سيدني × ملبورن = ؟ ؟ ؟ ؟ ؟

السلام عليكم ورحمة الله وبركاتة :
انا بحط لكم رايي . واكيد المبتعث صاحب القرار الاول .
انا اسمع انة سدني رهيبة وروعة بس غالية حبتين .
انا بملبورن ومتاهل الجو غاية في الروعة غيوم وامطار تقريبا يوميا .
باردة حبتين . في الرخيص وفي الغالي لانة بصفة عامة معيشة استراليا غالية . جدا . بالنسبة لمعيشتنا بالسعودية .
بس هنا بدينا نعرف الاماكن الرخيصة . ملبورن بالنسبة لغيرها في مطاعم عربية حلال تقريبا من 20 الى 40 مطعم حلال .
انا اكلم بعض الزملاء في اديلد يقولو مافي ولا مطعم حلال .
في هنا ملبورن المساجد والحمدلله مو منتشرة ولكن طيبة في مكل منطقة مسجد .
المسلمين عددهم طيب . في احياء جميلة مثلا نسمع سوق الصوماليين يجيبو جميع المنتوجات العربية بسوقهم . نسمع بمحلات لبنانية يجيبو منتوجات عربية .
طبعا اللي يقرا الان مو زي لما تعيش بدولة اجنبية . يا شيخ لما تشوف مطعم عربي عيونك بتطلع لانة من جد من زمااااااااااااااان عن الاكل العربي . ايوة في ملاحم عربية .
بالنسبة للسكن اتوقع ارخص من سدني وبيرث احنا الشقة تاخذها بالشهر من 1300 الى 1500 دولار
معدل 300 بالاسبوع
والهاوس نفس الشي
انا ماخذ هاوس حلو ب 1303 دولار بالشهر . في عرب صراحة وميزة ملبورن بلد مشكلة ومافي عنصرية في هنود صومالية عراقيين سورييين لبنانييين مصرييين مدينة مشكلة .
محروقات السيارات بالنسبة لباقي المدن الاسترالية ملبورن الاغلى صراحة .
ملبوووورن مشكلتها كبيرة كبيرة كبيرة كبيرة جدا
يعني مثلا انا بجامعة لاتروب . مثلا لي بعض الزملاء بجامعة موناش . المسافة بين الجامعتين تقريبا 30 كيلو . ليست خط سريع وانما داخل المدينة .
اماكن التمشيات والسياحة حدث ولاحرج . بالاضافة للميزة الكبرى عن باقي مدن استراليا في الشتاء نذهب للتنزة بجبل التلج يوجد عدة اماكن للثلج يبعد تقريبا ساعتين بالسيارة او ساعتين ونص طلوعا للجبل .
الشعب جدا فررررندلي .
لايوجد اية مشاكل بالنسبة للحجاب او العبائة . حتى زي المراة العربي متقبل جدا هنا ولا يلفتهم ولاينظرون الى المراة العربية بتاتا .
النقطة الاخيرة ملبورن الاقوى مواصلات بالنسبة للمدن الاسترالية على حسب ما سمعت ترين وترام منتشرة بكل مكان وباصات . بعدد الزواج انصحكم بالسيارة والتعلم على الدركسون اليمين اللي شقلب لي مخي . عشان انت والاهل تروحو لاي مكان ولا تتقيدو بمواعيد محددة لا بالويكند ولا غيرة .
الشباب اللي محتارين لية ما تفكرو ببرزبين انا اسمع انها حلوة وتبعد عن القولد كوست 60 كيلو ورخيصة . وتعتبر الارخص باستراليا تقريبا حسبما سمعت من اصحابي .
فرق محروقات السيارة هنا عن برزبين اللتر برزبين ارخص مننا تقريبا ب 20 سنت . الايجار للمنازل ارخص بالشي البسيط . والمعذرة على الاطالة . وتقبلو فائق تحياتي والله الموفق .