس الطريقة مثل البنك الأهلي .
- هل هذا البنك الكومنولث يكفي دون فتح حساب آخر في بنك آخر عند الحضور إلى استراليا وذلك لدفع المصاريف من الملحقية . وهل هذا البلك يوجد له فروع في مدينة بيرث غرب استراليا .

بالتوفيق لكم جميعا ياأبناء الصحراء

** لا مو شرط تروح للراجحي ، رح لأي بنك ، وبنك البلاد عندهم فروع كثيرة للحوالات إسمها ( إنجاز)

** بنك الكمنولث من أشهر بنوك أستراليا ، وأكثر من 95% من الطلاب فاتحين في هالبنك .. وأجهزة الصراف حقته كثيرة جدا وتلقاها ي مراكز التسوق والجامعاتً (لأنك إذا سحبت من بنك ثاني يأخذون عليك عمولة مو مثل السعودية تقدر تسحب من أي صراف).

وبالتوفيق ..

مشكورين على المعلومات

وجزاكم االله خير